Ráðunautafundur - 15.02.1997, Side 97

89
utan og þjónustaður af tölvudeildinni. Til dæmis hefur verið samið við þrjú dönsk fyrirtæki
um sölu og þjónustu á jafnmörgum forritum og með því hefur tekist að útvega bændum öflug
forrit með skjótum og hagkvæmum hætti.
Á árinu 1994 miðaði verulega áfram í tölvumálum. í fyrsta lagi var öflugu tölvuneti
komið upp á 2. og 3. hæð Bændahallarinnar, nær allt starfsfólk hafði þar með yfir einmenn-
ingstölvu að ráða. Einmenningstölvunetið styrkti enn betur góða samvinnu milli stofnana og
félaga í Bændahöllinni þar sem allt upplýsingaflæði varð auðveldari. í öðru lagi var tölvusam-
skiptum komið á við búnaðarsambönd með tilkomu tölvupóstkerfis og fjartengingu við fjöl-
notendatölvu og tölvunet. Búnaðarsambönd gátu nú flett upp í nautgripaskýrsluhaldi og skráð
beint forðagæsluskýrslur. Jafnframt var unnt að fletta upp upplýsingum um bústofn, fram-
leiðslu og greiðslumark með tilkomu Jarðabókarinnar. Allir kynbótadómar voru skráðir beint í
fjartengingu í gagnavörslukerfið Feng og búnaðarsambönd höfðu aðgang að kerfinu til upp-
flettinga. í þriðja lagi stóðu einmenningstölvuforritin Fjárvís, Einka-Fengur og Búbót bændum
og búnaðarsamböndum til boða. Sauðfjárbændur gátu notað afurða- og ættabókhaldsforritið
Fjárvísi, hrossaræktendur gátu keypt Einka-Feng til uppflettingar í gagnasafni í hrossarækt.
Það gagnasafn hafði verið byggt upp frá árinu 1991 með tilkomu gagnavörslukerfisins Fengs
og almenns skýrsluhalds hrossaræktenda um land allt. Á þessum árum var bókhaldsforrit
Búnaðarfélagsins Búbót einnig orðið mjög útbreitt meðal bænda og vaxandi þáttur í starfsemi
búnaðarsambanda.
Frá árinu 1994 hafa bæst við dönsk forrit fyrir svínabændur og loðdýrabændur og forrit
til gerðar fóðuráætlana fyrir kúabændur. Á árinu 1997 verða síðan tvö ný Windows forrit sett
á markað; samanburðarforrit fyrir bókhald og jarðræktarforrit, sem hjálpartæki við gerð áburð-
aráætlana.
Mikilvægur hluti starfsemi tölvudeildarinnar hefur verið hugbúnaðargerð. Gerð hug-
búnaðar er margslungið og vandmeðfarið verkefni. Á tölvuráðstefnunni Comdex, sem haldin
var í Atlanta í Bandaríkjunum vorið 1995, og ég sat, kom fram að aðeins um þriðjungur hug-
búnaðar sem hafinn væri smíði á kæmist nokkurn tíma í notkun. Sum forrit næðu aldrei „að
fæðast“, flest enduðu í glatkistunni vegna lélegrar hönnunar og enn önnur enduðu þar vegna
lélegra dóma notenda, sem einfaldlega líkaði ekki notendaviðmót og „hegðun“ forritsins. Vel
þarf því að vanda til hugbúnaðargerðar; mistök eru dýrkeypt en að sama skapi skilar vandaður
undirbúningur og vönduð forritunarvinna sér margfalt til baka. Það hefur verið stefna tölvu-
deildar Bændasamtakanna að ráða eingöngu til sín háskólamenntaða kerfis- og tölvunar-
fræðinga. Of mörg mistök í tölvuheiminum má skrifa á að fyrirtæki ætla sér að spara með því