Ráðunautafundur - 15.02.1997, Qupperneq 214

206
fyrir að nytin lækkaði um 0,25 kg á viku og kýrnar skyldu fá 55% af orkuþörf sinni úr heyi en
45% úr byggi blönduðu með fiskimjöli.
Tekin var fyrir miðvika hvers tímabils þar sem fundin var þörf kúnna og fóðurgjöfin út
frá fyrrnefndum forsendum. Útreiknað fóðurmagn var jafnframt gefið fyrstu og síðustu viku
sarna tímabils. Magnið réðist af orkuþörfinni en við það reyndist AAT vera yfir þörfum öll
tímabilin (139 g, 137 g og 133 g að meðaltali fyrir hvert tímabil með lægsta einstaka gildi 112
g og það hæsta 194 g). PBV innihald fóðurskammtsins var að jafnaði undir núllinu (-58 g,
-57 g og -47 g að meðaltali fyrir hvert tímabil með lægsta einstaka gildi -203 g og það hæsta
91 g).
Bygg inniheldur tiltölulega lítið magn af kalsíum með þeim afleiðingum að Ca/P hlut-
fallið raskast. Kúnum var því gefið díkalsíumfosfat sem blandað var saman við fiskimjölið
áður en því var hrært saman við byggið. Með því móti færðist kalsíuminnihald fóður-
skammtsins nálægt núllinu að meðaltali á öllum tímabilum, fosfórinnihaldið var aðeins yfir
því, en hlutfallið varð þó betra þeirra á milli en annars hefði verið. Innihald magnesíum í
skammtinum var um það bii núll yfir öll tímabilin, kalí var yfir og natríum undir. Kýrnar
höfðu hjá sér saltstein.
Gróffóðrið var gefið tvisvar á dag. Byggið var gefið tvisvar til þrisvar, háð magni dag-
skammts. Aðlögunartími byggsins var hálfur mánuður þar sem bygggerðunum var blandað
saman í graut með köggluðu kjarnfóðri. Hlutdeild kögglanna var minnkuð smám saman og var
það bundið við einstaklinginn eftir átinu. Þegar flestar kýrnar tóku vel í byggið var fiski-
mjölinu blandað saman við. Þær tóku því misvel og voru mislengi að fást til þess að éta það
með. Fáeinum dögum fyrir tilraun fengu kýrnar aðeins eina bygggerð, þá gerð sem hver átti að
fá næstu þrjár vikurnar.
Kýr
Tilraunin var framkvæmd á tilraunabúi RALA Möðruvöllum frá miðjum marsmánuði til miðs
maímánaðar 1996. Kýrnar voru 12 talsins, þar af 6 fyrsta kálfs kvígur. Þeim var skipt upp í 4
mismunandi hópa þar sem kýr innan hóps eru valdar hvað líkastar með tilliti til aldurs, nytar
og burðartíma. Upplýsingar um kýmar má finna í 2. töflu.
Hér er um ástand kúnna að ræða tveimur vikum áður en tilraun hefst og þá eru flestar
komnar töluvert frá burði. Að meðaltali eru rúmar 17 vikur liðnar frá burði og rúmar 19 vikur
þegar tilraunin sjálf hefst. í lok tilraunarinnar eru þær komnar rúmar 28 vikur frá burði að
jafnaði og er þá komið fram yfir mitt mjaltaskeið.