Ráðunautafundur - 15.02.1997, Page 98

90
að ráða svonefnda sjálfmenntaða tölvugrúskara. Þá hefur verið skortur á háskólamenntuðu
töivufólki. Með stofnun Tölvuháskóla Verslunarskóla Islands er mikið bætt úr þeirri þörf. I
dag eru flest fyrirtæki farin að ráða til sín kerfis- eða tölvunarfræðinga með háskólamenntun,
sem hafa reynslu í gerð hugbúnaðar. Tölvudeildin hefur átt árangursríkt samstarf við Tölvuhá-
skóla Verslunarskóla íslands um gerð hugbúnaðar og hefur samið við kerfisfræðinema urn
gerð hugbúnaðar sem lokaverkefni þeirra við skólann. Það samstarf hefur auðgað hugbúnaðar-
flóru Bændasamtakanna og jafnframt hefur það fært tölvudeildinni tvo kerfisfræðinga, sem
hófu störf að námi loknu í deildinni. Að auki unnu tveir tölvunarfræðinemar frá Háskóla ís-
lands að forritunargerð fyrir Bændasamtökin á síðasta ári. í tölvudeildinni vinna í dag tveir
kerfisfræðingar frá TVÍ og einn tölvunarffæðingur frá HÍ með framhaldsmenntun frá Banda-
ríkjunum. Við nýsmíði hugbúnaðar hafa verið settir á laggimar vinnuhópar til að hafa fullt
samráð við væntanlega notendur þess hugbúnaðar sem unnið er að. Nú eru starfandi tveir sam-
ráðshópar um forritun, sem í eru bændur, héraðsráðunautar, landsráðunautar og kerfis-
fræðingur frá tölvudeild.
Á síðasta ári var hafist handa við að koma upp hópvinnukerfinu Lotus Notes. Jafnframt
voru einmenningstölvur flestra starfsmanna Bændasamtakanna endurnýjaðar, enda kallar 32
bita Windows hugbúnaður dagsins í dag á öflugar tölvur með Pentium örgjörva, a.m.k. 1.000
Mb hörðum diskum og a.m.k. 16 Mb vinnsluminni. Með hópvinnukerfinu (samvinnukerfinu!)
Lotus Notes er stefnt að skilvirkari og agaðri meðferð mála og skjala hjá starfsfólki. Með
Notes fæst betri yfirsýn yfir einstök mál sem eru í vinnslu hjá Bændasamtökunum og sam-
vinna milli starfsfólk um úrlausn þeirra verður þægileg. Ritvinnsla og skjalavarsla er gerð auð-
veldari í Notes og með möguleika á sendingu tölvupósts og myndsendinga (fax) er öll skjala-
vinna starfsfólks gerð hraðvirkari. Aðgangur starfsfólks að Alnetinu (Internetinu) er í gegnum
Notes. Það verður stefna Bændasamtakanna að sem flest kerfi verði í Notes. í dag er í Notes
kominn vísir að félagatali samtakanna, faghandbók ráðunauta og tölvuráðstefnu um fagleg
málefni. Þegar búnaðarsambönd taka Notes í notkun opnast þeim sömu möguleikar og starfs-
fólki Bændasamtakanna í Reykjavík og er það einn af stóru kostunum við kerfið. Búnaðar-
sambönd hafa lengi óskað eftir að fá aðgang að þeim upplýsingum sem eru vistaðar í Bænda-
höllinni. Með tilkomu Notes er ekkert í veginum fyrir þessu hvað þau kerfi varðar sem byggð
verða upp í Notes. Notes kerfið byggir upp á dreifðum gagnasöfnum sem uppfærast sjálfvirkt í
gegnum símalínu. Ég er sannfærður um að ef starfsfólk Bændasamtakanna og búnaðarsam-
banda einhendir sér í að tileinka sér kosti Lotus Notes muni það reynast þeim öflugt hjálpar-
tæki á upplýsingaöld.