Dagblaðið Vísir - DV - 09.10.2015, Blaðsíða 4

4 Fréttir Helgarblað 9.–12. október 2015
Sjússinn
hækkar í verði
Frumvarp ríkisstjórnarinnar um
að færa allt áfengi í lægra þrep
virðisaukaskatts er til þess fallið
að verð á ódýru áfengi hækkar.
Dýrt áfengi mun lækka í verði.
Frumvarpið kveður á um að
allt áfengi verði í sama virðis­
aukaskattþrepi en einnig að
áfengisgjald hækki á móti. Það
er til að koma í veg fyrir að tekjur
ríkisins skerðist. Loks mun þetta
hafa þau áhrif að sterkt áfengi
mun hækka í verði, í mörgum
tilvikum, að því er fram kemur í
umsögn Félags atvinnurekenda.
Félagið segir að nú eigi að hækka
áfengisgjöld sem séu fyrir með
þeim hæstu í heimi.
Árni og Hallbjörn
keyptu í Símanum
n Eru stærstir í hópi Orra Haukssonar n Keyptu á þriðjungi lægra verði en útboðsgengi Símans
F
élag fjárfestanna Árna Hauks­
sonar, Hallbjörns Karlssonar
og Sigurbjörns Þorkelssonar er
stærsti einstaki eigandi L1088
ehf. sem keypti í ágúst 5% hlut
í Símanum af Arion banka á verði sem
er þriðjungi lægra en meðalverðið í
hlutafjárútboði fjarskiptafyrirtækisins
sem lauk í vikunni. Þremenningarn­
ir vilja ekki upplýsa hversu stóran
hlut þeir eiga í L1088 en eins og kom­
ið hefur fram voru kaupin einnig fjár­
mögnuð af öðrum fjárfestum og Orra
Haukssyni, forstjóra Símans.
„Nei, ég held ég vilji ekkert tala um
yfirstandandi fjárfestingar hjá þessu
félagi eða öðrum sem við erum með,“
segir Árni í samtali við DV.
Sannkallað skúffufélag
Viðskiptafélagarnir og vinirnir þrír
eiga hlutinn í L1088 í gegnum Æðar­
nes ehf. Samkvæmt hlutafélagaskrá
gengu Hallbjörn og Sigurbjörn inn í
stjórn Æðarness þann 25. ágúst síð­
astliðinn eða fjórum dögum eftir að
L1088 keypti 5% hlutinn í Símanum.
Árni og Ingibjörg Lind Karlsdóttir,
eigin kona hans og fjölmiðlakona, voru
fram að því einu stjórnarmenn félags­
ins. Í árslok 2014 átti Árni helmings­
hlut í Æðarnesi en þremenningarnir
eiga nú allir þriðjungshlut í félaginu.
Stangveiðimaðurinn Gunnar Bender
er skráður helmingshluthafi í nýjasta
ársreikningi Æðarness þrátt fyrir að
hann hafi hætt afskiptum af félaginu
fyrir nokkru.
„Gunnar var skráður sem helm­
ingshluthafi í þessu félagi en hann
seldi sinn hlut fyrir nokkrum árum.
Ástæðan fyrir því að hann var enn
inni í síðasta ársreikningi er sú að það
var fært vitlaust inn í reikninginn í ein­
hver ár,“ segir Árni og heldur áfram:
„Þetta er hið eina sanna skúffu­
félag sem hefur legið ofan í skúffu síð­
ustu ár. Svo tókum við það aftur upp í
þessum tilgangi,“ segir Árni.
Borguðu 1.330 milljónir
Arion banki, sem er að 13% hluta í
eigu íslenska ríkisins og 87% hluta í
eigu slitabús Kaupþings, sagði í til­
kynningu um söluna til L1088 að bæði
innlendir og erlendir fjárfestar hefðu
komið að kaupunum og að hópurinn
væri leiddur af hollenska fjárfestinum
Bertrand Kan. Samkvæmt upplýsing­
um frá bankanum hafði Orri Hauks­
son, forstjóri Símans, frumkvæði að
því að setja hópinn saman sem fékk
á endanum að kaupa 5% hlutinn á
1.330 milljónir króna eða 2,518 krónur
á hlut. Í hlutafjárútboði Arion banka
á 21% hlut fyrirtækisins í Símanum,
sem lauk á miðvikudag, seldi bankinn
hlutina á meðalgenginu 3,33. Virði
bréfa eigenda L1088 í Símanum hefur
því aukist um 32% en Arion banki setti
skilyrði um að þeir gætu ekki selt þau
fyrr en í janúar 2017.
Vefritið Kjarninn greindi í lok ágúst
frá því að Sigurbjörn væri hluti af fjár­
festahópnum sem keypti í Símanum. Í
frétt fjölmiðilsins kom fram að Stefán
Ákason, sem var áður forstöðumaður
skuldabréfamiðlunar Kaupþings, og
Ómar Svavarsson, fyrrverandi for­
stjóri Vodafone á Íslandi og núver­
andi framkvæmdastjóri sölu­ og
ráðgjafasviðs Sjóvár, hefðu einnig
komið að kaupunum.
DV greindi nýverið frá því að vald­
ir viðskiptavinir Arion banka hefðu
fengið að kaupa annan 5% hlut í Sím­
anum, á genginu 2,8 krónur á hlut,
fyrir að hámarki 25 milljónir króna
hver. Eignin var, eins og hluturinn
sem fjárfestahópur Orra keypti, seld
af bankanum án auglýsingar. Verð­
mæti bréfanna sem vildarvinirnir
keyptu hefur aukist um 18% miðað
við útboðsgengi fjarskiptafyrirtækis­
ins. Vildarviðskiptavinirnir mega ekki
selja bréf sín fyrr en 15. janúar 2016
eða þremur mánuðum eftir að Sím­
inn fer á markað. n
Kom af fjöllum
Gunnar Bender, veiðimaður og ritstjóri
Sportveiðiblaðsins, vissi ekki hvaðan
á hann stóð veðrið þegar blaðamaður
spurði hann út í tengsl hans við Æðarnes
ehf. Í nýjasta ársreikningi félagsins segir
að Gunnar hafi átt helming í félaginu í
árslok 2014.
„Sportveiðiblaðið var undir þessu
félagi þarna í eitt ár og Árni var þarna
um tíma viðloðandi blaðið. En það er
búið að ganga frá því öllu og ég á enga
aðkomu að þessu í dag,“ segir Gunnar.
Græddu milljarða á Högum
Þeir Árni, Hallbjörn og Sigurbjörn
áttu um tíma 8,2% hlut í smá­
sölurisanum Högum í gegnum
Hagamel ehf. Þremenningarn­
ir keyptu hlutinn af Arion banka
og eins og með kaup L1088 á 5%
hlutnum í Símanum þá fengu þeir
að kaupa í Högum í aðdraganda
skráningar félagsins á markað.
Hagamelur keypti hluti sína í versl­
unarfyrirtækinu á tíu krónur á hlut
en eignin hafði hækkað um 13,5
prósent í verði þegar bréf Haga
voru tekin til viðskipta í Kauphöll­
inni í lok desember 2011. Í febrú­
ar 2014 seldi Hagamelur 6,6% hlut í
Högum á genginu 42 krónur á hlut.
Fjárfestarnir þrír fengu þá rúmlega
3,2 milljarða fyrir bréfin en öll 8,2%
kostuðu þá 982 milljónir árið 2011.
Viðskiptafélagi Árna og Hallbjörns
Sigurbjörn Þorkelsson.
Gamlir skólafélagar Hallbjörn Karlsson og Árni Hauksson hafa lengi rekið saman fjárfestingafélagið Vogabakka ehf. Þeir eru gamlir
skólafélagar og hafa unnið saman síðan þeir keyptu Húsasmiðjuna árið 2002.
Haraldur Guðmundsson
Hörður Ægisson
haraldur@dv.is/ hordur@dv.is
„Þetta er hið eina
sanna skúffu félag
sem hefur legið ofan í
skúffu síðustu ár.
Í crossfit á
Kvíabryggju
Ólafur Ólafsson hefur aldrei verið í
jafn góðu formi og nú þegar hann
dvelur á Kvíabryggju eftir að hafa
verið dæmdur í fjögurra og hálfs
árs fangelsi vegna Al­Thani máls­
ins. „Hér er Magnús Guðmunds­
son frábær crossfit­þjálfari, svo ég
held að ég hafi ekki verið í jafn­
góðu formi í áratugi. Þannig að ef
maður hefur sterkan anda er ekki
hægt að brjóta mann. Menn geta
náð tökum á líkama þínum, en
ekki andanum.“
Ólafur viðrar í viðtali við Við­
skiptablaðið þá skoðun sína að
dómurinn yfir honum hafi verið
rangur. Hann segir dvölina á Kvía­
bryggju sérkennilega. „Þetta er
mjög sérkennileg upplifun og mik­
il breyting á lífinu. Ég tek þessu
eins og hverju öðru verkefni.“