Ráðunautafundur - 15.02.1997, Qupperneq 117

109
Þetta er síðan háð þeim venjubundnu ákvæðum „eftir því sem fé er veitt til á fjárlögum hverju
sinni“.
Bændur sem hafa farið í þessa svokölluðu nytjaskógrækt á sínum jörðum hafa gert um
það samning við Skógrækt ríkisins og er þeim samningi þinglýst sem kvöð á viðkomandi jörð.
Skógrækt ríkisins hefur tekið saman eftir sínum gögnum nokkurs konar kostnaðargrunn á
hektara eftir ýmsum forsendum, svo sem landgerð, plöntutegundum, plöntufjölda á ha og
fleiru. Út frá þessu er síðan unnið í uppgjöri við bændur eftir ýmsum vinnureglum. Þarna á ég
að sjálfsögðu ekki við þá sem stunda sína skógrækt innan Héraðsskógaverkefnisins því um
það em sérstök lög.
Hvers vegna aðfela bændum að rœkta skóg ?
Ef til vill velta einhverjir því fyrir sér af hverju á að vera að fela bændum og öðrum landsetum
skógrækt í stað þess að Skógrækt ríkisins (ríkið) leggi undir sig lóðir og lendur og rækti þar
skóg með sínum reyndu mönnum á opinberum, sanngjörnum launatöxtum. Það yrði kannski
faglegar og betur unnið en hjá þeim sem alltaf eru byrjendur. Það myndi líka ekkert síður duga
í útreikningum um bindingu koltvíoxíðs.
Að mínu mati em tvær aðalástæður fyrir því að rétt sé að fela bændum að koma upp
skógi. í fyrsta lagi getur skógrækt aldrei orðið alvöru búgrein hérlendis nema hún sé stunduð
af bændunum sjálfum, og í öðru lagi myndi aldrei nást um það nein sátt að ríkið stæði í stór-
felldum landakaupum til skógræktar.
Hvað gerir skógrœkt áhugaverða fyrir bœndur ?
Eins og áður greinir er staða mála sú að gerður er samningur við bændur um að greiða þeim
allt að 80% af áætluðum ræktunarkostnaði. Til þess að gera mönnum örlitla grein fyrir því
sem hér er um að ræða er rétt að nefna hér nokkrar tölur. Tökum dæmi:
Áætlaður ræktunarkostnaður á ha er 120.000 kr.
Bóndin fær samkvæmt hinni almennu 80% reglu 96.000 kr.
Samkvæmt Suðurlandsskógaáætlun 97%, eða 116.000 kr.
Þar af eru bein útgjöld svo sem plöntur og fleira ca 73.000 kr.
Þarna er í fyrra dæminu um að ræða afgang upp á 20.000 kr. en í því síðara 43.000 kr.
Þótt þarna sé í hvorugu tilfellinu um háar tölur að ræða skipta þær meginmáli fyrir við-
komandi bónda, því það er þessi upphæð sem hann hefur möguleika á að vinna fyrir sjálfur,
þ.e.a.s. allt frá jarðvinnslu og fyrstu útplöntun til umhirðu og íbóta. Einnig er brautargerð og
varsla nauðsynleg.