Ráðunautafundur - 15.02.1987, Page 171

-163-
meðaluppskeran víóast hvar um 5,0 tonn af hektara og
þurrefnisinnihaldið um 70%. Af þessum uppskerutölum sést, að
mikið verður loftslag að breytast hér á landi> ef islensk
byggrækt á að verða samkeppnishæf byggrækt erlendis.
VII. Matarleifar
Matarleifar geta verið sæmilegt svínafóður en vandi er að
nota þær vegna þess hve breytilegar þær eru frá degi til dags.
Til öryggis og varnar gegn sjúkdómum og eiturverkunum af gerjun
eða rotnun er talið nauðsynlegt að sjóöa matarleifar, sem notaðar
eru handa svinum. Ef matarleifar frá veitingastöðum og
mötuneytum eru nýttar sem svinafóður verður skilyröislaust að
sjóða þær vegna sjúkdómahættu.
AF töflu 9 sést að reikna má með að um 20% af matarleifum er
þurrefni. Einnig að 15-20% af þurrefninu er prótein og um 20% er
fita. Algengast er að reiknað sé meö að 4-5 kg þurfi i hverja FE
og að 15-20% af þurrefninu sé prótein og um 20% sé fita. Hafa
verður i huga að þessar tölur eru mjög. ónákvæmar þar sem
efnasamsetning matarleifa er mjög breytileg.
Norskar og danskar tilraunir sýna að hægt er að fóðra
eldisgrisi meö góðum árangri á allmiklu magni af matarleifum.
Samkvæmt þessum fóðurtilraunum geta soðnar matarleifar verið
40-60% af heildarfóðri eldisgrisa án þess að hafa áhrif á
eðlilegan vaxtarhraða og fóðurnýtingu.
Hér á eftir verður leitast við aö gera grein fyrir
niðurstöðum athyglisverðra fóðurtilraunar, sem gerð var i Noregi
á striðsárunum 1943-1944. A þessum árum var mjög knappt um mat
og fóður i Noregi og bændur þar urðu eingöngu að fóðra búpening
sinn á fóðri, sem hægt var að fá innanlands. Pessar norsku
fóðurtilraunir sýna að auðvelt er að fóðra svin eingöngu á fóðri
sem hægt er að afla innanlands.