Fréttatíminn - 09.09.2016, Page 34

34 | FRÉTTATÍMINN | Föstudagur 9. september 2016
GOTT
UM
HELGINA
Kanadískur kántrísöngur
Það er ekki á hverjum degi sem alvöru kántrítónlist heyrist leikin í
Reykjavík, en nú geta kántríboltar bæjarins tekið gleði sína á ný og stigið
fram í birtuna, því að Jack Marks er mættur í bæinn.
Söngvaskáldið Marks er fæddur í Tórontó og hefur verið að senda
frá sér plötur frá árinu 2009, sem nú eru orðnar fjórar talsins. Tóninn í
lögunum er oft dálítið klassískur og tímalaus, ljúfsárar ballöður eins lög
gera ráð fyrir, en síðan er slegið í klárinn og tónlistinni hleypt á skeið.
Heidatrubador hitar upp lýðinn áður enn Marks mætir á svið.
Hvar? Dillon við Laugarveg í kvöld og í næsta húsi, á Boston, á sunnudag
10. september.
Hvenær? Tónleikarnir hefjast kl.21 bæði kvöldin.
Garn, garn, garn
Í heimildarmyndinni YARN/
GARN fylgjumst við með nokkrum
listamönnum og prjónurum frá
Póllandi, Japan, Svíþjóð og Íslandi
sem prjóna og hekla til að búa
til ögrandi nútímalist, pólitískar
yfirlýsingar, sirkusverk og jafnvel
framúrstefnulega leikvelli. Þetta
litríka og alþjóðlega ferðalag
byrjar á Íslandi og varpar með-
al annars ljósi á það hvernig garn
tengir okkur öll á einn eða annan
hátt.
Leikstjórar myndarinnar eru
Una Lorenzen, Heather Millard og
Þórður Bragi Jónsson. Hún hefur
verið sýnd víða um heim, meðal
annars víða í Bandaríkjunum og á
kvikmyndahátíðum í Gautaborg á
Patreksfirði.
Gestir eru hvattir til að mæta
með garn og prjóna eða hekla flík
að eigin vali til styrktar Kvenna-
athvarfinu og Konukoti.
Hvar? Bíó Paradís
Hvenær? 9. september og fram í
næstu viku.
Hvað kostar? 1800 kr. eða klipp á
klippikorti.
Samsýning í Port
Við Laugaveg 23b er Verkefna-
rýmið Port til húsa og hefur verið
síðan í vor. Þar opna nokkrir lista-
menn samsýningu í kvöld, en það
eru Þórsteinn Sigurðsson, Sniper
(HNP), Kjartan Hreinsson & Alex-
ander Hugo. Dans og veigar verða í
boði á opnuninni.
Hvar? Port, Laugavegi 23b
Hvenær? Í kvöld kl. 21.00
Katie og harpan
Hörpuleikarinn Katie Buckley flyt-
ur verk efir John Cage, Lou Harri-
son, Ryan Ross Smith, Bergrúnu
Snæbjörnsdóttur, Caleb Burhans
og Jesper Pedersen. Harpan er
merkilegt hljóðfæri þegar kemur
að því að flytja samtímatónlist. Á
efnisskránni er meðal annars gull-
fallegt verk eftir John Cage sem
heitir In Landscape og tónskáldið
samdi árið 1948. Verkið er líka
hægt að flytja á píanó og marimbu,
en hér er það harpan sem fær að
njóta sín.
Hvenær? Í kvöld klukkan 21
Hvar? Í Mengi við Óðinsgötu.
Hvað kostar?: 2000 kr.
Svartrokk í Reykjavík
Bandaríska Black Metal sveitin
Mutilation Rites telur í rokkið sitt í
kvöld. Hún er að hefja ferðalag um
Evrópu og byrjar á að koma til Ís-
lands. Sveitin kemur frá New York
og meðlimirnir fjórir hafa verið
saman síðan 2009. Upphitunar-
böndin eru íslensk og þrjú talsins:
Naðra, Grafir og Beinbrot.
Hvenær? Í kvöld. Dyr opnaðar
klukkan 21.
Hvar? Gaukurinn.
Hvað kostar? 1500 kr.
Rússneski björninn
Opinber samskipti Rússlands og
Norðurlandanna verða rædd fram
yfir hádegi í dag í Norræna húsinu.
Erlendir og innlendir sérfræðingar
fjalla um það hvernig samskipti
landanna hafa verið í gegnum tíð-
ina og hvernig þau eru að þróast.
Til máls taka meðal annars rúss-
neskur fréttastjóri, íslenskur sagn-
fræðingur, norskur sendiherra og
sérfræðingur um málefni Evrópu-
sambandsins og Rússlands. Dag-
skráin fer fram á ensku
Mæting þarna gæti verið fínn
undirbúningur fyrir Rússneska
kvikmyndadaga sem hefjast í Bíó
Paradís 15. september.
Hvar? Norræna húsið
Hvenær? Frá kl. 9 til 12:20
Hvað kostar? Ekki neitt - allir vel-
komnir.
Dansað í Jógasetrinu
Í Jógasetrinu stendur til að koma á skemmtilegu og upphefjandi dans-
flæði. Þátttakendur koma saman, virkja gleðina og finna orkuna flæða
um kroppinn í gegnum dansinn. Þegar dansinum líkur er endað á
heilandi nidra slökun, sem er einhvers staðar á landamærum svefns og
vöku. Allir velkomnir!
Hvar? Jógasetrinu Skipholti 50c
Hvenær?
Hvað kostar? 1000 kall í krukku.
TVÆR SÝNINGAR
ÍSLENSKA
DANSFLOKKSINS
Á AÐEINS
6.900 KR.
NETVERÐ 6.500 KR.
TIL 10. SEPTEMBER
SPARAÐU ALLT AÐ 45%
AF ALMENNU MIÐAVERÐI
KORTASALA
WWW.ID.IS
568 8000
Da d
A Da
NS
Margskipt gler:
49.900 kr.
Fullt verð: 94.900 kr
SÍMI 5 700 900
KRINGLUNNI 2. HÆÐ
HAGKAUPSHÚSINU, SKEIFUNNI
SPÖNGINNI, GRAFARVOGI
SELESTE
umgjörð á: 1 kr.við kaup á glerjum
ÖLL GLERIN KOMA MEÐ RISPU-,
GLAMPA- OG MÓÐUVÖRN OG ÞYNNTU PLASTI.