Fréttatíminn - 16.07.2016, Blaðsíða 22

22 | FRÉTTATÍMINN | Laugardagur 16. júlí 2016
GOTT
UM
HELGINA
Reykholtshátíð hefst í Reykholti í Borgarfirði um næstu helgi. Þar koma
saman fyrirtaks flutningur á kammer- og söngtónlist og fræði sem
tengist staðnum og bókmenntum fyrri alda.
Í tuttugasta sinn er blásið til Reykholtshátíðar en hún var fyrst haldin
árið 1996 þegar Reykholtskirkja var vígð. Sigurgeir Agnarsson, selló-
leikari og listrænn stjórnandi hátíðarinnar, segir alltaf gaman að koma í
Reykholt. „Það er til dæmis alltaf gott veður á Reykholtshátíð, alla vega
í minningunni,“ segir Sigurgeir sem skipuleggur hátíðina í fjórða sinn.
„Kirkjan í Reykholti er líka með betri tónlistarhúsum landsins, en hugað
var að tónlistarflutningi við hönnun hennar og byggingu.“
Sigurgeir segir ýmsu til tjaldað vegna afmælisins en fjórir tónleikar eru á
dagskránni. „Til dæmis syngur Reykholtskórinn á hátíðinni, sameinað-
ur kór úr nokkrum sóknum, sem Viðar Gunnarsson stjórnar.“ Hátíðin
pantaði nýtt tónverk eftir Gunnar Andreas Kristinsson tónskáld við texta
úr Grímnismálum úr Snorra-Eddu, en Snorri Sturluson er
vitanlega langfrægasti íbúi Reykholts. Verkið er fyrir tenór-
rödd og píanókvintett og mun Elmar Gilbertsson syngja
það. Einnig munu Elmar og Helga Bryndís Magnús-
dóttir píanóleikari halda tónleika laugardagskvöldið
23. júlí og flytja ljóðaflokkinn Ástir skáldsins eftir
Schumann, útsetningar á íslenskum dægurlög-
um og lög úr Heimskringlu eftir Tryggva M.
Baldvinsson við texta Þórarins Eldjárn. „Það
eru hnyttin lög við hressandi texta,“ segir Sig-
urgeir.
Annað verk á hátíðinni, sem er svo frægt að
það heyrist ekki á hverjum degi, er Árstíð-
irnar eftir Vivaldi sem fluttar verða af 6
manna sveit og mun Ari Þór Vilhjálms-
son leika einleik. Einnig má nefna að á
hátíðinni mun Margrét Eggertsdóttir bók-
menntafræðingur halda erindi um Hallgrím
Pétursson í Snorrastofu klukkan 13 á laugar-
dag.
Allar nánari upplýsingar um hátíðina má finna
inn á vef hennar, reykholtshatid.is.
Listin tekur kipp á Akureyri
Næstu vikurnar tekur listin
öll völd á Akureyri en í dag
verður Listasumar sett þar
í bæ. Listamennirnir sem
taka þátt í dagskrá opn-
unarhátíðarinnar eru 25
talsins og koma frá fimm
þjóðlöndum.
Listasumarið hefst klukk-
an 14 þegar Kvennasveitin
Herðubreið stígur á stokk
og leikur tónlist með sínu
nefni. Fjölmargir gjörn-
ingar, innsetningar og
óvæntar uppákomur setja
lit sinn á Gilið sem mun
iða af lífi. Lokahnykkur opnunarhátíðarinnar er síðan háklassískur í
eðli sínu en þá munu þau Steinunn Arnbjörg Stefánsdóttir sellóleikari
og Brice Sailly semballeikari flytja þrjár sónötur eftir Johann Sebastian
Bach í Deiglunni.
Listasumar heldur síðan áfram fram til 27. ágúst en því lýkur með Ak-
ureyrarvöku. Dagskrá Listasumars er að finna á bæði íslensku og ensku á
heimasíðunni www.listasumar.is
Kexpartí
Götupartí Kex Hostels fer fram
í fimmta skipti í ár en um er að
ræða árlega tónlistarveislu sem
á sér stað í portinu aftan við
Kex Hostel. Tólf hljómsveitir
munu koma fram á tónleikun-
um og má þar nefna DJ Flugvél
og Geimskip, Mugison, Alviu Is-
landia og Grísalappalísu.
Hvenær? Í dag kl. 12-23
Hvar? Á Kex Hostel
Tónlist í tuttugu ár á setri
Snorra Sturlusonar
Stærstu pokémon-
veiðar á Íslandi
Í dag munu fara fram stærstu
pokémonveiðar á Íslandi
en ætlunin er að fá sem
flesta saman á einum
stað. Spennandi verð-
ur að sjá hvernig
veiðarnar munu
fara fram. En bú-
ast má við fjölmörg-
um pokémonum á
túni Klambra.
Hvenær? Í dag kl. 14
Hvar? Klambratúni
Morrison í Hörpu
Sálarsöngvarinn, Brit verðlauna-
hafinn og einn vinsælasti tónlist-
armaður Bretlands síðustu ári
heldur tónleika hér á landi annað
kvöld. Það verður skemmtileg
stemning á tónleikunum þegar
þessi einstaki listamaður stígur
á svið Eldborgar, ásamt frábærri
hljómsveit sinni en hann mun taka
öll sín bestu lög.
Hvenær? Sunnudag kl. 20
Hvar? Hörpu
Hvað kostar? 6.500-10.500
Ingvar Haraldsson og Guðrún Thors voru flagga stóru fánaverki fyrir Listasumar í Gil-
inu á Akureyri. Verkið á skoski listamaðurinn Thomas Abercromby. Mynd | Ragnar Hólm.
Ljósmyndarinn Steinunn Matthíasdóttir hefur
komið fyrir sýningu á ljósmyndum af ráðsettum
Íslendingum við kirkjutröppurnar á Akureyri.
Mynd | Steinunn Matthíasdóttir.
Flóamarkaður á torfu
Umhverfis- og skipulagssvið
Reykjavíkurborgar stendur fyrir
flóamarkaði á Bernhöftstorfunni í
dag. Spáð er sól og stuði og því til-
valið að tæma skápana og gleðjast
saman á sumardegi.
Hvenær? Í dag kl. 13-16
Hvar? Bernhoftstorfu
Afríka í Reykjavík
Hljómsveitirnar
Lefty Hooks, Rvk
Soundsystem og
Barr spila á Húrra
í kvöld. Um er að
ræða upphitun
fyrir Fest Afrika
Reykjavík 2016.
Allir að skella sér
og dansa saman.
Hvenær? Húsið opnar 21
Hvar? Húrra
Hvað kostar? 1500 kr.
HOMELINE
náttborð
Eik/hvítt – Fullt verð: 15.900
12.720 kr.
INFINITY
náttborð
Hvítt – Fullt verð: 13.900
9.900 kr.
SUPERNOVA
náttborð
Hvítt – Fullt verð: 29.900
17.940 kr.
Aðeins 24.430 kr.
Stílhreinn og fallegur
hægindastóll. Ljós- og
dökkdrátt slitsterkt
áklæði.
Fullt verð: 34.900 kr.
RIO
hægindastóll
30%
AFSLÁTTUR
Aðeins 48.930 kr.
SILKEBORG
hægindastóll
Stillanlegur hægindastóll.
með skemli. Dökkgrátt
slitsterkt áklæði.
Einnig fáanlegur í leðri
Fullt verð: 69.900 kr.
30%
AFSLÁTTUR
Afgreiðslutími sjá
www.dorma.is
Holtagörðum, 512 6800
Smáratorgi, 512 6800
Dalsbraut 1, Akureyri
Skeiði 1, Ísafjörður
Sumar-
útsalan
nú á fjórum stöðum
Holtagörðum | Smáratorgi | Akureyri | Ísafirði
ALLT AÐ
50%
AFSLÁTTUR