Fréttatíminn - 09.09.2016, Síða 56

Kuldagallar
Það er lykilatriði að börn eigi
góðan kuldagalla þegar veturinn
gengur í garð og mikilvægt er að
vanda valið svo barninu líði vel og
sé hlýtt. Hér eru nokkur atriði sem
gott er að gefa gaum að þegar nýr
galli er keyptur á barnið:
Vatnsheldni
Þar sem snjór og slabb er viðvar-
andi ástand nánast allan veturinn
hér á landi er mikilvægt að gall-
inn sé vel vatnsheldur svo barnið
haldist þurrt. Á sumum göllum er
auka vatnsheld styrking á álags-
svæðum, eins og rassi, hnjám og
olnbogum.
Mýkt
Það er mikill kostur að gallinn
sé úr mjúku og léttu efni sem
gerir barninu auðveldra fyrir að
hreyfa sig þegar búið er að dúða
það í mörg lög af fötum. Af sömu
ástæðu henta gallar með víðu
sniði litlum börnum betur.
Tvískiptur eða heill galli
Fyrir yngstu börnin er yfirleitt
bara í boði að kaupa heilgalla, en
þegar komið er upp í stærð 98
er oft hægt að fá tvískipta galla;
snjóbuxur og úlpu. Foreldrar
verða einfaldlega að vega og meta
hvort hentar þeirra barni. Kostur-
inn við heilgallann er vissulega
sá að enginn snjór kemst upp
undir úlpuna eins og getur gerst
þegar gallinn er tvískiptur. Þá er
auðveldara fyrir barnið sjálft að
klæða sig eina flík heldur en tvær.
Kosturinn við tvískiptan galla er
að notagildið er meira, þar sem
hægt er að nota úlpuna sér.
Rennilás
Eins einkennilega og það kann
að hljóma þá er gott að huga vel
að því hvernig rennlás er á nýja
gallanum. Það er til dæmis mikill
kostur, sérstaklega fyrir yngstu
börnin, ef gallinn er tvírennd-
ur, með tveimur rennilásum að
framan, frekar en einum. Bæði
er það auðveldara fyrir barnið að
fara sjálft í gallann og foreldrana
að klæða það. Þá eru líka minni
líkur á því að rennilásinn nuddist
við hökuna eða hálsinn og barnið
meiði sig. Það er líka kostur ef
hægt er að renna upp skálmunum
á gallanum til að auðveldra sé fyr-
ir barnið að fara í skó.
Stroff
Gott er að huga að stroffinu á gall-
anum. Er það of vítt eða of þröngt.
Of þröngt stroff getur valdið erf-
iðleikum þegar kemur að því að
klæða barnið í þykkar lúffur og
heft hreyfingar barnsins. Of vítt
stroff getur hins vegar gert það að
verkum að ermarnar á síga fram
fyrir hendur barnsins, sérstaklega
ef gallinn er í stærra lagi. Þá eru
meiri líkur á því að snjór komist
inn í gallann.
Kuldaskór
Mikilvægt er að vanda valið á
kuldaskóm fyrir börn, ekki síður
fyrir þau yngri en eldri. Börnin
eru í þessum skóm allan veturinn
og þeir þurfa því að vera þægileg-
ir og hlýir. Nú er líka hægt að fá
loðfóðruð stígvél sem sumir kaupa
Gott að hafa í huga við kaup
á  vetrarfatnaði fyrir börn
Það er ansi margt sem þarf að hafa í huga þegar kemur að því að velja útiföt á börn. Margir
foreldrar kannast eflaust við að hafa keypt fatnað sem hentaði svo alls ekki þegar farið var að
nota hann. Það er nefnilega ekki alltaf samasemmerki á milli þess sem lítur vel út og þess sem
er praktískt og þægilegt.
í staðinn fyrir kuldaskó. Ókostur-
inn við slík stígvél er hins vegar
sá að börnunum er hættara við
að svitna á fótunum þar sem þau
anda minna.
Vatnsheldni
Númer eitt, tvö og þrjú þurfa
skórnir að vera vel vatnsheldir í
slabbinu og snjónum. Gott er að
spreyja skó með sílíkonvörn áður
en þeir eru notaðir í fyrsta skipta
og svo reglulega yfir veturinn. Við
það eykst vatnsheldnin og ending
verður betri.
Stærð
Gott er að kaupa kuldaskó vel
stóra svo hægt sé að vera í ullar-
sokkum í þeim. Þá vaxa litlir fætur
líka hratt og skórnir þurfa helst að
passa út veturinn.
Sóli
Grófur sóli er mikilvægur svo
barnið renni ekki í hálkunni. Þá
er gott ef sólinn nær aðeins upp á
sjálfan skóinn til að auka vatns-
heldnina enn frekar.
Stuðningur
Það er mikill kostur ef skórnir
veita fætinum góðan stuðning og
eru ekki of harðir, annars er hætt
við að barninu verði illt í fótunum.
Ullarfatnaður
Það er fátt betra innan undir
kuldagallann en góður ullarfatn-
aður. Hann heldur hita á barninu
jafnvel þó gallinn nái að blotna í
gegn. Best er að hafa ullina sem
næst líkamanum og því eru að-
sniðin ullarföt, sem hægt er að
klæðast innanundir fötum, hent-
ugust. Lopapeysurnar standa líka
alltaf fyrir sínu, en barninu gæti
þó orðið of heitt að vera í slíkri
peysu ivnnanundir kuldagallan-
um. Það verður að vega og meta
eftir veðri og hitastigi hverju
barnið klæðist innan undir
kuldagallanum.
Húfur
Mikilvægt er að barninu sé hlýtt á
höfðinu og þar kemur ullin sterk
inn. Lambhúshettur eru góður
kostur á veturna enda koma þær í
veg fyrir að kuldinn nái að smjúga
ofan í hálsakotið á litlum kríl-
um. Þá haldast þær vel á höfðinu
og eru ekki líklegar til að detta
af þrátt fyrir mikinn ærslagang.
Hægt er að fá mjúkar lambús-
hettur úr ull sem stinga ekki í fjöl-
mörgum barnafata- og útivistar-
verslunum,
Vettlingar
Það er mjög vont þegar litlir fing-
ur verða kaldir, þess vegna eru
góðir vettlingar eða lúffur alveg
nauðsynlegar í vetrarkuldanum.
Ullarvettlingar standa alltaf fyrir
sínu, eru hlýir og góðir. Ókostur-
inn við þá er hins vegar sá að
snjórinn vill festast við ullina og
barnið fær hramma eins og snjó-
maðurinn ógurlegi, eftir smá leik
í snjónum. Þá blotnar ullin í gegn,
þó hún sé hlý og fljót að þorna.
Vatnsheldar lúffur eru því góður
kostur í kulda og bleytu. Hreyfi-
geta fingranna verður vissulega
minni en þeir haldast þurrir og
minni líkur á því að þeir verði
kaldir. Þar fyrir utan er miklu auð-
veldara að hnoða snjóbolta í góð-
um lúffum en ullarvettlingum.
…vetrarfatnaður 12 | amk… FÖSTUDAGUR 9. SEPTEMBER 2016