Morgunblaðið - 01.12.2016, Page 38

38 MENNING
MORGUNBLAÐIÐ FIMMTUDAGUR 1. DESEMBER 2016
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Hröð og góð þjónusta um allt land
Eigum einnig til mikið úrval af
perum og öryggjum í bíla
Áratuga
reynsla
Langstærstir í viðgerðum og sölu á
Alternatorum og Störturum
Gunnþórunn Jónsdóttir
gunnthorunn@mbl.is
Það var á dimmu desemberkvöldi
fyrir um 30 árum síðan að tónlist-
armaðurinn Stefán S. Stefánsson sat
við píanóið heima hjá sér einu sinni
sem oftar. Úti snjóaði og jólaljós
lýstu upp myrkrið. „Ég sat inni í
stofu að gutla eitthvað á píanóið eins
og svo oft áður. Krakkarnir voru litl-
ir og ég man að Arnar sonur minn,
þá ca átta ára, og vinur hans Úlfur
Chaka Karlsson, litlu eldri, sátu á
gólfinu og voru að leika sér í stof-
unni. Þá einhvernveginn kemur
þetta stef upp og lítill lagstúfur
verður til,“ segir Stefán. „Ég kalla
til strákanna: „Hey strákar, mig
vantar texta við þetta! Eruð þið ekki
til í að búa hann til með mér?“ Þann-
ig varð þetta lag til.“ Þeir köstuðu
fram hugmyndum að textum, sem
voru mun skrautlegri og innihéldu
ýmsa súpermenn. Viðeigandi fyrir
átta ára aldur. „En þetta endaði í
þessum litlu og fallegu línum sem
eru skemmtilegar og einlægar.“
Gáfu lagið loks út
Jólalagið sem varð til þetta nota-
lega kvöld nefnist Hey þú, gleðileg
jól og varð það að jólalagi fjölskyld-
unnar og var alltaf sungið um jólin.
Oft var haft orð á því að nú þyrfti að
fara að gefa þetta lag út. „Það var
ekki fyrr en dóttir mín, Una, stakk
upp á því við mig að við ættum að
gera eitthvað alvöru úr þessu. Ég
kom þessu því í farveg og fékk Stór-
sveitina með mér í þetta. Við höfðum
spilað þetta einu sinni áður en nú
tókum við lagið upp og gáfum það út
til að bæta í jólaflóruna,“ segir Stef-
án.
Arnar Steinn, sonur Stefáns, er í
dag kínverskumenntaður asíufræð-
ingur. Úlfur, vinur hans, varð síðar
stórtækur tónlistarmaður og leiddi
sína eigin hljómsveit sem nefndist
Stjörnukisi. Hann lést hinn 9. sept-
ember 2007 í blóma lífsins eftir að
hafa barist lengi við illvígan sjúk-
dóm. „Þeir voru vinir alla tíð og voru
mikið saman. Ég er feginn að þetta
hafi verið gert, líka bara fyrir okkur.
Þetta hefur sérstakan blæ á sér allt
saman,“ segir Stefán.
Dóttirin flytur lagið
„Mér þótti við hæfi að halda lag-
inu innan fjölskyldunnar og fékk því
Unu til að flytja lagið,“ bætir hann
við. Dætur Stefáns eru Una og Erla
og báðar eru þær að feta tónlist-
arveginn.
„Eins og ég segi stundum, ég
reyndi að fá þær út í fjármálaverk-
fræði en það gekk ekki hvað sem ég
reyndi,“ segir hann og hlær. „Nei
nei, svo lengi sem fólk hefur gaman
af því sem það er að gera og hefur
ástríðu fyrir því þá er það bara af
hinu góða. Una er að sækja í sig
veðrið með hverjum deginum sem
söngkona og tónlistarkona og verð
ég að segja að hún gerir það af-
skaplega vel, þó ég sé hlutdrægur.
Erla er með eigin hljómsveit, Dalí,
sem hefur verið að gera góða hluti á
Iceland Airwaves og víðar og gengur
bara mjög vel,“ segir Stefán.
Lagið var frumflutt á Bylgjunni
fyrir nokkrum dögum og virðist líka
vel enda afar ljúft og í anda sjötta
áratugarins.
Jólatónleikar á sunnudag
„Við ætlum einnig að spila þetta á
jólatónleikunum Jólafjör með Góa
og Stórsveit Reykjavíkur sem fara
fram á sunnudaginn kemur kl. 14 í
Hörpu og Gói og Haukur Gröndal
stýra. Tónleikarnir eru árlegir og
eru fyrir fjölskylduna. „Þetta hafa
verið vel lukkaðir jólatónleikar,
þetta eru svona stórsveitarjól,“ segir
Stefán.
Gefur út jólalag fjölskyld-
unnar 30 árum síðar
 Stefán S. Stefánsson fékk son sinn og vin hans til að
semja textann  Dóttir hans syngur lagið með Stórsveitinni
Feðgin Una Stef syngur hér með Stórsveit Reykjavíkur og Stefán stýrir.
Það er bjart yfir Hestvík íbyrjun. Einstæða móðirinElín er að fara með 12 árason sinn, Dóra, í sum-
arbústað foreldra sinna í Hestvík við
Þingvallavatn. Dóri hefur aldrei
komið þangað og hún ekki í mörg ár
en nú eru foreldrar hennar gengnir
og þau ætla að dvelja þar eina helgi
og ganga frá bústaðnum fyrir sölu.
Foreldrar Elínar
kölluðu bústaðinn
Draumahöllina sín
á milli og hann er
það sannarlega í
huga Elínar sem
finnst eins og það
hafi alltaf verið
hamingja og gott
veður þegar þau
dvöldu í bústaðn-
um, hún á þaðan sínar bestu æsku-
minningar. Bústaðurinn er lítill og
lúinn og ekki tengdur við rafmagn.
Það er bjart yfir byrjun sögunnar
en samt eru fyrirboðar um það sem
koma skal. Morguninn eftir komuna
hittir Elín fyrrverandi bekkj-
arbróður sinn, Hauk en hann dvelur
í nálægum bústað með konu sinni og
dóttur. Þau koma við sögu auk
Helga, bóndans á næsta bæ, og sér-
stakra tvíburasystkina á unglings-
aldri sem búa hjá honum. Inn í sam-
tímaatburði fléttast minningar
Elínar um foreldra sína, veikindi
þeirra og dauða, hennar eigin veik-
indi og líf, og minningar hennar úr
skóla þar sem Haukur stóð fyrir
ýmsum ótuktarskap. Sonur hennar
afhjúpast smátt og smátt en hún er
meðvirk móðir á tánum sem reynir
að gera syninum allt til geðs í sam-
keppni um hylli hans við föðurinn.
Tíminn í sumarbústaðnum með
syninum verður aðeins öðruvísi en
Elín sá fyrir sér og hún kemst að
ýmsu sem dregur úr ljóma æsku-
minninganna og afhjúpar hennar
eigin líf og sonarins. Eftir því sem
líður á daginn og ágústnóttin færist
yfir verður spennan sem liggur í loft-
inu nánast áþreifanleg og atburða-
rásin hefur yfir sér undarlegan blæ
þó allt sé samt nokkuð hversdags-
legt. Við fáum söguna í gegnum El-
ínu og það má fá það á tilfinninguna
að hún sé ekki alveg heil á geði og
óhugnaðurinn sé að mestu í huga
hennar, atburðirnar litast af hennar
eigin kvíða, stressi og þunglyndi.
Hestvík er þriðja skáldsaga Gerð-
ar Kristnýjar fyrir fullorðna og
verða þær vonandi fleiri því Hestvík
er magnað verk.
Sagan gerist á stuttum tíma á af-
mörkuðum stað, lesandinn fær þó að
ferðast aftur í tímann með Elínu.
Sagan er stutt og textinn knappur en
segir samt svo ótrúlega margt eins
og Gerður Kristný gerir listavel í öll-
um ljóðum sínum. Þá er hún laun-
fyndin sem skrifast á hæfileika höf-
undar til að sjá það skondna í
manneskjunni og aðstæðum. Það er
létt yfir sögunni í byrjun en smám
saman hellist óhugnaðurinn yfir og
það liggur svo margt í loftinu að les-
andinn verður eiginlega bara hjart-
veikur eins og aðalpersónan sjálf.
Gerður Kristný skapar einstakt and-
rúmsloft í Hestvík.
Morgunblaðið/Eggert
Hrollvekja
og hjartveiki
í Hestvík
Skáldsaga
Hestvík bbbbn
Eftir Gerði Kristnýju.
Forlagið 2016. Innbundin, 163 bls.
INGVELDUR
GEIRSDÓTTIR
BÆKUR
Höfundurinn „Hestvík er þriðja skáldsaga
Gerðar Kristnýjar fyrir fullorðna og verða þær
vonandi fleiri því Hestvík er magnað verk.“