Ráðunautafundur - 12.02.1979, Page 73
153
RÁÐUNAUTAFUNDUR 1979
TILRAUNIR MEÐ HÚSVIST SAUÐFJÁR
Grétar Einarsson
Bútæknideild RALA, Hvanneyri.
Helstu bráðabirsðaniðurstöður■
Tilraunir meö húsvist sauðfjár hófu'st aö Hvanneyri
haustið 1977. Tilgangur rannsóknanna er aÖ meta hvaða áhrif
mismunandi húsagerð hefur á þrif fjárins. í tilrauninni voru
alls 80 ær skipt í tvo hópa:
A. Féð á gólfgrindum, hús einangruð og loftræst með vél-
búnaði.
B. Féð á gólfgrindum, hús óeinangruð, loftræst án vél-
búnaðar.
Tilraunin hefur staðið aðeins einn vetur og því of
snemmt að draga endanlegar ályktanir af niðurstöðum, en í
stórum dráttum voru þær sem hér segir:
1. Við rúning urðu breytingar á loftslagi í húsunum. Miðað
við sama útihita hækkar hitastigið í einangruðu húsunum
um 3°C o^ í óeinangruðu um 2°C. Loftrakinn lækkar veru-
lega í báðum tilvikum á bilinu 10-12%. Þessar breytingar
má væntanlega rekja til aukins hitataps fjárins eftir
rúning.
2. Eftir vetrarrúning (15.3.) léttust ærnar £ óeinangruðu
húsunum að meðaltali 2,6 kg/kind umfram þær, sem voru í
einangruðu húsunum. Þessi munur er raunhæfur og hélst
fram að sauðburði.
3. Raunhæfur munur reyndist ekki vera á milli hópanna hvað
ullargæði snertir. Einkunn fyrir toglit féll í báðum
hópunum, er leið á innistöðuna (13.12.77 til 10.3.78) úr
8,1 í 7,4. Þvottarýrnun óx á sama tíma úr 24% í 32%.
4. Efnagreiningar á blóði sýndu, að miklar breytingar verða
á^bloðefnum við rúning. Raunhæfur munur kom fram á milli
hópanna hvað sum þessara efna snertir.
5. Lambafjöldi að vori var sem svarar um 172 lömb á 100 ær í
einangruðu húsunum, en 152 lömb á 100 ær í þeim óein-
angruðu. Þessi munur er ekki raunhæfur.
Aðrar megin niðurstöður úr tilrauninni liggja ekki fyrir
að svo komnu máli. Ákveðið var að halda tilraun þessari áfram
nú í vetur og jafnframt bæta við hann einum lið. Er þar um
að ræða einangrað taðhús, loftræst með vélbúnaði.