Dagblaðið Vísir - DV - 09.10.2015, Blaðsíða 15

Fréttir 15Helgarblað 9.–12. október 2015
Á KORPU
TORGI
LAUGAR
DAGINN
10. OKTÓ
BER
VEITING
AR FYRIR
MENN O
G DÝR
FJÖLDI
AFMÆLI
STILBOÐ
A
OPIÐ
Í LEIKSKÓLANUM
ÓKEYPIS PRUFUTÍMI
Í FYLGD EIGENDA
HUNDAFÓÐUR
HUNDAFÓÐURORIGINALORIG
INAL
VILLIKETTIR OG DÝRAHJÁLP
VERÐA Á STAÐNUM
5% af sölu Brit, Orijen, Acana, Happy Life, Lara
og ProPlan rennur til Dýrahjálpar Íslands
FRÍAR
KLÓAKLIPPINGAR
FYRIR HUNDA
Símtal frá Íslandi felldi mest
eftirlýsta glæpamann heims
n Var á flótta undan réttvísinni í sautján ár
Nafnbirting og öryggisleysi
Það var dagblaðið Boston Globe sem birti
frétt á forsíðu sinni um að Anna Björns-
dóttir hefði verið hinn nafnlausi uppljóstr-
ari. Dagblaðið réttlætti nafnbirtingu með
þeim hætti að almannahagsmunir hefðu
kraftist þess og að FBI hefði ekki sett sig
upp á móti nafnbirtingunni. Einnig fullyrti
blaðið að öryggi hennar yrði ekki stefnt í
hættu.
FBI hafði áður gefið upp að símtal hefði
borist frá Íslandi og rök Boston Globe
voru að allir sem þekktu til í þessu litla
samfélagi í Santa Monica vissu að Anna
væri uppljóstrarinn, þar á meðal Bulger
og Greig.
Hin rökin voru þau að varpa hefði þurft
hulunni af því að uppljóstrarinn væri í raun
og veru til. Sú staðreynd að Bulger var
FBI-uppljóstrari um árabil og hafði mútað
helstu starfsmönnum stofnunarinnar
gerði það að verkum að sögusagnirnar
voru um að stofnunin vissi alveg hvar
Bulger hélt sig en hefði ekki nokkurn
áhuga á því að handtaka manninn enda
yrðu réttarhöld yfir honum mjög pínleg
fyrir FBI. Því hefði þurft að persónugera
uppljóstrarann, Önnu Björnsdóttur, til þess
að almenningur myndi öðlast trú á banda-
rísku alríkislögreglunni. Réttarhöldin urðu
vissulega afar pínleg fyrir FBI og meðal
annars fékk FBI-fulltrúinn John Connolly 10
ára fangelsisdóm vegna sinnar aðkomu.
Hörð gagnrýni kom fram á Boston Globe
í kjölfarið enda töldu fjölmargir að öryggi
Önnu og fjölskyldu hennar yrði stefnt í
hættu auk þess sem nafngreiningin myndi
letja aðra uppljóstrara í að koma fram.
Ekki skal fullyrt hvort að það hafi verið
raunin en áhrifin
á líf Önnu og
fjölskyldu hennar
virðast ekki hafa
verið mikil.
Hún hefur ekki breytt
nafni sínu eða farið í felur. Eiginmaður
hennar, Halldór Guðmundsson, sinnir enn
starfi sínu sem stjórnarformaður Hvíta
hússins og þau halda heimili, að minnsta
kosti hluta úr ári, við Ægisíðuna í Vesturbæ
Reykjavíkur. Þau tjá sig hins vegar undir
engum kringumstæðum við fjölmiðla og
það staðfesti Halldór, af mestu vinsemd,
þegar DV leitaði eftir því vegna þessar-
ar umfjöllunar. Ákvörðun Önnu um að
upplýsa FBI um verustað glæpaforingjans
virðist því ekki hafa haft afdrifaríkar
afleiðingar fyrir fjölskyldu hennar.
Leigðu íbúð á sama stað
Anna og Jakob skildu eftir sjö ára sam-
band. Hún fann lífsförunaut sinn í
Halldóri Guðmundssyni, stjórnar-
formanni Hvíta hússins. Þau héldu
heimili í Vesturbæ Reykjavíkur en
helming ársins dvöldu þau í Banda-
ríkjunum. Þau héldu gjarnan til í
Santa Monica og svo fór að þau leigðu
sér íbúð í sama íbúðakjarna og „Whit-
ey“ Bulger og kærasta hans, Catherine
Greig, bjuggu. Þar þekktu þau allir
sem hjónin Charlie og Carol Gasko.
Þau höfðu leigt íbúð í hverfinu síðan
1998. Gasko-hjónin voru afar vel liðin
í hverfinu enda fram úr hófi indæl að
sögn nágranna. Þau voru hins vegar
afar vör um sig og enginn þekkti þau
náið.
Flækingskötturinn Tiger
Anna og Halldór eru miklir kattavinir.
Saman gáfu þau út bók, „Sagan af
Mosa og hugprýði hans“ sem fjall-
aði um samnefndan kött þeirra hjóna
sem kastaðist út úr bifreið sem valt
á Holtavörðuheiði og lifði af margra
vikna hrakningar á hálendi landsins.
Þessi ást Önnu á köttunum átti eftir að
reynast afdrifarík fyrir Bulger og Greig.
Í hverfinu í Santa Monica hafðist við
flækingskötturinn Tiger en eigandi
hans, sem búið hafði á þessum slóð-
um, hafði látist og þar með varð Tiger
munaðarlaus. Hann hélt til í hverfinu
og Catherine Greig sinnti kettinum af
stakri ástúð. Tvisvar á dag færði hún
kettinum góðgæti eins og túnfisk og
ýmiss konar kattamat. Anna tók eftir
þessari umhyggju Catherine fyrir
kettinum, tók hana tali og með þeim
tókst kunningsskapur. Þegar Anna sá
síðan auglýsingu FBI þá þekkti hún
kunningjakonu sína á svipstundu og
tók upp símtólið.
Anna fékk greiddar tvær milljónir
dollara fyrir upplýsingarnar sem
leiddu til handtöku James „ Whitey“
Bulger og 100 þúsund dollara fyrir
upplýsingar varðandi Catherine
Greig.
Fékk tvöfaldan lífstíðardóm
Bulger og Greig voru handtekin
skömmu síðar og í íbúð þeirra fund-
ust 822 þúsund dollarar á bak við
veggplötur sem og yfir þrjátíu skot-
vopn. Bulger ráðgerði að verjast til
síðasta blóðdropa en FBI lét hús-
vörð íbúðakjarnans hringja í hann og
biðja hann um að líta á leka í geymslu
sem tilheyrði íbúðinni. Þar biðu lög-
reglumenn eftir glæpaforingjanum
og handtóku hann. Í hönd fóru um-
fangsmikil réttarhöld sem vöktu
mikla athygli. Réttarhöldin flettu
ofan af umtalsverðri spillingu innan
FBI og margir starfsmenn stofn-
unarinnar fengu makleg mála-
gjöld. Catherine Greig var dæmd í 8
ára fangelsi fyrir að hylma yfir með
Bulger og skjalafals. James „ Whitey“
Bulger var hins vegar dæmdur fyrir
19 morð og fjölmarga aðra glæpi.
Hann fékk tvöfaldan lífstíðardóm
sem hann afplánar í Coleman II-
fangelsinu í Sumterville í Flórída.
Hann er 86 ára gamall og mun aldrei
um frjálst höfuð strjúka. n
Ekki fyrsti valkostur
Samband Catherine Greig og Bulgers var æði sérstakt
Catherine Greig kynnist „Whitey“
Bulger fyrst þegar hún var
tæplega þrítug. Þá hafði hún
verið gift Bobby McGonagle
en bræður hans, tvíburarnir
Paulie og Donald, voru
lykilmenn í Mullen-klíkunni
sem var í blóðugri samkeppni við
klíku Bulger. Að auki var tvíburasystir
Catherine, Margaret, gift áðurnefndum
Paulie.
Jimmy „Whitey“ Bulger myrti bæði
Paulie og Donald auk þess sem Bobby,
eiginmaður Catherine, særðist í bardaga
og leiddist út í mikla óreglu. Þau skildu
og stuttu síðar kynntust „Whitey“ og
Catherine Greig. Óljóst er hvort að hún hafi
vitað, á þessum tímapunkti, af aðkomu
hans að dauða McGonagle-bræðra.
Greig varð hjákona Bulgers
enda hélt hann heimili með
annarri konu, Theresu Stanley,
og börnum hennar, auk þess
sem hann átti fjölmargar aðrar
kærustur og hjásvæfur. Þegar
ljóst varð að Bulger þurfti að flýja
þá var áðurnefnd Stanley hans fyrsti
valkostur. Hún fór með honum til að
byrja með en saknaði fjölskyldu sinnar og
yfirgaf glæpaforingjann sem þá sneri sér
að Catherine Greig.
Catherine Greig er lýst sem gáfaðri,
harðduglegri og menntaðri konu. Allir sem
til þekktu staðfesta hins vegar að hún hafi
verið mjög undirgefin „Whitey“ og gefið
sig honum algjörlega á vald.
Vinningshafi
í lottó
Árið 1991 innleystu Bulger og þrír
félagar hans vinningsmiðann í
ríkislottói Massachusetts. Upp-
hæðin var 14 milljónir dollarar, um
1,7 milljarðar króna, sem félagarnir
deildu bróðurlega á milli sín. Fastlega
var gert ráð fyrir því að Bulger hefði
komist yfir vinningsmiðann með
ólögmætum hætti en það var aldrei
sannað.
Hataði viðurnefnið
Vildi frekar vera kallaður „Boots“
Viðurnefnið „Whitey“ fékk James Bulger
af því að hár hans var ljóst, allt að því
hvítt, sem barn. Hann fyrirleit þetta
viðurnefni og var því yfirleitt alltaf kallað-
ur Jim af öllum sem þekktu til hans. Annað
gælunafn sem hann hafði velþóknun á var
„Boots“ sem
kom til vegna
þess að hann
hafði sérstakt
dálæti á kúreka-
stígvélum.
„Remember, you can't rat on a rat“
Einn af samstarfsmönnum Bulger, Kevin
Weeks, var handtekinn árið 1999 en þá
hafði Bulger verið á flótta í fimm ár. Hann
var ákærður fyrir fjölmarga glæpi en til
að byrja með tók hann þá afstöðu að
steinhalda kjafti.
Í varðhaldi hitti hann hins vegar ítalsk-
an glæpamann sem var úr klíkunni sem
hafði orðið illa fyrir barðinu á uppljóstr-
unum Bulger um starfsemi þeirra. Hann
sannfærði Weeks um að brjóta trúnað
við glæpaforingjann með setningunni:
„Remember, you can't rat on a rat.“
Í framhaldinu ákvað Weeks að leysa
frá skjóðunni og meðal annars vísaði
hann lögreglu á fjölmörg lík sem að
Winter Hill-klíkan hafði grafið í Boston
og nágrenni.