Morgunblaðið - 07.09.2016, Side 27

sem hægt er að hugsa sér. Maður
öðlast ómetanlega innsýn í fjöl-
breytileika samfélagsins, kynnist
fjölda áhugverðra einstaklinga, auk
þess sem ég starfaði með áhuga-
verðu og skemmtilegu fólki á Mogg-
anum. Þessi tími var ómetanlegur.“
Anna Gunnhildur hóf MBA-nám í
HR með blaðamennskunni og var
boðið starf upplýsingafulltrúa á
Þjónustu- og rekstrarsviði Reykja-
víkurborgar í lok ársins 2006: „Ég
þáði boðið og varð síðar í millistjórn-
endastarfi á skrifstofu borgarstjóra.
Ég starfaði með fimm borgar-
stjórum á jafn mörgum árum á ólgu-
tímum hjá Reykjavíkurborg. Það
var eftirminnileg reynsla.“
Anna Gunnhildur var svo hálfnuð
með MA-gráðu í opinberri stjórn-
sýslu þegar henni var boðið starf
framkvæmdastjóra Geðhjálpar
haustið 2013. „Ég tók við starfinu á
tímamótum hjá félaginu. Notendur
höfðu tekið við stjórnartaumunum
og framundan var mótunar- og upp-
byggingarstarf. Starfið hjá Geðhjálp
hefur verið krefjandi og gefandi.
Geðhjálp hefur færst í aukana, t.a.m.
hefur félögum fjölgað úr 440 í hátt í
2.000 og sýnileikinn hefur þrefald-
ast. Félagið hefur fengið mikinn
meðbyr í samfélaginu og framtíð
þess er björt þó að baráttumálin séu
vissulega fjölmörg og knýjandi.“
Óforbetranlegur bókaormur
„Ég hef alltaf gefið mig heilshug-
ar að vinnunni og ekki sinnt félags-
störfum að ráði. Ég hef þó beitt mér
á sviði jafnréttismála og málefna
innflytjenda enda stendur sá mála-
flokkur mér nærri því að maðurinn
minn, Davor Purusic, er innflytjandi
á Íslandi.
Aftur á móti hef ég sinnt áhuga-
málum mínum. Hreyfing er mikil-
væg þegar starfið er krefjandi. Ég
reyni að komast reglulega í líkams-
rækt og stunda skriðsundsæfingar
með Garpasundsfélögum mínum
eins oft og ég get. Svo á ég hund og
fer reglulega með góðri vinkonu og
hundunum hennar í göngu. Síðast en
ekki síst er ég í frábærum bóka-
klúbbi, Æskunni, enda óforbetran-
legur bókaormur. Við fjölskyldan er-
um líka dugleg að ferðast og bara
njóta samverunnar.“
Fjölskylda
Eiginmaður Önnu Gunnhildar er
Davor Purusic, f. 6.7. 1966, hdl. og
lögfræðingur hjá Rauða krossi Ís-
lands. Foreldrar hans voru Ana
Alilovic Purusic, f. 24.9. 1924, d. 9.12.
2010, fjármálastjóri og löggiltur
túlkur, og Mate Purusic, f. 11.2.
1940, d. 26.9. 2014, bílstjóri.
Dætur Önnu Gunnhildar og
Davors Purusic eru Halldóra Ana
Purusic, f. 7.11. 1996, þjónn á veit-
ingastaðnum Uno, og Valgerður
Marija Purusic, f. 19.3. 1999, nemi
við MH.
Systkini Önnu Gunnhildar: Hilm-
ar Ólafsson, f. 15.7. 1965, d. 24.7.
1991, bifvélavirki; Birna Ólafsdóttir,
f. 10.5. 1969, ljósmóðir í Garðabæ, og
Jón Heiðar Ólafsson, f. 20.3. 1971,
framkvæmdastjóri Brettis ehf. í
Reykjavík.
Foreldrar Önnu Gunnhildar eru
Ólafur Heiðar Jónsson, f. 25.11.
1934, fyrrv. laugarvörður, og Hall-
dóra Hilmarsdóttir, f. 21.9. 1938,
fyrrv. sérhæfður starfsmaður á
LSH, búsett í Reykjavík.
Úr frændgarði Önnu Gunnhildar Ólafsdóttur
Anna Gunnhildur
Ólafsdóttir
Sigurbjörg Jónsdóttir
húsfr. á Kirkjuhóli
Helgi Guðnason
b. á Kirkjuhóli í Skagafirði
Birna Helgadóttir
húsfr. í Fremstagili
Hilmar A. Frímannsson
b. í Fremstagili í Langadal
Halldóra Hilmarsdóttir
sérhæfður starfsm. á LSH í Rvík
Valgerður Guðmundsdóttir
húsfr. í Hvammi
(Guðmundur) Frímann
Björnsson
b. í Hvammi í Langadal
Guðmundur Frímann
skáld og rithöfundur
Jóhann Frímannsson
póstmeistari á Akureyri
Óli G. Jóhannsson listmálari
og blaðamaður á Akureyri
Valgarður Hilmarsson
forseti sveitarstjórnar
Blönduósbæjar
Sigfús Sigmundsson
kennari í Rvík
Sigmundur Sigfússon
geðlæknir á Akureyri
Þráinn Jónsson frkvstj.,
hreppstj. og vþm. á Héraði
Margrét Jónsdóttir
húsmæðrakennari
Guðrún Jónsdóttir
húsfr. í Rvík
Ína Guðrúnardóttir
geðlæknir í Svíþjóð
Urður Gunnarsdóttir
uppl.fulltrúi í utanr.ráðun.
AnnaBirna Þráins-
dóttir sýslum.á Suðurl.
Þórunn Bjarnadóttir
húsfr. á Birnufelli
Ólafur Bessason
b. á Birnufelli á Héraði
Anna Ólafsdóttir
húsfr. í Gunnhildargerði
Jón Sigmundsson
b. í Gunnhildargerði í
Hróarstungu á Héraði
Ólafur Heiðar Jónsson
laugarvörður í Rvík
Guðrún Sigfúsdóttir
húsfr. í Gunnhildargerði
Sigmundur Jónsson
b. í Gunnhildargerði
ÍSLENDINGAR 27
MORGUNBLAÐIÐ MIÐVIKUDAGUR 7. SEPTEMBER 2016
Doktor
101 ára
Bjarni Guðjónsson
95 ára
Lovísa Bergþórsdóttir
90 ára
Fjóla H. Guðjónsdóttir
Guðrún Ingibjörg
Björnsdóttir
Jean Magnússon
Sveinsína Jóhanna
Jónsdóttir
85 ára
Helga S. Helgadóttir
80 ára
Bára N. Guðmundsdóttir
Guðmundur Sigþórsson
Guðrún Mýrdal
Björgvinsdóttir
75 ára
Friðbjörg Óskarsdóttir
Jón Björnsson
Unnur Breiðfjörð
70 ára
Birna Þórkatla
Skarphéðinsdóttir
Hilmar Hafsteinsson
Jónína Unnur Bjarnadóttir
Kristín Lúðvíksdóttir
60 ára
Ásgeir Örn Gunnarsson
Björgvin Bragason
Egill Jónsson
Elísabet Jensdóttir
Guðsteinn Ingimarsson
Gunnar Þorsteinsson
Gylfi Björgvinsson
Ingibjörg Sigtryggsdóttir
Jan Chilimoniuk
Jan-Inge Lekve
Unnur Guðbjartsdóttir
Vaka Hrund Hjaltalín
50 ára
Adam Jablonski
Anna Gunnhildur
Ólafsdóttir
Guðmundur Hjaltason
Guðrún Róshildur
Kristinsdóttir
Gunnar Sigurgeir
Ragnarsson
Gylfi Gylfason
Kristinn Pétur Birgisson
Kristófer Orlowski
Sigurður Þór Harðarson
Valdimar Jónsson
40 ára
Almir Cosic
Björn Sigurbjörnsson
Dagný Atladóttir
Eiríkur Ingi Kristinsson
Elvar Örn Þórisson
Emma Hilmarsson Haj
Hjördís Sigrún
Jónsdóttir
Ilham Souni Mouhsine
Ilona Guzewicz
Kristín Ottósdóttir
Lilja Guðrún Jónsdóttir
Linda Kolbrún
Haraldsdóttir
Margrét Kristín
Tryggvadóttir
Matti Lauri Kallio
Þórður Már
Sigfússon
30 ára
Aron Ívarsson
Árdís Hrönn Jónsdóttir
Brynjar Þór Þórarinsson
Jóhann Sigurðarson
Lárus Gauti Georgsson
Magnea Ósk Waltersdóttir
Rósa Dögg Ómarsdóttir
Stacey Beth Katz
Tinna Björk Kristinsdóttir
Til hamingju með daginn
30 ára Aron er Reykvík-
ingur og er tölvunarfræð-
ingur, með BS-gráðu frá
Háskólanum í Reykjavík.
Bróðir: Ívar Kristján
Ívarsson, f. 1980, sjálf-
stætt starfandi töku-
maður.
Foreldrar: Ívar Guð-
mundsson, f. 1952, sjálf-
stætt starfandi endur-
skoðandi, og Kristín
Kristjánsdóttir, f. 1952,
hárgreiðslukona. Þau eru
búsett í Reykjavík.
Aron
Ívarsson
40 ára Björn er Keflvík-
ingur, fæddur þar og upp-
alinn, og er flugvirki hjá
Icelandair.
Börn: Þóra Snædís, f.
1998, Elva Rut, f. 2002,
Birgitta Rún, f. 2007, og
Thelma Dís, f. 2009.
Foreldrar: Sigurbjörn
Björnsson, f. 1945, flug-
maður og síðar starfs-
maður hjá IGS, og Þóra
Þórhallsdóttir, f. 1949,
heimavinnandi. Þau eru
bús. í Keflavík.
Björn
Sigurbjörnsson
30 ára Rósa er Reykvík-
ingur, vinnur hjá Parlogis
en er í fæðingarorlofi.
Maki: Elías Þór Hall-
dórsson, f. 1991, pípu-
lagningamaður hjá Verk-
þingi ehf.
Börn: Sigríður Rós, f.
2007, og Ólavía Rós, f.
2015.
Foreldrar: Ómar Egils-
son, f. 1955, leigubílstjóri,
og Sigríður Guðmunds-
dóttir, f. 1957, vinnur hjá
Parlogis.
Rósa Dögg
Ómarsdóttir
Ari Jón Arason hefur varið doktors-
ritgerð sína í líf- og læknavísindum við
Háskóla Íslands. Ritgerðin ber heitið:
Hlutverk grunnfrumna úr berkjuþekju í
vefjamyndun og trefjun (The functional
role of human bronchial derived basal
cells in regeneration and fibrosis). Um-
sjónarkennari var dr. Þórarinn Guð-
jónsson, prófessor við Læknadeild HÍ,
og leiðbeinandi var Magnús Karl Magn-
ússon, deildarforseti og prófessor við
sömu deild.
Markmið verkefnisins var að rannsaka
hlutverk p63 jákvæðra grunnfrumna í
þroskun og sérhæfingu öndunarfæra-
þekju. VA10 er grunnfrumulína sem get-
ur myndað sérhæfðan sýndarmarglaga
þekjuvef loftvega í loft/vökvarækt. Þessi
þekja myndar rafviðnám og er fær um
virkan flutning lyfja með mismunandi
efnasamsetningar. Bæling á umritunar-
þættinum p63 í þessum frumum hamlar
viðgerðarhæfni þeirra og getu til að ný-
mynda sérhæfða þekju í loft/vökvarækt.
Í stað sýndarmarglaga þekju myndast
einungis stakt frumulag. Í þrívíðri sam-
rækt með æðaþelsfrumum mynda VA10
frumurnar greinótta formgerð með tján-
ingu á kennipróteinum fyrir bæði berkju-
og lungnablöðrufrumur. Í rannsóknum á
vefjasýnum
komu í ljós skýr
merki um breyt-
ingar á þekjuvef
loftvega á svæð-
um í kringum
bandvefs-
frumuhneppi í
lungum með
trefjun af óþekkt-
um uppruna (IPF). Offjölgun grunn-
frumna var einnig áberandi í þessari
þekju og þær höfðu tjáningarmerki um
bandvefsumbreytingu þekjuvefjar
(EMT). Í þessu samhengi sýndu rann-
sóknir að grunnfrumur í rækt geta und-
irgengist EMT í rækt en bæling á p63
kemur í veg fyrir það. Samantekið sýnir
ritgerðin að grunnfrumur loftvega geta
myndað virka loftvegaþekju í rækt, sem
er hentug til lyfjarannsókna. Þessi eig-
inleiki er háður tjáningu á p63. Einnig
koma fram vísbendingar um að grunn-
frumur taki þátt í meinmyndun í IPF
með því að undirgangast EMT. Jafn-
framt sýnir ritgerðin að æðaþelsfrumur
taka líklega þátt í myndun greinóttrar
formgerðar í lungnaþroska með því að
seyta vaxtaþáttum til forverafrumna
lungnaþekjunnar.
Ari Jón Arason
Ari Jón Arason er fæddur á Akureyri 1982. Hann lauk stúdentsprófi frá Mennta-
skólanum á Akureyri 2003, BS-prófi í líftækni frá Háskólanum á Akureyri 2007
og MS-gráðu í líf- og læknavísindum við Læknadeild HÍ 2010. Ari starfar nú sem
verkefnastjóri hjá Rannsóknastofu í stofnfrumufræðum við Lífvísindasetur HÍ.
Sambýliskona Ara Jóns er Sigrún Guðbrandsdóttir, hagfræðingur og sérfræð-
ingur hjá Landsbankanum. Sonur þeirra er Guðbrandur Jökull, 6 ára.
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Alhliða þjónusta fyrir vökvadælur
og vökvamótora
Sala - varahlutir - viðgerðir