Tímarit hjúkrunarfræðinga - 01.10.2007, Blaðsíða 42

Frá siða- og sáttanefnd - Siðfræðimolar
Haustið 2008 verður SSN-ráðstefna haldin í Færeyjum. Ráðstefnan ber yfirskriftina „Visioner for
sykepleien" og verður hluti ráðstefnunnar helgaður siðfræði. Af þessu tilefni hyggst siða- og sáttanefnd
birta stutta pistla, siðfræðimola, í næstu tölublöðum Tímarits hjúkrunarfræðinga. Markmiðið með
siðfræðimolunum er að vekja athygli hjúkrunarfræðinga á siðfræðilegum málefnum og hvetja til
siðfræðilegrar umræðu um leið og vakin er athygli á fyrirhugaðri SSN-ráðstefnu. Fyrsti siðfræðimolinn
fjallar um bloggskrif og er það að gefnu tilefni.
BLOGG - SIÐFRÆÐI
Þegar orðasambandinu Blog Ethics er
flett upp á veraldarvefnum kemur það
fyrir 33 milljón sinnum og verður það
að teljast nokkuð oft. Ekki er ætlunin
hér að fjalla um þetta efni að nokkru
marki heldur einungis draga fram fáeina
punkta að gefnu tilefni.
Fyrir nokkru barst siða- og sáttanefnd erindi frá stjórn FÍH
þess efnis að nefndin tæki afstöðu til þess hvernig bregðast
ætti við bloggskrifum á Netinu um einstaka hjúkrunarfræðinga
og skjólstæðinga þeirra. Tilefnið var að dæmi voru um að
einstaklingar hefðu nafngreint hjúkrunarfræðinga og farið
óvægnum orðum um þá og störf þeirra á bloggsíðum sínum.
Þar sem siða- og sáttanefnd hafði ekki fengið sambærilegt erindi
áður kannaði hún hvort forsvarsmenn annarra heilbrigðisstétta og
LSHhefðufengiðfyrirspurniríþessaveruog þáhverviðbrögðþeirra
hefðu verið við bloggumfjöllun um félagsmenn eða starfsmenn
þeirra. Einnig var haft samband við landlæknisembættið. Engin
formleg kvörtun eða beiðni um viðbrögð hafði borist þessum
aðilum frá einstökum heilbrigðisstarfsmönnum vegna óvæginna
bloggskrifa um þá. Allir þessir aðilar þekktu þó til vandamálsins
og hvaða áhrif skrif á Netinu geta haft á einstaklinga, fjölskyldu
þeirra, heilbrigðisstéttir í heild sinni og vinnuumhverfi þeirra.
Oftast hafa heilbrigðisstarfsmenn ekki möguleika á að verja
sig og kemur þagnarskyldan, sem á þeim hvflir, í veg fyrir það.
Allir aðilar voru sammála um að æskilegt væri að fram færi
þverfagleg umræða um þessi mál.
Þegar gluggað er í færslur á Netinu kemur fljótt í Ijós að menn
eru ekki á eitt sáttir hversu langt siðareglur um skrif á Netinu eiga
að ná. Til eru þeir sem telja að algert mál-og ritfrelsi eigi að ríkja
en aðrir velta hins vegar fyrir sér þeim völdum sem einstaklingar
taka sér, jafnvel nafnlaust, með því að skrifa óhróður um menn
og málefni. Einhverjir hafa líkt netheimum við stórborg
án lögreglu, eins og staðan er í dag. Enginn hemill
virðist vera á því hvað hægt er að setja á Netið nema
siðferðisvitund hvers og eins setji þar mörk og því eru fá
úrræði fyrir hendi. Ljóst er að í litlu samfélagi sem okkar
geta áhrifin af ómálefnalegum, ómaklegum og óvægnum
skrifum orðið mun alvarlegri en í stærri samfélögum, sér
í lagi þegar einstaklingar, sem ekki mega bera hönd fyrir
höfuð sér, eiga í hlut.
Það virðist vera samdóma álit þeirra sem láta sig málið
varða að ábyrgir bloggarar eigi að vera sér meðvitaðir um
að það sem þeir birta á Netinu fer fyrir sjónir almennings
og því beri þeir siðferðilega ábyrgð gagnvart lesendum,
fólkinu sem þeir skrifa um og samfélaginu almennt.
Morgunverðarfundir með félagsmönnum
Stjórn Félags íslenskra hjúkrunarfræðinga (FÍH)
gerði nýlega samning við ráðgjafarfyrirtækið Global
Consulting Group um aðstoð við að auka samheldni
hjúkrunarfræðinga og til að virkja hugmyndir þeirra
og flétta þær inn í starf félagsins. Ákveðið hefur
verið að koma á nokkurs konar ráðgjafarnefnd
félagsmanna. Það verður gert með því að kalla
10% félagsmanna FÍH á morgunverðarfundi
þar sem fjallað verður um þrjá meginþætti: (1)
núverandi þjónustu og starfsemi félagsins, (2)
40
Tímarit hjúkrunarfræðinga - 4. tbl. 83. árg. 2007