Ráðunautafundur - 12.02.1979, Blaðsíða 28

108
1 þessari tilraun var við það miðað að gefa 2 - 4% af þyngd fisksins
daglega en þó var þetta magn breytilegt eftir aðstæðum og minna
fóðrað þegar sjávarhiti var hvað lægstur yfir veturinn, auk þess
sem veður var oft það vont að vetrarlagi að ekki reyndist unnt
að fóðra. Eftir 10 manaða eldi hafði laxinn náð rúmlega 400 gr.
þyngd, en um 2,2 kg. af þurrfóðri þurfti til að framleiða 1 kg.
af laxi. Því miður reyndist ekki unnt að ljúka þessari tilraun
og ala fiskinn í fulla stærð, því rifa k om á búrið í miklum veður-
ofsa og slapp þá mikill hluti fisksins, þannig að ekki þótti ástæða
til að halda tilrauninni áfram.
Nú eru í gangi á vegum Fiskifélags íslands tilraunir ,með sjóeldi
á laxi x Lqni f Kelduhverfi. Heitar uppsprettur eru á botni Lóns,
þannig að sjávarhiti er nokkru hærri þar en í sjónum fyrir utan,
enda hefur það komið í ljós að rauðspretta á botni Lóns hefur sýnt
allt að helmingi meiri vaxtarhraða en rauðspretta á Faxaflóa.
Niðurstöður tilrauna x Lóni liggja enn ekki fyrir.
Tilraunir Fiskifélagsins og eins tilraunir einstaklinga með sjóeldi
sýna að flotbúr svipuð og Norðmenn nota á lygnum fjörðum í Noregi
henta yfirleitt ekki íslenskum aðstæðum þó að fáeinir staðir kunni
að finnast hér á landi þar sem slíkt eldi er mögulegt. Til greina
kæmi að skipta eldinu og ala fiskinn að vetrarlagi í tjörnum, sem
volgum sjó væri dælt í, en ljúka síðan eldinu í flotbúrum að sumar-
lagi. Þá má einnig hugsa sér smíði rammgerðra flotbúra, líkt og
3retar reyna nú í fjörðum Skotlands. Einnig er mögulegt að reyna
svipaða tækni og Mowi fyrirtækið notar með góðum árangri x
Noregi, þ.e.a.s. að ala laxinn { sjávarlóni, en slíkar tilraunir
myndu kosta mikið fé.
Rannsóknum á Islandi er yfirleitt mjög þröngur stakkur skorinn vegna
fjármagnsskorts. Er það að sumu leyti eðlilegt sökum fámennis
hér á landi. Þó verður að segjast að fiskræktar og fiskeldismálin
hafa orðið óvenju illa úti með fjármagn, þegar tekið er tillit til
þeirra miklu möguleika sem þar eru fólgnir.