Fréttatíminn - 16.07.2016, Blaðsíða 18

18 | FRÉTTATÍMINN | Laugardagur 16. júlí 2016
Í netheimum bregður nú
víða fyrir auglýsingum um
bókaskipti. Fyrirkomulag-
ið hljómar kunnuglega og
minnir á gömlu góðu keðju-
bréfin. Sendu eitt bréf og þú
færð hrúgu til baka.
Vera Knútsdóttir, lestr-
arhestur og doktorsnemi
í bókmenntafræði, er ein
þeirra sem stökk á keðjuna
og freistar gæfunnar í bóka-
skiptunum. „Ég man eftir
að hafa tekið þátt í svona
þegar ég var lítil, þá átti ég
að senda tyggjó eða póstkort.
Þetta var ákveðin tíska hjá
krökkum og ég var sérstak-
lega spennt að fá mikið af
tyggjó. Það kom samt aldrei neitt tilbaka. Nú er fullorðið fólk að
taka þátt í þessu þannig að ég treysti þessu betur.“
Vera sá auglýsinguna á Facebook hjá finnskum vini sem hún
kynntist í Hollandi en búsettur er í París. „Hann sagði mér að
senda mína uppáhalds bók á tiltekið nafn og heimilisfang í Finn-
landi. Ég deildi svo auglýsingunni og þeir sem líka við hjá mér,
eiga að senda vini mínum í París bækur. Vinir vina minna sem
vilja taka þátt, eiga svo að senda mér bók og svona rúllar þetta
áfram. Keðjan virkar þannig að ég gæti fengið 36 bækur sendar
heim til mín.“
Vera bindur miklar vonir við kerfið og lætur ekki segjast þó
keðjubréfin hafi ekki alltaf verið skilvirk í gamla daga. „Mér finnst
ótrúlega heillandi hugmynd að fá sendar sérvaldar bækur frá
fólki héðan og þaðan úr heiminum. Er það ekki frábær leið til að
kynnast nýjum, áhugaverðum höfundum og skáldsögum sem ég
myndi aldrei annars velja? Þetta skapar fútt í rólega tilveru móður
í fæðingarorlofi.“
Sjálf var hún ekki lengi að velja bók til að senda frá sér, uppá-
haldsbók hennar, Mánasteinn, er væntanleg til Finnlands innan
skamms. | þt
Vera Knútsdóttir freistar nú
gæfunnar í bókaskiptum.
Bókaskiptaæði á netinu
Eins og keðjubréf
með tyggjóplötum
Þrjú systkini nefnd
eftir bátum
Systkinin Snekkja, Ari Knörr
og Nökkvi Jóhannesbörn
heita öll eftir bátum. Snekkja
segir fólk alltaf skella upp úr
þegar hún kynnir sig.
Þóra Tómasdóttir
thora@frettatiminn.is
Systkin eru frá Blönduósi og kom-
in af sjómönnum. „Pabbi var á sjó
þegar hann var yngri og það er mik-
ið af sjómönnum í fjölskyldunni,“
segir Snekkja. Hún er skírð Svein-
björg Snekkja en velur að nota
seinna nafnið. „Ari Knörr bróðir er
hinsvegar kallaður báðum nöfnum.“
Hún segir fólk alltaf verða hissa
þegar hún kynnir sig. „Já, ef fólk
segir ekki „HA?“
þegar ég ber upp
nafnið mitt, þá verð
ég verulega hissa. Ég
er vön því að þurfa
að endurtaka það
að minnsta kosti
tvisvar. Mér finnst
sérstaklega fyndið
þegar fólk hringir í vitlaust númer.
Þá ýmist skellir það á eða segir eitt-
hvað algjört bull, þegar ég kynni
mig.“
Hún segist margoft hafa fengið
spurningar um hvort sér þyki erfitt
að heita Snekkja, eða hvort þau
systkinin hafi orðið fyrir stríðni.
„Ég þekki ekkert annað en að heita
þessu nafni og mér finnst það ekkert
mál. Við erum frá Blönduósi þar sem
allir þekkja alla og krakkarnir voru
ekkert að kippa sér upp við
að við hétum þessum
nöfnum.“
Snekkja nefndi son sinn Al-
mar Knörr í höfuðið á bróður sín-
um. „En það þurfti að fara fyrir
mannanafnanefnd en var strax sam-
þykkt enda Knörr íslenskt orð og
fallbeygist. Beygingin vefst reyndar
fyrir mörgum en þegar ég segi að
það beygist eins og Örn, þá kviknar
ljós hjá flestum.“
Nafnið Knörr
beygist eins og Örn:
Nefnifall: Knörr
Þolfall: Knörr
Þágufall: Knerri
Eignarfall: Knarrar
Yfirlitssýning á verkum Ragnars
Kjartanssonar myndlistarmanns
hefur verið opnuð í Barbican lista-
miðstöðinni í London. Sýningin
er stór og dregur saman allan feril
þessa litríka listamanns.
Gjörninga, tónlist, myndbönd,
málverk, skúlptúra og teikningar
má finna á þessari yfirgripsmiklu
sýningu, sem í framhaldinu mun
verða flutt í Hirshhorn safnið í
Washington eftir að henni lýkur í
London 4. september.
Ragnar Kjartansson er samur við
sig. Hann kannar safaríkar klisjur
úr vestrænni menningu og leikur
sér frjálslega að hjartasárum og
vellandi tilfinningum. Rómantísk
angurværð svífur yfir vötnum, í
fyllstu merkingu þeirra orða.
Þetta má til dæmis sjá í gjörn-
ingnum Second movement sem
er hluti af sýningunni. Þarna er
kossinn svo sannarlega eilífur.
Tvær ungar konur róa á tjörnunum
í kringum listamiðstöðina í ekta
breskum klæðnaði frá fyrstu árum
20. aldar. Þær faðmast og kyssast
og atlotin standa á meðan að sýn-
ingin er opin.
Í tengslum við sýninguna er
komin út vegleg sýningarskrá og
gestum er bent á að hægt er að
panta heimsókn á heimasíðu mið-
stöðvarinnar barbican.org.uk. | gt
Barbican listamiðstöðin í London hefur
aldrei verið jafn rómantískur staður.
Eilífur koss
í London
SVÍNVIRKAR
FYRIR HÓPA
SÆTA SVÍNIÐ // Hafnarstræti 1–3 / Sími 555 2900 / saetasvinid.is
ELDHÚSIÐ
ER OPIÐ
11.30–23.30
KJALLARINN á Sæta svíninu er ný og skemmtileg
aðstaða fyrir hópa af öllum stærðum og gerðum.
KJALLARINN er frábær fyrir alls konar tilefni;
hádegis- eða kvöldverð, veislur, vinnufundi, kokteilboð,
bjórkvöld eða fyrir „Happy Hour“ eftir vinnu.
FYRSTA FLOKKS AÐSTAÐA Í NOTALEGUM SAL
• Sæti fyrir allt 60 manns
– hægt er að taka á móti fleirum í standandi veislu
• Skjávarpi og tjald
• Tilvalið er að koma með eigin tónlist og/eða skemmtiatriði
• Bar
• Frábær staðsetning í hjarta Reykjavíkur
Í boði eru fjölbreyttar veitingar; girnilegir hópmatseðlar, spennandi
veitingar fyrir standandi veislur og auðvitað fljótandi veigar.
Við hlökkum til að taka á móti þínum hóp!
GASTROPUB