Dagblaðið Vísir - DV - 09.02.2016, Síða 27

Vikublað 9.–11. febrúar 2016 Sport 19
„Fólk hélt að ég myndi ekki keppa aftur“
aftur,“ segir hún. Í september
2014 kom Margrét Edda aftur til
Íslands og hóf undirbúning fyrir
næsta atvinnumannamót.
„Það gekk bara ekkert. Lík-
aminn brást ekki við æfingunum
eins og hann átti að gera. Það var
greinilega einhver sýking í gangi
og ég gat ekki undirbúið mig eins
og ég þurfti. Ég hitti sérfræðing
hérna heima sem greindi mig
loksins með kinnholusýkingu.
Hann leit einnig á tönnina sem
reyndist hafa brotnað að innan
hjá tannlækninum úti,“ segir hún.
Sýkingin hafði grasserað lengi
og ástandið var alvarlegt. Margrét
Edda fékk þó loksins ný sýklalyf og í
mars í fyrra fór hún í aðgerð. „Ég var
í nokkra mánuði að jafna mig. Þetta
var ógeð,“ segir hún. Hún gat ekki
keppt og var ráðlagt að hvíla sig eins
mikið og mögulegt væri. „Það komu
dagar inni á milli þar sem ég gat æft,
en ekki með sama hætti og áður.
Læknirinn minn lét mig lofa að fara
varlega og hvíla mig frá keppninni –
í raun taka allt árið 2015 í frí.“
Tók öllu með ró
Það var eðlilega svekkjandi að
þurfa að vera svona lengi frá
keppni, en Margrét tók þessu með
mikilli ró, sannfærð um að hún
þyrfti að komast í gegnum þetta
erfiða tímabil og svo tæki við betri
tími. Hún einbeitti sér af öllum
krafti að fjarþjálfunarfyrirtæki
sínu og svo kom að því að hún
fékk heimild til að byrja aftur að
æfa og keppa af fullum krafti.
Hún lét ekki segja sér það
tvisvar og á fyrsta mótinu sem
hún keppti á eftir veikindin fór
hún með sigur af hólmi – fyrsta
sigurinn á móti fyrir atvinnu-
menn í fitness.
„Um leið og ég fékk grænt
ljós frá lækninum fór ég strax á
netið og leitaði mér að móti. Ég
fann þetta mót, Legends Pro í Las
Vegas,“ segir hún. Hún hafði margt
að sanna, ekki hvað síst að sýna
þeim, sem höfðu efast um að hún
gæti snúið aftur, í tvo heimana.
„Það voru mjög margir sem
sögðu að ég yrði jafnvel að sætta
mig við að þessi veikindi yrðu til
þess að ég missti af mínu tímabili
sem keppandi. Að ég myndi ekki
ná fyrra formi, hvað þá betra
formi,“ segir hún.
Það voru kannski ekki óeðli-
legar áhyggjur. Margrét Edda
hafði náð frábærum árangri rétt
áður en veikindin fóru að hrjá
hana, hún varð heimsmeistari og
náði góðum árangri á fyrsta at-
vinnumannamótinu sem hún
keppti á. Svo varð hún veik og úr
leik. „Fólk hélt að ég mynd ekki
keppa aftur,“ segir hún. „En ég
ákvað strax að horfa á þetta sem
góða hvíld. Ég einbeitti mér að
því að þjálfa og kenna sjálfri mér
meira um þjálfun, mataræði og
næringu. Ég prófaði á sama tíma
ólíkt mataræði og nýtti tímann
vel. Ég er mjög ánægð með það,“
segir hún. „Ég vissi að ég gæti
komið mjög sterk til baka – ég
trúði því.“
Sem hún og gerði.
„Þetta var krefjandi – að koma
sér aftur í rútínuna og þetta var
auðvitað erfitt, en ég var fljót að
komast í gírinn,“ segir hún.
Mikilvæg markmið
En það var kannski ekki nein
ástæða til að efast. Margrét Edda
er vön að láta drauma sína rætast
og eltast við markmið sem öðrum
finnst afar háleit. Hún ætlar sér
reyndar stóra hluti á öllum mót-
um, markmiðin eru misstór, en öll
mikilvæg.
„Ég keppti á mínu fyrsta móti
árið 2011 hérna á Íslandi. Ég varð í
þriðja sæti og var mjög ánægð með
mig. Ég fór strax að leita að sterku
móti. Ég vil keppa á svoleiðis mót-
um, það er miklu meiri áskorun.
Ég fór og keppti á Arnold Classic-
mótinu, sem er fyrir áhugamenn
og atvinnumenn. Þar varð ég í
fjórða sæti sem áhugamaður. Eftir
það gerði ég mér grein fyrir að ég
vildi verða atvinnumaður,“ segir
hún, en enginn annar Íslendingur
hefur náð slíkum árangri. „Ég var
staðráðin í því.“
Hún þylur upp markmiðin sín
og hvernig og hvenær hún sló
þau. „Fyrst langaði mig að sigra á
móti á Íslandi – sem ég gerði 2012.
Svo langaði mig að vinna stórt
áhugamannamót. Ég gerði það á
heimsmeistaramótinu árið 2013.
Þá mátti ég sækja um atvinnu-
mannaskírteini og gerði það. Þá
langaði mig að fá boð á Arnold
Classic sem atvinnumaður,“ segir
hún, en til þess að fá boð þarf að
skrá sig á mótið og svo velur móts-
nefndin úr umsækjendum og 13–
15 atvinnumenn eru valdir til að
keppa.
Rétt fyrir áramótin 2016 steig
hún svo formlega upp úr erfiðum
veikindum sem byrjuðu öll með
verk í andlitinu. Næstu markmið
voru því ekki síður háleit. Hún
ætlaði að fara með sigur af hólmi
á atvinnumannamóti og tryggja
sér þannig keppni á Mr. Olympia
í haust, sem er nokkurs konar
heimsmeistaramót atvinnu-
manna.
„Ég ætla að keppa mikið á
þessu ári. Síðasta mótið verður
í júlí áður en ég fer svo á Mr.
Olympia í haust,“ segir hún. Hún
vill vera sýnileg og skapa sér nafn,
einmitt sem eini atvinnumaður
Íslands. Sýna hvað í henni býr.
Gott samband
Margrét þakkar þjálfara sínum ekki
síst árangurinn. Þjálfarinn, Jóhann
V. Norðfjörð, hefur fylgt henni í
nokkur ár og er samstarf þeirra
afar gott.
„Það koma dagar þar sem
ég er þreytt, alveg eins og allir
aðrir. Þá sleppi ég því að æfa.
Ég held mataræðinu samt stöð-
ugu og góðu, en ég hlusta á lík-
amann. Ég passa vel upp á mig og
er svo heppin að æfa með þjálf-
ara sem skilur mína hugmynda-
fræði og deilir henni,“ segir hún.
„Þetta helst allt í hendur, hugar-
farið, æfingarnar og mataræðið,“
segir hún. „Hann er besti þjálfari
sem ég hef verið með. Hann skilur
mikilvægi andlegu hliðarinnar og
hvíldarinnar. Ég á það til að setja
of mikla pressu á sjálfa mig og
hann hjálpar mér að vinna úr því.“
Árangur Margrétar vakti ekki
aðeins athygli hér heima, heldur
einnig á sjálfu mótinu. Það reyndist
henni örlítið yfirþyrmandi. „Það
getur verið svo mikill klíkuskapur
á þessum stóru mótum. Ég hef ekki
tilheyrt henni og fyrir mótið sagði
fólk mér að ég ætti engan séns. Ég
væri bara stelpa frá Íslandi – eini at-
vinnumaðurinn þaðan fyrr og síð-
ar. En eftir keppnina fór þetta fólk
að koma til mín, hrósa mér og segja
mér að ég hefði eitthvað alveg sér-
stakt. Að framtíðin væri björt. Ég var
ekki búin undir það, þó að ég hefði
verið að vinna mótið,“ segir hún og
roðnar örlítið.
Margréti fannst athyglin hvort
tveggja í senn skemmtileg og erfið.
„Ég hringdi strax í þjálfarann minn
enda fór hugurinn alveg á flug. En
Jóhann var fljótur að segja: „Magga,
komdu aftur niður á jörðina. Slak-
aðu á, við gerum bara okkar besta.“
Ég ætla að hafa það að leiðarljósi,“
segir hún.
Vinsælt og umdeilt
Fitness nýtur mikilla vinsælda hér
heima. Á hverju ári eru slegin þátt-
tökumet og hefur Margréti verið
eignaður heiðurinn af því að mun
fleiri konur en áður skrá sig til leiks,
enda hefur hún verið mjög sýnileg
fyrirmynd.
Við víkjum umræðunni að þeirri
gagnrýni sem fitness hefur setið
undir. Margrét hefur sjálf vikið sér
fimlega undan því að taka þátt í
þessari umræðu og segist sjálf hafa
sínar skoðanir en ætli sér að halda
þeim þannig – hjá sér. „Ég tek þetta
ekki nærri mér,“ segir hún. „Það er
hægt að búa til neikvæða umræðu
um allt, ég tek þetta ekki inn á mig,
tek helst ekki þátt í þessum umræð-
um. Ég vil frekar vera jákvæð fyr-
irmynd, gera þetta á minn hátt og
gera það eins vel og ég get.“
Margrét horfir sem áður sagði
á markmiðasetningu, andlega
heilsu, mataræði og æfingar. Hún
vill halda öllu í jafnvægi og fer var-
lega þegar kemur að því að undir-
búa sig fyrir mót. Vel þekkt er að
keppendur fari í erfiða vatnslosun
rétt fyrir mót. „Ég er ekki hrifin af
vatnslosun. Ég fer alltaf varlega
í hana. Það er hættulegasti hluti
sportsins, keppendur eru að drekka
jafnvel upp undir 10 lítra af vatni og
taka einnig vatnslosandi töflur. Það
geri ég ekki, ég nota náttúruleg efni,
fíflarót og grænt te. Ég fer í mesta
lagi upp í þrjá lítra af vatni á dag,
sem er meira en nóg fyrir mig, þar
sem ég drekk venjulega tvo lítra.“
Mataræðið er í föstum skorð-
um, miklum æfingum fylgir að hún
þarf að borða vel, heilsusamlega og
vanda til verka. Oftar en ekki eru
skammtarnir meira að segja stærri
en hún getur torgað.
Undirbúningurinn
skemmtilegastur
„Mér finnst skemmtilegast að fara
í gegnum undirbúningstímabilið,
að ná að vera í toppformi aftur
og aftur og bæta mig. Ég er mikil
keppnismanneskja, þetta sport
hentar mér vel. Eins og sum-
ir virðast vera byggðir til þess að
vera spretthlauparar þá hef ég lík-
amsbygginguna í þetta. Ég ein-
beiti mér líka mjög mikið að öll-
um smá atriðum, hvort sem það
eru æfingar, mataræði eða sviðs-
framkoman,“ segir hún.
„Það er kraftur í okkur,“ segir
hún aðspurð hvort að það geti verið
að íslenskar konur hafi eitthvað al-
veg sérstakt þegar kemur að fitness
og kraftlyftingum.
Atvinnumannsskírteinið kemur
í veg fyrir þátttöku Margrétar Eddu
á mótum á Íslandi, en hún tekur
samt sem áður virkan þátt í mót-
unum sem haldin eru tvisvar á
ári. Hún aðstoðar þátttakendur
við framkomu á sviðinu og heldur
svokölluð „Pósu-námskeið“ fyrir
hvert mót og reglulega í gegnum
árið. „Mér finnst svo gaman að fá
að taka þátt, enda eru mótin hérna
heima virkilega flott. Ég mæti alltaf
og fylgist með,“ segir hún. „Íslensk-
ir keppendur eru líka þekktir fyrir
að standa sig vel á mótum erlendis.“
Lifir í núinu
Samhliða atvinnumennskunni
hefur hún byggt upp fjarþjálfunar-
fyrirtæki sem hún er mjög stolt
af og leggur mikla vinnu í. Hún
hefur einnig unnið mikið að því að
markaðssetja sjálfa sig, vera sýni-
leg og tryggja sér þannig stuðning
svo hún geti haldið áfram í fitness.
Hún segist meðal annars nýta
fyrrnefndan athyglisbrest með því
að hafa verkefnin sem fjölbreyttust
og skemmtilegust. „Ég hef ekki
áhuga á að vera með lífið í full-
kominni rútínu. Ég vil ekki að hver
einasti dagur sé eins. Ég vil lifa í
núinu,“ segir hún. n
„Ég vil
frekar
vera jákvæð
fyrirmynd
Ekki föst rútína
„Ég hef ekki áhuga
á að vera með lífið í
fullkominni rútínu.“
Myndir ÞorMar ViGnir
Atvinna í boði á einum
skemmtilegasta
vinnustað landsins
DV óskar eftir góðu og jákvæðu símasölufólki
Umsóknir sendist á magnushelgi@dv.is
→ Söluhæfileikar eru mjög mikilvægir → Ófeimin/n að tala við
fólk í gegnum síma → Reynsla af svipuðum störfum er kostur
Laun eru árangurstengd. Góð laun í boði fyrir góðan og duglegan sölumann.