Morgunblaðið - 07.09.2016, Page 6
BAKSVIÐS
Ingveldur Geirsdóttir
ingveldur@mbl.is
Justin Bieber er spenntur fyrir því
að koma til Íslands og ætlar ekki að
láta bíða eftir sér. Hann kemur til
landsins fyrr en seinna, allt eins í dag
segir Chris Gratton, framleiðslu-
stjóri Purpose-tónleikaferðalagsins.
Blaðamaður hitti Gratton í Kórnum í
Kópavogi í gær þar sem tónleikarnir
fara fram á fimmtudag og föstudag.
Það er ljóst þegar gengið er inn í
Kórinn að eitthvað stórt er í vænd-
um; það er fólk úti um allt að vinna,
litrík ljós blikka og upp er komið
trommusett merkt Bieber. Það ligg-
ur vel á starfsfólkinu sem hlær og
gantast. Gratton segir það líka hæst-
ánægt hér á landi, þau fóru í norður-
ljósaferð í fyrrakvöld og eru búin að
baða sig í Bláa lóninu.
Gratton kom með 44 starfsmenn
tónleikaferðarinnar með sér frá
Bandaríkjunum. „Við erum með 40
fleiri þegar við erum á ferðalagi því
hér erum við með íslenska ljósamenn
og hljóðmenn. Restin hittir okkur í
Berlín fyrir áframhald túrsins,“ segir
Gratton en í heildina koma tæplega
100 manns hingað til lands í
tengslum við tónleikaferðalagið.
Lyftur í sviðinu
„Við komum með megnið af tón-
leikaferðalaginu okkar í Ameríku
hingað yfir. Markmiðið er að gefa
hverju landi eins mikið af upphaflegu
sýningunni og mögulegt er. Eins og
þú sérð þá komum við með miklu
meira dót en hinn Justininn gerði
síðast,“ segir Gratton og skítur þar á
Justin Timberlake. Þó að heilmikið
af búnaðinum í Kórnum sé íslenskt
þá komu sjö stórir gámar hingað til
lands fullir af útbúnaði. Þetta eru
líka ekki bara tónleikar, heldur helj-
arinnar sýning. Yfir sviðinu liggur
rampur í loftinu sem dansað er á,
lyftur eru faldar í sviðinu og alls-
konar aðrar brellur sem fylgja.
Gratton er ánægður með hversu
vel hefur gengið við uppsetningu tón-
leikana hér og segir heimamenn frá-
bæra. Það er ótrúlegt magn af dóti
sem þarf í kringum eina tónleika en
starfsfólk Gratton er vel þjálfað og
segir hann að það verði búið að
pakka öllu niður og það komið út á
flugvöll aðeins fjórum klukkutímum
eftir að síðari tónleikunum lýkur.
„Allt sem við erum með er hannað til
að vera tekið í sundur og sett saman
hratt. Við æfum ekki bara tónleikana
heldur líka að setja upp og taka nið-
ur sviðið.“
Íslandstónleikarnir eru þeir
fyrstu í Evróputúrnum og því gafst
góður tími til að setja þá upp hér.
En þegar verið er á fullri ferð á milli
tónleikastaða eru Gratton og starfs-
fólk hans aðeins 5 til 6 klukku-
tíma að setja allt upp og um 3
klst. að taka allt saman,
hlaða dótinu í 20 trukka og
koma sér af stað á næsta
stað.
Spurður hvort Kórinn
sé ekki lítill m.v. aðra tón-
leikastaði á túrnum segir
Gratton það alls ekki
vera, hann sé bara pass-
legur. „Miklu fleiri lista-
menn munu koma hing-
að ef vel tekst til, sem
lítur algjörlega út fyrir
að verði. Þetta er
spennandi fyrir banda-
rísk bönd því mörg
þeirra hafa viljað koma
hingað í mörg ár.“
Gratton er enginn
nýgræðingur í
tónlistarbransanum,
hefur verið á ferðinni í
33 ár með hinum
ýmsu listamönnum.
Áður en hann fór að
stjórna tónleikaferð-
um Biebers starfaði
hann fyrir Kanye
West. Þar áður var hann
lengi í rokkinu og ferðaðist t.d. með
Guns N’Roses, Race Against The
Machine, Limp Bizkit, og Korn en
hann kom einmitt með þeim hingað
til lands árið 2004.
Breyttur áheyrendahópur
Purpose-tónleikaferðalagið hófst í
mars og mun standa fram í lok nóv-
ember. Gratton segir túrinn hafa
gengið vel hingað til og viðbrögðin
verið meiriháttar. „Það er líka breyt-
ing á áhorfendunum, þetta eru ekki
lengur bara ungar stelpur. Núna
sjáum við fólk frá 4 ára og upp í
fimmtugt á tónleikum Biebers. Nýja
platan nær til allra kynslóða, þetta
eru spennandi tímar fyrir hann.“
Gratton ber Justin Bieber vel sög-
una, segir gott að vinna með honum
og hann sé áhugasamur, kurteis og
spurull. Gratton er aðalmaðurinn í
túrnum og er ansi náinn poppstjörn-
unni. Bieber valdi sjálfur að koma til
Íslands á tónleikaferðalagi sínu um
heiminn. „Hann er ástæðan fyrir því
að við erum hér. Þegar Purpose-
tónleikaferðalagið var skipulagt
spurði hann hvers vegna Ísland væri
ekki á dagskrá, hann hefði alltaf vilj-
að fara þangað. Þannig að við bætt-
um Íslandi við þegar túrinn var að
byrja. Hann vildi koma hingað,“ seg-
ir Gratton.
Spurður hverju Íslendingar megi
eiga von á í lok vikunnar svarar Grat-
ton að þeir muni sjá stærstu tónleika
sem þeir hafi nokkurntímann séð.
„Justin er listamaður og hann hefur
gefið mikið í það að koma hingað.
Hann vildi að Ísland fengi að sjá al-
veg eins sýningu og aðrir í heim-
inum.“
Bieber vildi koma til Íslands
Íslendingar fá ekki minni sýningu en aðrir í heiminum Framleiðslustjóri Purpose-tónleikaferð-
arinnar ber Bieber vel söguna Áhugasamur og kurteis Uppsetning í Kórnum gengur vel
Morgunblaðið/Árni Sæberg
Undirbúningur Sviðið í Kórnum er hið glæsilegasta enda gerir Justin Bieber mikla kröfu til þess að tónleikarnir hér á landi verði flottir.
Samstarfsmenn Chris Gratton, framleiðslustjóri tónleikaferðalagsins, til
hægri og Christopher Louden, yfirmaður öryggismála, til vinstri.
Kórinn Ásjónan verður öðruvísi þegar salurinn verður fullur af fólki á tón-
leikum poppstjörnunnar Justins Biebers á fimmtudaginn og föstudaginn.
Justin Bieber
Íslandstónleik-
arnir eru þeir
fyrstu í Evr-
óputúrnum.
6 FRÉTTIRInnlent
MORGUNBLAÐIÐ MIÐVIKUDAGUR 7. SEPTEMBER 2016
Söngskólinn íReykjavík
Fyrsta 7 vikna námskeið vetrarins
hefst 12. september og lýkur 28. október
Einnig er hægt að fá einkatíma í söng - fjöldi tíma samkomulag
SÖNGNÁMSKEIÐ
Nánari upplýsingar
www.songskolinn.is / 552-7366
Allir geta fundið eitthvað fræðandi og skemmtilegt við sitt hæfi!
• Fyrir fólk á öllum aldri:
Sem undirbúningur fyrir frekara söngnám
eða tómstundagaman fyrir söngáhugafólk
• Kennslutímar:Morguntímar / Síðdegistímar / Kvöldtímar
• Söngtækni:Raddbeiting / Túlkun / Einsöngur / Raddaður söngur
• Tónmennt:Tónfræði / Tónheyrnarþjálfun / Nótnalestur