Tímarit Hjúkrunarfélags Íslands - 01.12.1972, Blaðsíða 18

Ásgerður.
NÁMSFERÐ TIL
NOREGS OG SVÍÞJÓÐAR
Guðjóna.
Hjúkrunarkonurnar Ásgerður
Tryggvadóttir, er starfar á
skuröstofu Borgarspítalans og
Guðjóna Jónsdóttir héraðs-
hjúkrunarkona á Klepp-
ján'nsreykjum í Borgarfiröi,
fóru í námsferð til Noregs
og Svíþjóöar, og fjallar eftir-
farandi grein um för þeirra.
VlÐ HÖFUM verið beðnar að
segja frá námsferð, er við fór-
um til tveggja landa, Noregs og
Svíþjóðar, sumarið 1971. Var
okkur veittur styrkur frá Evr-
ópuráðinu til fararinnar.
Styrkur þessi var auglýstur
handa læknum og hjúkrunar-
konum til náms í 1-12 mánuði
í tilteknum löndum. Þegar við
sáum þetta auglýst, vakti það
löngun hjá okkur til að sækja
um. Efst í huga okkar var þá
heilsuverndin. Það voru fjórar
hjúkrunarkonur, sem sóttu um
styrkinn, og fengum við hann
allar. Tvær fóru í níu mánaða
heilsuverndarnám í Noregi, og
við tvær í tveggja mánaða náms-
ferð til þessara fyrrnefndu
landa. Námsferð okkar var fólg-
in í því að kynna okkur heilsu-
vernd og læknaskipunarmál úti
á landsbyggðinni. Styrkur þessi
er alveg sérstaklega góður, tæp-
ir 1900,00 frankar á mánuði,
það er að segja um 29 000,00
krónur íslenzkar, og þar fyrir
utan allar ferðir borgaðar milli
landa og lengri ferðir innan-
lands.
1 Noregi sá Norsk Sykepleier-
forbund um skipulagningu
námsins fyrir milligöngu
Hjúkrunarfélags Islands, en í
Svíþjóð umboðsmaður Evrópu-
ráðsins í Stokkhólmi.
Ferðin hófst 1. ágúst með
vikudvöl í heilsuverndarstöð
Oslóborgar (Oslo helserád).
Kynnt var fyrir okkur starfsemi
þriggja deilda stöðvarinnar. I.
deild, sem nefnd var „Móðir og
barn“, hafði það hlutverk að
annast um heilsuvernd barna til
7 ára aldurs, eftirlit með dag-
heimilum borgarinnar, söfnun á
móðurmjólk, gerilsneyðingu og
dreifingu hennar. Einnig sá
deild þessi um milligöngu við-
víkjandi kjörbörnum. II. deild,
„Mæðravernd", sá um heilsu-
vernd og fræðslu fyrir verðandi
mæður svo og ráðleggingar
varðandi getnaðarvai’nir. III.
deild, „Héraðsdeildin“, hafði
með höndum yfirstjórn heilsu-
verndar í héruðum. Hlutverk
þeirrar deildar var einnig að sjá
um starfsþjálfun og uppfræðslu
nemenda í norska Heilsuvernd-
arskólanum. Var þarna kennslu-
stofa og bókasafn því tilheyr-
andi, og var námstilhögun út-
skýrð fyrir okkur. Oslóborg er
skipt í svæði, og hefur hvert
svæði heilsuverndarstöð fyrir
sig, þar sem fram fara allir
þættir heilsuverndar, og gefa
þessar stöðvar síðan skýrslur til
Oslo helserád. Einn dag fylgd-
umst við með á slíkri stöð og
fórum einnig í ungbarnavitjan-
ir. Venjan er í ungbarnaeftirlit-
inu að fara aðeins í eina heima-
vitjun, ef allt er eðlilegt með
barnið, og þá sem fyrst eftir að
móðirin kemur af fæðingar-
deildinni. Síðan kemur móðirin
með barnið á heilsuverndarstöð-
ina mánaðarlega fyrsta árið, en
svo árlega til skólaaldurs.
Eftir þessa viku í Osló vorum
við úti á landi það sem eftir var
af tíma okkar í Noregi eða 5
vikur. Noregi er skipt í fylki
og situr fylkislæknir og fylkis-
hjúkrunarkona í hverju þeirra,
og er yfirstjórn læknaþjónustu
og heilsuverndar í þeirra hönd-
um. Fylkjunum er síðan skipt
í læknishéruð og situr einn eða
fleiri héraðslæknar í hverju
ásamt praktiserandi læknum og
kandidötum eftir stærð hérað-
anna. Skyldur héraðslæknis eru
að mestu leyti þær sömu og hér,
en þar hefur hann heilsuvernd-
arhjúkrunarkonur sér til aðstoð-
ar við mæðravernd, ungbarna-
vernd, smábarnavernd, heilsu-
verndarstarf í skólum, eftirlit
með gömlu fólki, öryrkjum, geð-
veilum, berklaveikum, svo og
hótelum og öðrum stofnunum,
sem selja og framleiða mat. Á
sumrin hafa þær eftirlit með
svokölluðum „camping plass“ -
eru það sumarhúsaþyrpingar og
tjaldstæði, sem leigt er út. Ger-
ir heilbrigðiseftirlitið ákveðnar
kröfur til þessara staða, og lítur
heilsuverndarhj úkrunarkonan
eftir, að þeim sé framfylgt.
Heilsuverndarh j úkrunarkon-
ur úti á landsbyggðinni hafa
sína skrifstofu og ákveðna við-
talstíma.
134 TÍMARIT HJÚKRUNARFÉLAGS ÍSLANDS