Dagblaðið Vísir - DV - 15.03.2016, Page 18

Heimilisfang
Kringlan 4-12
6. hæð
103 Reykjavík
fréttaskot
512 70 70fr jál s t, ó Háð dag b l að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
aðalnúmer
ritstjórn
áskriftarsími
auglýsingar
sandkorn
18 Umræða
Útgáfufélag: DV ehf. • Stjórnarformaður og útgefandi: Björn Ingi Hrafnsson • Ritstjórar: Eggert Skúlason og Kolbrún Bergþórsdóttir
Viðskiptaritstjóri: Hörður Ægisson • Fréttastjórar: Baldur Guðmundsson og Einar Þór Sigurðsson • Umsjónarmaður innblaðs: Sólrún Lilja Ragnarsdóttir
Framkvæmdastjóri : Steinn Kári Ragnarsson • Umbrot: DV ehf. • Prentun: Landsprent • Dreifing: Árvakur
Vikublað 15.–17. mars 2016
Leikhúsið er staður manns-
andans og sálarinnar
Í mínum huga var
þetta bara leikrit
Ég braut reglurnar
heima til að geta mætt
Syndadraugurinn lifir enn
Þorleifur Örn fékk Menningarverðlaun DV fyrir leikstjórn Njálu. – DVHermann Guðmundsson, framkvæmdastjóri samtakanna Betri spítali, segir áróðursstríð hafið. – Eyjan Flosrún Vaka Jóhannesdóttir óhlýðnaðist foreldrum sínum til að fara á æfingar. – DV
M
agnús Orri Schram, fyrr­
verandi þingmaður, hefur
ákveðið að bjóða sig fram til
formanns Samfylkingarinnar.
Magnús Orri hefur sennilega búist við
nokkuð blíðari móttökum en hann
fékk frá Ingibjörgu Sólrúnu Gísla­
dóttur eftir að hafa tilkynnt um fram­
boðið. Skilaboð Ingibjargar Sólrúnar
voru ekki bara stutt og snaggaraleg
heldur baneitruð: „Forystumaður
Samfylkingarinnar í landsdómsmál­
inu hefur stigið fram og telur sig vel til
flokksforystu fallinn.“
Magnús Orri Schram gekk, ásamt
fleirum, hart fram í landsdómsmálinu
og vildi ákæra Ingibjörgu Sólrúnu,
Árna Mathiesen og Geir Haarde.
Magnús Orri sagði að með ákærunni
væri ekki verið að kveða á um sekt eða
sakleysi, enda væri það Landsdóms
að komast að niðurstöðu. Magnús
Orri kaus að gleyma því, sem ítrekað
hefur verið bent á, að ein af megin­
reglum réttarríkisins er að ekki eigi
að ákæra nema meiri líkur en minni
séu á sakfellingu. Hann hafði ekki
hugmynd um það hvort ráðherrarnir
hefðu brotið af sér, en beitti sér samt
fyrir því að þeir yrðu ákærðir. Ásamt
skoðanabræðrum sínum braut hann
þar með gegn einni mikilvægustu
grunnreglu réttarríkisins.
Með orðum sínum hefur Ingi­
björg Sólrún vakið upp gamlan draug
sem samfylkingarfólk var að vona
að tíminn hefði kveðið niður. Fátt er
óþægilegra fyrir Samfylkinguna en
upprifjun á landsdómsmálinu þar
sem ýmsir þingmenn flokksins, sem
sumir sitja enn á þingi, sýndu af sér
óafsakanlega framkomu, en hafa ekki
haft dug í sér til að biðjast afsökunar.
Þeir hafa vonað að málið yrði ekki
rifjað upp og myndi því gleymast.
Landsdómsmálið er hins vegar svo
svartur blettur á Samfylkingunni að
hann verður ekki afmáður.
Viðbrögð Magnúsar Orra Schram
við orðum Ingibjargar Sólrúnar eru
dæmigerð varnarviðbrögð stjórn­
málamanns sem vill losna við
óþægilega umræðu. Í þættinum
Sprengisandi á Bylgjunni var hann
spurður um ummæli Ingibjargar
og ekki var hægt að skilja svar hans
öðruvísi en að hann teldi þarna vera
um persónulega árás að ræða: „Mér
finnst þetta líka sýna akkúrat það
sem fælir fólk frá pólitík,“ sagði hann.
Hann sagðist vissulega hafa vilj­
að sleppa því að að hafa setið í þing­
mannanefndinni sem ákvað að draga
ráðherra fyrir Landsdóm og að mál­
ið hefði ekki verið mjög farsælt fyrir
Samfylkinguna.
Ekki mælir formannsframbjóð­
andinn þarna snöfurmannlega,
heldur ber fram máttleysislegar af­
sakanir og er á greinilegum flótta
frá máli sem hann veit að er honum
óþægilegt. Magnús Orri Schram, sem
gekk mjög hart fram í landsdómsmál­
inu, virðist ekki sjá neina ástæðu til
að biðjast afsökunar á sínum þætti í
málinu, eins og hann ætti að gera og
verða þannig maður að meiri.
Nú þegar Magnús Orri hefur boð­
ið sig fram til forystu í Samfylkingunni
mun landsdómsmálið vera óþægileg­
ur fylginautur hans í kosningabarátt­
unni. Gamall syndadraugur er risinn
upp og minnir óþægilega á sig.
Svo má spyrja: Hvaða erindi á
Magnús Orri Schram í formannsstól
Samfylkingarinnar? n
Forsetaumræða
um páska
Áhugamenn um forsetakjör eiga
góða daga í vændum en fullvíst má
telja að á næstu dögum muni þeim
fjölga sem tilkynna um ákvörðun
sína að bjóða sig fram til forseta
Íslands. Sérfræðingar í forseta­
kjöri segja að klókt sé að lýsa yfir
framboði rétt fyrir páska en þannig
sé tryggt að nafn viðkomandi beri
mjög á góma í fjölskylduveisl­
um og fermingum. Mjög líklegt
er talið að Össur Skarphéðins son
láti til skarar skríða og Andri Snær
Magnason þykir sömuleiðis lík­
legur en fari hann fram mun að­
aláhersla hans í forsetaslag vera á
náttúruvernd. Fleiri eru nefndir til
sögunnar, þar á meðal Stefán Jón
Hafstein sem er áberandi áhuga­
samur um embættið.
Hrægammar
Hrægammar og hrægammasjóðir
hafa verið títt í fréttum eftir hrun.
Þar gætir ákveðins misskilnings. Því
var haldið fram að erlendir sjóðir
og útlenskir kap­
ítalistar ætluðu að
græða á hörmung­
um þjóðarinnar.
Annað kom í ljós.
Hinir raunverulegu
hrægammar eru
þeir sem hafa tek­
ið að sér að hámarka eignir þrota­
búanna. Þeir naga ekki aðeins bein­
in heldur hafa tryggt sér feita bita.
Bónusgreiðslur til starfsfólks og
stjórnarmanna hlaupa á svimandi
upphæðum. Af hverju skila þessir
peningar sér ekki til þeirra sem urðu
fyrir tjóni og töpuðu sínu?
Er skipulagið í lagi...?
Lausnir fyrir heimili og fyrirtæki
Brettarekkar
Gey
mslu
- og
dekk
jahi
llur
Mikil burðargeta
Einfalt í uppsetningu
KÍKTU VIÐ Á WWW.ISOLD.IS OPIÐ 08:00 - 17:00
Nethyl 3-3a - 110 Reykjavík
Sími 53 53 600 - Fax 567 3609
Þ
egar ljóst var að HDP, flokkur
Kúrda, komst yfir tíu prósenta
þröskuldinn sem þarf að stíga
yfir til að fá sæti á tyrkneska
þinginu og jafnframt að
Erdogan forseti hafði misst meirihluta
á þinginu í júníkosningunum í fyrra,
þá spáðu margir fréttaskýrendur því
að skammt væri þess að bíða að tyrk­
neski herinn hæfi hryðjuverkaað­
gerðir gegn Kúrdum í suðausturhluta
Tyrklands.
Þetta gekk eftir. Tyrkneska stjórnin
hóf ofsóknirnar með blessun NATÓ
en sú blessun fékkst á fundi fulltrúa
allra NATÓ­ríkjanna í Brussel í lok
júlí. Kúrdar voru sagðir ábyrgir fyrir
hryðjuverkum stjórnarhersins, jafn­
vel þeim sem beindust að þeim sjálf­
um. Samhliða voru fjölmiðlar og
dómstólar virkjaðir í skipulegri
ofsóknarherferð.
Að meðaltali eru þrjú dóms­
mál á dag vegna meintra
ærumeiðandi ummæla um
Erdogan forseta og móðgana
í hans garð. Fjölmiðlar hafa
verið ofsóttir og eru þess dæmi
að málgögn Kúrda hafi verið
tekin yfir að öflum hliðhollum
stjórninni og nú látin tala gegn
málstað Kúrda, sverta hann og
afbaka. Friðar­ og sáttastefnan
sem stjórnvöldin í Ankara og
Kúrdar höfðu fylgt síðan 2013
er með öðrum orðum fyrir bí
og eru átök smám saman að
þróast út í opið stríð þar sem
hryðjuverk eru framin á báða
bóga. Aðstöðu stríðandi afla
er hins vegar ekki saman að jafna.
Tyrkneski herinn hefur að sjálfsögðu
yfir burða aðstöðu og nýtir hann yfir­
burði sína á meðal annars með því að
setja á útgöngubann á svæðum þar
sem Kúrdar eru hvað öflugastir. Víða
í suðausturhluta Tyrklands hefur út­
göngubann verið meira og minna
síðan í ágúst.
Útgöngubann er mjög harkaleg
kúgunaraðgerð. Strangt útgöngu­
bann þýðir að fólki er með öllu bann­
að að fara út af heimili sínu til að afla
matar, lyfja og annarra nauðsynja.
Slíkt útgöngubann hefur til dæmis
verið í höfuðstað Kúrdabyggðanna í
Tyrklandi, Diyarbakir, að meira eða
minna leyti í þrjá mánuði. Þessu hef­
ur fylgt takmörkun á rafmagni og
einnig vatni. Hvað gerir fólk við slíkar
aðstæður? Einhverjir reyna að sæta
færis og fara á milli húsa án þess að
eftir verði tekið. Þá eiga þeir það hins
vegar á hættu að verða fyrir skothríð
hersins. Frá því ofbeldið gegn Kúrd­
um hófst nú í haust hafa tvö hundruð
og níutíu einstaklingar verið drepn­
ir með þessum hætti – skotnir á færi!
Ekki nóg með það, heilir borgar­ og
bæjarhlutar hafa verið jafnaðir við
jörðu. Allt er þetta eins ofbeldis fullt
og hefnigjarnt sem verða má. Alls
er talið að tæplega á átta hundruð
óbreyttir borgarar hafi fallið fyrir tyrk­
neska hernum á síðustu sex mánuð­
um. Þessu hefur fylgt mikil eyði­
legging á húsakynnum. Ástandið fer
hríðversnandi.
Sumir reyna að flýja svæðin þar
sem herinn er hvað grimmastur.
Ætlað er að tala þeirra Kúrda sem nú
eru á faraldsfæti – á flótta í eigin landi
– vegna þessara síðustu atburða sé
rúmlega þrjú hundruð þúsund. Það er
eins og öll íslenska þjóðin væri á far­
aldsfæti. Frá fyrrnefndri Diyarbakir­
borg einni er talan sögð vera á milli
þrjátíu og fimmtíu þúsund. Þetta eru
flóttamenn morgundagsins í Evrópu.
Í höfuðstöðum Evrópusambands­
ins í Brussel ræða menn nú um
kvótaskiptingu flóttamanna frá þess­
um slóðum. En hvernig væri að hætta
að framleiða flóttamenn? Hvernig
væri að bandalagsþjóðirnar í NATÓ
tækju fram fyrir hendurnar á tyrk­
neskum yfirvöldum, stilltu þeim upp
við vegg og segðu, annaðhvort er
það búið með veru ykkar í NATÓ eða
þið hættið að brjóta mannréttindi
á Kúrdum. Og hvernig væri að taka
upp umræðu um útgöngubann sem
án nokkurs vafa flokkast sem stríðs­
glæpur því alþjóðalög kveða á um
bann við að beina hernaðaraðgerð­
um að óvopnuðu saklausu fólki.
Hver er ábyrgð okkar? Fulltrúar Ís­
lands sátu eflaust fund NATÓ í lok júlí
þar sem ákveðið var horfa framhjá of­
beldi tyrkneskra yfirvalda gegn Kúrd­
um. Með þögn okkar leggjum við því
blessun Íslands yfir stríðsglæpi. n
Ögmundur Jónasson
alþingismaður skrifar
Kjallari
Tyrkneskt útgöngubann í boði NATÓ
Leiðari
Kolbrún Bergþórsdóttir
kolbrun@dv.is
„Lands-
dómsmálið
er hins vegar svo
svartur blettur á
Samfylkingunni
að hann verður
ekki afmáður