Ráðunautafundur - 12.02.1979, Qupperneq 52

132
Varnarráðstafanir byggjast á eftirfarandi atriðum:
1. Að sjá til þess að gróðurinn búi við sem hagstæðust kjör og
ræktunaraðbúð, en það stuðlar að auknu viðnámi hans.
2. Fyrirbyggja með varnarefnum. Getur borið vissan árangur
bæði gagnvart vissum sveppum og meindýrum. Tefur fyrir og
seinkar útbreiðslu,sbr. síðsumar- og haustúðun til að draga
úr reyniátu og vetrarúðun gegn eggjum blaðlúsa.
3. Útrýming með tilskildum varnarefnum fljótlega eftir að skað-
valds verður vart.
Varnaraðferðir og efni
Nær undantekningalaust er úðun öruggasta aðferðin.
Sniglum verður þó að útrýma með sérstakri hratblöndu sem komið
er fyrir á jarðveginum. Eyðingarefni eru ýmist í duftformi
eða sem vökvi. Eituráhrif þeirra eru breytileg. Ætíð skyldu
valin sem minnst eitruð efni ef vitað er að þau komi að svip-
uðu gagni og hættumeiri efni. Brýnt er að nota góð dreifingar-
tæki og gæta fyllstu varúðar. Ásamt réttum tíma við framkvæmd
varnaraðgerða, skipta veðurskilyrðin meginmáli um árangur.
Skilyrðin þurfa helst að vera: Hlýtt, þurrt og kyrrt en
sólarlaust veður, þannig að varnarefnið þorni hæfilega hægt á
plöntunum.