Fréttatíminn - 25.11.2016, Blaðsíða 70

Sýna það sem sést ekki svo oft
70 | FRÉTTATÍMINN | Föstudagur 25. nóvember 2016
„Við erum að hylla teikn-
inguna,“ segir Harpa Þórsdótt-
ir, forstöðumaður Hönnunar-
safns Íslands, en opnuð hefur
verið sýningin Á pappír. Úrval
teikninga og skissa úr eign
safnsins og einkasöfnum. Verk-
in á sýningunni gefa mynd af
vinnubrögðum hönnuða
og myndlistarmanna við
gerð umbúða, auglýsinga,
bókakápa, svo fátt eitt sé
nefnt, allt frá þriðja
áratug síðustu aldar
fram á þann sjöunda.
Birna Guðmundsdóttir
birna@frettatiminn.is
„Í raun erum við að sýna það sem
sést ekki svo oft í hönnun. Hinn
raunverulega frumgrip en ástæðan
fyrir því er sú að teikningar eru vax-
andi þáttur í safneigninni. Þetta eru
mjög mismunandi teikningar, suma
ætlaðar fyrir verkkaupa en aðrar
eru hugmyndaskissur. Margar
skissur eru hráskissur og aðrar
fínlegri. Sýnum líka þróunarferlið
frá því að til dæmis auglýsing er
teiknuð og þangað til hún fer
í prent.“
„Í sjálfu sér erum við að hylla
teikninguna, þetta millistig,
þar sem augljós hæfni og fram-
úrskarandi hæfileikar hönnuð-
anna koma bersýnilega í ljós.“
„Elstu teikningarnar eru eftir
Jónas Sólmundsson sem var einn
af frumkvöðlum í húsgagnasmíði
og fór í nám til Þýskalands en eftir
að hann var þar hafði hann á orð á
hve mikil áhersla var lögð á teikn-
ingu.“
„Svo erum við með Rafskinnu
sem var rafknúin auglýsingabók
og mjög þekkt auglýsingaleið hér
á árum áður. Rafdrifin bók sem
flettist, var tengd
við rafmagn og sett upp í glugga
niður í miðbæ. Þar erum við með
verk eftir Jónda í Lambey, bónda og
listamann, sem starfaði sem auglýs-
ingateiknari eins og fleiri sem eru á
þessari sýningu.“
„Aðrir listamenn á sýningunni
eru Lothar Grund, Kristín Þor-
kels, Stefán Jónsson og Sverrir
Haraldsson.“
„Það er mikil unun að sjá
handbragðið sem liggur í þess-
um verkum. Þessi sýning er gríðar-
lega skemmtileg og gefur manni
mikið til baka,“ segir Harpa.
Harpa skipulagði sýninguna
ásamt Þóru Sigurbjörnsdóttur og
Ástríði Magnúsdóttur.
Harpa Þórsdóttir segir sýn­
inguna Á pappír vera gríðar­
lega skemmtilega. Mynd | Hari
Kristín Þorkelsdóttir, bíóaug­
lýsing frá um 1956-60 (Veitinga­
húsið Laugavegi 28).
Stefán Jónsson
, auglýs­
ing fyrir Skelju
ng. Jóndi, Rafskinnuauglýs­
ing fyrir dagblaðið Vísi.
Halla Harðardóttir
halla@frettatiminn.is
Við erum að halda As-hura hátíðina í þriðja sinn á Íslandi og hug-myndin með henni er að fólk hittist, borði
góðan mat og tali saman,“
segir Derya Özdilek en hún
er ein þeirra sem skipuleggur
tyrkneska menningarhátíð í
Neskirkju um helgina. Það er
Menningarfélag ungra múslima
á Íslandi, Horizon, sem stendur
fyrir hátíðinni í samstarfi við
Neskirkju. „Markmið okkar í
Horizon er að tengja saman
ólíka menningarhópa á Íslandi
og sýna fram á að fólk með
ólíkan bakgrunn og trúarbrögð
geti hist og gert hluti saman,“
segir Derya.
Súrt, sætt og sterkt
Ashura er tyrknesk hátíð sem
er haldin í lok nóvember og
þá er hefðin að borða Ashura
grautinn sem hátíðin dreg-
ur nafn sitt af. Uppskriftin að
grautnum á að hafa komið frá
sjálfum Nóa en sagan segir að
þegar hann fann land eftir flóð-
ið hafi hann fagnaði með því að
búa til búðing með öllu því hrá-
efni hann gat safnað saman.
„Í búðingnum er ótrúlega
mikið af ólíkum hráefnum sem
saman mynda jafnvægi og gefa
gott bragð. Þarna koma saman
súr, sæt og sterk krydd en öll
saman gefa þau rétta tóninn. Í
Tyrklandi hefur þessi búðing-
ur öldum saman verið tákn um
ólíka menningarheima sem
búa saman í sátt og samlyndi,“
segir Derya.
Vill opna veisluþjónustu
„Það er mikil vinna að búa
búðinginn til svo ég byrja á
föstudaginn. En svo ætla ég
að gera fleiri tyrkneska rétti
en líka dönsk sætindi,“ segir
Derya sem er fædd og uppalin í
Danmörku af tyrkneskum inn-
flytjendum. Hún segist því vera
jafn dönsk og hún er tyrknesk
og sé til að mynda jafn fær í að
reiða fram „smörrebröd“ og
hefðbundna tyrkneska rétti.
Deyra stundar íslenskunám
í Háskóla Íslands en draum-
ur hennar er að stofna einn
daginn sína eigin veisluþjón-
ustu. „Mér finnst svo gaman að
elda og ég hef komist að því að
Íslendingar elska að prófa nýja
hluti. Ég þarf bara að finna eld-
hús og þá get ég farið að elda
og baka allskonar góða hluti.“
Ashura hátíð verður haldin
í Neskirkju laugardaginn 26.
nóvember 2016 kl. 14 —16. Hátíð-
in er öllum opin og aðgangur
er ókeypis.
Tyrkneskur og danskur
matur í Neskirkju
Derya Özdilek er á fullu við að undirbúa tyrkneska menningarhátíð
sem haldin verður í Neskirkju um helgina.
Auk þess að elda Ashura ætlar Derya að útbúa danskt og tyrkneskt sætabrauð auk fleiri tyrkneskra smárétta, eins
og þessi fylltu vínviðarblöð sem kallast Dolma. Mynd | Rut
Hátíðin er haldin í samstarfi
við félagið Horizon, sem var
stofnað af ungum múslimum
sem vilja vera virkir í samtali
við aðra hópa samfélags­
ins í að brjóta niður múra
og byggja traust. Ashura
hátíðin minnist þess þegar
Nói steig á land eftir flóðið
og gerði sér graut úr öllum
þeim jurtum sem hann fann.
Henni er því fagnað með
sérstökum graut úr fjölda
jurta og með góðum mat.
Elísabet
fann mann
í flæðar­
málinu
Hafið færði Elísabetu
Jökulsdóttur mann.
Hún hafði kastað
honum í öldurnar og
beðið honum bölbæna
með skáldskap sínum,
en hafið skilaði honum
aftur í fang hennar. Nú
verður sýning úr öllu
saman.
„Þetta er skyndisýning, því að
stundum verður eitthvað til eins og
af sjálfu sér,“ segir Elísabet Jökuls-
dóttir skáld. „Ég var í rithöfunda-
húsi á Eyrarbakka og ég er vön að
ganga fjörur og athuga með reka,
enda hef ég vanist því bæði í æsku á
Seltjarnarnesi og vestur á Strönd-
um. Hafið skilar ýmsu og ég er mikil
fjörukona. Þarna á Eyrarbakka var
mér sendur maður sem ég fann í
fjörunni. Ég fann semsagt hjálm,
mótórhljólahjálm eða logsuðuhjálm,
og út úr honum kom alveg svaka-
lega mikið af þangi, sem eins flaut
út úr kjaftinum á honum.
Mér fannst þetta svo sterk mynd
og þetta er líka hægt að tengja við
ýmislegt. Þetta minnti mig til dæm-
is á Keith Richards eins og hann
var í myndinni um sjóræningjana í
Karabíahafinu, svo getur þetta líka
verið sjávarguðinn Póseidon eða
þess vegna Djákninn á Myrká sem
fer út að keyra með mann svo að illa
fer. Þess vegna tók ég manninn með
mér og síðan langaði mig að gera
eitthvað með hann.“
Útkoman er ljósmyndasýn-
ing sem Elísabet opnar Gallerí
Gegenüber við Freyjugötu 32 á
morgun, laugardag, klukkan 14. „Á
sýningunni er ég hálfnakin á mynd-
unum með manninum mínum.
Ég klæddi mig upp í korselett og
nælonsokka sýndi honum ákveðna
virðingu. Ég kalla sýninguna Sjórek-
in ást á sólpallinum. Þetta er þriðji
gjörningurinn sem ég geri nakin.
Fyrir mörgum árum vandist ég því
að vera módel í módelteikningu og
mér finnst þetta frelsandi. Maður er
berskjaldaður og sterkur og líkam-
inn er bara utan um þessa mann-
eskju. Hann er tjáningartæki.“ | gt
Hafið færði Elísabetu Jökulsdóttur mann. Nú verður sýning úr því sem hafið skilar
af sér.