Fréttatíminn - 25.11.2016, Síða 74

Vandræðaleg Mariah
Mariah Carey varð ansi vandræðaleg þegar spjallþáttadrottningin Ellen
DeGeneres spurði hana út í sambandsslitin við James Packer, þar sem
hún var gestur hjá henni í vikunni. Ellen spurði söngkonuna
hvernig henni liði og hún sagðist hafa það fínt.
Bætti svo við að allt gerðist af einhverri ástæðu
og það ætti líka við um sambandsslitin. Það
væru góðar ástæður fyrir því þetta hefði
farið svona. Þegar Ellen hélt áfram
að spyrja þá viðurkenndi Mariah að
hún ætti erfitt með að tala um sam-
bandsslitin að svo stöddu. „Ég ætla
því frekar að hrósa þér fyrir þess-
ar skreytingar sem þú ert með, þær
eru frábærar,“ sagði Mariah við Ellen
og þar með hafði hún náð að beina
athyglinni að öðru.
Græðir á veikindunum
Daginn eftir að tónlistarmaðurinn Kanye West
aflýsti restinni af tónleikaferðalagi sínu vegna
heilsubrests var hann fluttur með valdi á
sjúkrahús þar sem meta á geðheilsu hans, sem
virðist vera eitthvað tæp um þessar mundir.
Maður gæti haldið að West myndi tapa fúlgum
fjár á því að aflýsa svo mörgum tónleikum, en
það verður líklega ekki raunin. Hann er nefni-
lega svo vel tryggður. Í tryggingaskilmálunum
kemur fram að ef hann geti ekki komið fram
vegna veikinda þá borgi tryggingafélagið
brúsann. Ekki bara þá upphæð sem hann
tapar, heldur líka það sem hann kemur til að
með að skulda öðrum.
Styður soninn
Sonur Madonnu og Guy Ritchie, Rocco Ritchie, er vandræðagemlingur
og var handtekinn fyrir hafa maríjúana í fórum sínum í London
í september síðastliðnum. Honum var skipað í
meðferð til að sleppa við að fara á sakaskrá.
Madonna hefur nú í fyrsta skipti tjáð sig um
vandræði sonar síns, en hún sendi frá sér
yfirlýsingu vegna málsins á dögunum. „Ég
elska son minn mjög mikið. Ég geri allt í
mínu valdi stendur til að veita honum
þann stuðning sem hann þarfnast og ég
bið ykkur um að virða friðhelgi einkalífs
okkar að þessu sinni.“
Margir af vinsælustu poppurum og
skemmtikröftum landsins troða upp
í nýárspartíi sem Sena Live heldur
í Hörpu á nýársdag. Partíið hefur
ekkert verið auglýst en boð hafa
verið látin út ganga í réttum kreðs-
um og talað er um það sem heitasta
nýárspartíið 2017. Harpan er tóm
þetta kvöld og húsið verður vel nýtt;
fordrykkur verður í Norðurbryggju,
borðhald á Kolabrautinni og partíið
sjálft í Hörpuhorni.
Meðal þeirra sem troða upp eru
rapparinn Emmsjé Gauti sem er ein
vinsælasta poppstjarna landsins um
þessar mundir, Mugison, Páll Óskar
og ungstirnið Aron Can. Sturla Atlas
og Glowie koma sömuleiðis fram,
rétt eins og karlakórinn Þrestir. En
það verður ekki bara tónlist á dag-
skránni því Saga Garðars, Rúnar
Freyr Gíslason og Jóhannes Haukur
Jóhannesson munu líka skemmta
gestum. Þá mun látbragðsleikarinn
Tape Face, sem komst langt í Amer-
ica’s Got Talent í ár, einnig skemmta.
Ísleifur B. Þórhallsson hjá Senu
Live vildi ekki tjá sig um nýárspartí-
ið þegar eftir því var leitað í gær.
Vel verður gert við gesti í mat og
drykk kjósi þeir að snæða á Kola-
brautinni. Hægt er að velja um hvort
aðalréttur er lambakjöt eða fiskur
eða að allir réttir séu grænmetisrétt-
ir. Fyrir allan pakkann, fordrykk,
mat, vín með mat og partí borgar
fólk 38 þúsund krónur en svo er
hægt að uppfæra í lúxusvínpakka
fyrir 12 þúsund krónur aukalega.
Auk þess er hægt að láta lúxusbifreið
sækja sig og skutla heim að veislunni
lokinni og kostar það 10 þúsund
krónur á mann. Miðaverð í partí-
ið eitt og sér er hins vegar 4.400
krónur.
Emmsjé Gauti og Páll Óskar í nýárspartíi í Hörpu
Miðaverð 60 þúsund fyrir þá sem kjósa lúxusvín með matnum og láta sækja sig í lúxusbifreið.
Emmsjé Gauti, Saga Garðars og hinn bandaríski Tape Face troða upp í nýárspartíi í Hörpu.
Höskuldur Daði Magnússon
hdm@frettatiminn.is
Já, ég væri til í að gera meira svona efni. Þetta er auðvitað allt öðru-vísi efni en í þungu Kastljósi. Ég hugsa líka
að ég sé ekki alveg jafn leiðinleg-
ur þarna og í Kastljósinu,“ segir
Helgi Seljan fréttamaður. Helgi er
að ljúka við þriggja þátta röð um
Litla-Hraun sem flutt verður viku-
lega á Rás 1. Fyrsti þáttur fer í loft-
ið á aðfangadag og allir þættirnir
verða svo aðgengilegir í hlaðvarpi
ásamt aukaefni.
Helgi segir að áhuginn á staðn-
um og málefnum fanga hafi orðið
til þess að hann réðst í gerð út-
varpsþátta um Litla-Hraun. „Ég
hef komið þangað nokkrum sinn-
um og það var allt öðruvísi en ég
hafði ímyndað mér. Mig langaði
að kynnast þessum stað áður en
allt breyttist,“ segir Helgi en Litla-
-Hraun fær nýtt hlutverk nú þegar
fangelsið á Hólmsheiði hefur ver-
ið tekið í notkun. „Þættirnir eru
einskonar skyndimynd af fangels-
inu eins og það er núna í bland við
sögu þess og svo auðvitað fólkið
sem þar er,“ segir hann.
„Litla-Hraun hefur verið eina ör-
yggisfangelsið og það hefur öllum
verið „dömpað“ þangað. Þetta er
risa vinnustaður á þessu svæði, 70
manns, og margir fangaverðir hafa
verið lengi við störf. Saga hússins
er líka forvitnileg, það varð fang-
elsi fyrir hálfgerða tilviljun. Svo er
margt athyglisvert við það hvernig
íslenska kunningja- og klíkusam-
félagið virðist hafa haft áhrif á
það hvernig raðaðist þangað inn
fyrstu áratugina. Það er ógeðfelld
en kunnugleg samfélagslýsing sem
skín þar í gegn,“ segir Helgi.
Helgi eyddi fimm dögum á Litla-
Hrauni og ræddi auk þess við fyrr-
um fanga sem sat lengi í einangr-
un. „Það var sjokkerandi að heyra
lýsingar á því,“ segir hann um
varðhaldsfangann.
Hvernig var þér tekið?
„Mjög vel. Ég fékk mikið frelsi
þarna inni. Megnið af tíman-
um var ég bara einn á röltinu að
spjalla við fanga og starfsfólk. Það
er forvitnileg „kemestría“ á Litla-
-Hrauni, goggunarröðin í fanga-
hópnum. Þarna eru náttúrlega
allskonar menn, ungir strákar og
menn sem hafa verið í fangelsi
meira en helming ævinnar. Þetta
eru kannski menn sem hafa ekki
drepið mann, misþyrmt barni eða
valdið alvarlegum skaða. Margir
eru bara gæjar sem eiga erfiðara
en aðrir með að hætta að nota
eiturlyf,“ segir Helgi.
Hann segir að samskipti fólks
innan veggja fangelsins séu
forvitnileg. „Þetta var auðvitað
og er „Hús óþægindanna“ eins og
einn viðmælenda minna kallaði
það, þangað var öllum hent inn.
Það eru mjög stífar reglur en sam-
skipti varða og fanga eru meira
„líbó“ en maður gæti haldið, til
dæmis á vinnustöðunum. Þetta er
í raun stór fjölskylda. Dæmigerð
íslensk, flókin og svolítið „disfúnk-
sjónal“ fjölskylda bara.
Samskipti við ættingja eru líka
merkileg. Vissirðu til dæmis að
það er róló á Hrauninu? Hann
virðist við fyrstu sýn vera mjög
sorglegur staður en þegar betur
er skoðað kemur í ljós að þarna er
rétt nýlega kominn staður þar sem
menn geta verið með börnunum
sínum. Ekki bara í gömlum fanga-
klefa sem hefur verið breytt í fjöl-
skylduherbergi. Maður áttar sig á
því að þetta skiptir máli.“
Og Helgi viðurkennir að hann
sjái margt í öðru ljósi eftir veru
sína á Litla-Hrauni. „Já, maður
áttar sig á því hvað það getur ver-
ið stutt á milli. Ein ákvörðun eða
fyllirí einhvern tímann þegar þú
ert ungur getur ráðið því hvort þú
lendir inni í þessu kerfi — og festist
þar.“
Þú ert nú gamall götustrákur, pass-
aðirðu ekki ágætlega inn?
„Þú getur rétt ímyndað þér hvort
það hafi verið sami kjaftur á mér
þarna og í sjónvarpinu.“
Þannig að þú hefur ekki verið
hræddur við þessa kalla?
„Maður verður aldrei hrædd-
ur þarna. Maður fær frekar bara
móral yfir því að geta valsað inn
og út, öfugt við fangana.“
Helgi Seljan
á  Hrauninu
Sjónvarpsmaðurinn þekkti var fimm daga á Litla-Hrauni og gerði út-
varpsþætti sem fluttir verða á Rás 1 um jólin.
Helgi Seljan segir að árið í ár hafi verið hálf „kreisí“ og það hafi verið góð tilbreyting að
kynna sér lífið á Litla-Hrauni. Þriggja þátta útvarpsþáttaröð hans fer í loftið um jól og
áramót á Rás 1. Mynd | Hari
…fjörið 2 | amk… FÖSTUDAGUR 25. NÓVEMBER 2016