Dagblaðið Vísir - DV - 29.04.2016, Síða 8

Helgarblað 29. apríl–2. maí 20168 Fréttir
V
ið munum setja þetta í búðir
fljótlega og á veitingahús
og í mötuneyti,“ segir Örn
Karlsson, bóndi á Sandhóli
í Skaftárhreppi, um matarolíu sem
hann framleiðir úr repjufræjum
sem ræktuð eru á jörðinni.
Örn segir stefnt að framleiðslu
á um 50 þúsund lítrum af repju­
olíunni á ári. Um 730 þúsund lítrar
af matarolíu hafi selst í verslunum
hér á landi í fyrra.
„Þetta er allt ræktað hér á landi
en við höfum verið að fikra okkur
áfram með þessa ræktun síðan
2009 og náð góðum tökum á henni.
Við kynntum okkur hvernig olían er
kaldpressuð og fengum þar til gerð­
an búnað í Þýskalandi til að pressa
fræið,“ segir Örn.
DV fjallaði í janúar í fyrra um
þau áform Arnar og eigenda
tveggja annarra jarða í Skaftár­
hreppi að reisa stærsta nautgripa­
bú landsins á Sandhóli. Þar ætla
þeir að hefja ræktun á skoskum
holdanautum. Félagið Pecus ehf.
var stofnað utan um verkefnið og
er fjárfestirinn og byggingarverk­
takinn Pálmar Harðarson stjórn­
arformaður og einn eigenda þess.
Pálmar á jörðina Grund í Skaftár­
hreppi en einnig verktakafyrirtækið
Þingvang ehf. Aðspurður segir Örn
að fjós undir 250 gripi, af þeim 500–
700 skepnum sem stefnt sé að, sé
nú í byggingu.
„Fjósið er í smíðum og verður
klárt fyrir gripina í haust. Fjósið
sem við erum með í byggingu núna
er fyrir 250 gripi og við látum það
duga í bili. n
Íslenska repjuolían á markað
Stefnt að 50 þúsund lítra ársframleiðslu á matarolíunni
Keyptu 23% í Stundinni
á ellefu milljónir króna
n Íslenskt félag bresks fjárfestis í Hong Kong í eigendahóp fjölmiðilsins n Pírati keypti 2%
T
íu nýir hluthafar Útgáfu­
félagsins Stundarinnar ehf.
keyptu á síðasta ári samtals
23,4% hlut í fjölmiðlinum
fyrir ellefu milljónir króna.
Píratinn Smári McCarthy, sjávarút­
vegsfyrirtækið Stormur Seafood og
Fjélagið – Eignarhaldsfélag, sem er í
eigu einkahlutafélags í Hong Kong,
fóru þá inn í eigendahóp Stundar­
innar. Stjórn fjölmiðilsins hafði
áður samþykkt að auka hlutafé
hans um allt að 25 milljónir króna.
„Hlutafjáraukningin stendur í
rauninni enn yfir en ætlunin var
að safna hlutafé fyrir óumflýjan­
legum upphafskostnaði og hafa
eignarhaldið sem dreifðast,“ segir
Jón Trausti Reynisson, fram­
kvæmdastjóri, ritstjóri og einn
eigenda Stundarinnar.
Fá inn breskan fjárfesti
Samkvæmt skráningu Fjölmiðla­
nefndar um eignarhald Stundar­
innar keyptu einkahlutafélagið
Kol, sem er í eigu Helga Más
Haraldssonar, eiganda úthringi­
fyrirtækisins Símstöðin, og Snæ­
björn Björnsson Birnir, hvort sín
5,11% í fjölmiðlinum. Stormur
Seafood á 3,06% en það er að sögn
Steindórs Sigurgeirssonar, fram­
kvæmdastjóra sjávarútvegsfyrir­
tækisins, í eigu hans og Nautilius
Fisheries sem er skráð í Hong Kong.
Kínverska félagið er að sögn Stein­
dórs í eigu breskra fjárfesta og þar
á meðal viðskiptafélaga hans, Jason
Wittle. Bretinn á aftur 99% hlut í
Fjélaginu – Eignarhaldsfélagi ehf.,
í gegnum kínverskt einkahlutafélag
sitt, Top Gain International Ltd.,
sem keypti einnig 3,06% í Stund­
inni í hlutafjáraukningunni.
„Það var engin önnur ástæða
en að ég þekki Reyni [Trausta­
son] og hann bað mig um að verða
hluthafi. Ég fagna fjölbreytileika
í eignarhaldi íslenskra fjölmiðla,“
segir Steindór aðspurður af hverju
hann keypti hlut í Stundinni.
Eiga nú 77%
Smári McCarthy er skráður fyrir
2,04% hlut í fjölmiðlinum eins og
Valgerður Oddsdóttir. Aðrir úr hópi
nýrra hluthafa, þar á meðal Áslaug
Karen Jóhannsdóttir, blaðamaður
á Stundinni, eiga um eitt pró­
sent eða minna. Stofnendur fjöl­
miðilsins, þar á meðal ritstjór­
ar hans, Jón Trausti og Ingibjörg
Dögg Kjartansdóttir, og einkahluta­
félagið Góður punktur, sem er í
eigu Reynis Traustasonar og Hall­
dóru Jónsdóttur sjúkraliða, eiga
í dag alls tæp 77% hlut, rúm 15%
hvert. Hluthafarnir fimm áttu áður
fimmtungshlut hver. Fjölmiðillinn
var stofnaður með tilstuðlan hóp­
fjármögnunar sem skilaði 45 þús­
und evrum eða tæpum 6,7 millj­
ónum króna miðað við þáverandi
gengi.
„Hlutafjáraukningin var að há­
marki 2,5 milljónir króna á hvern
aðila og tilgangurinn var að dreifa
eignarhaldinu eins mikið og mögu­
legt væri og það hefur tekist. Það
eru líka ákvæði í samþykktum fé­
lagsins sem koma í veg fyrir valda­
samþjöppun í félaginu. Til dæm­
is má enginn einn eigandi halda á
meira en 15% atkvæða á hluthafa­
fundi,“ segir Jón Trausti.
„Einhverjir af þessum nýju hlut­
höfum eru búsettir erlendis. Ég veit
að eigandi Storms Seafood hefur
starfrækt starfsemi í sjávarútvegi í
Kína eða Hong Kong. Við erum líka
með hluthafa sem býr í Singapúr
og annan sem býr í Sarajevó. Við
fögnum því að þetta séu aðilar sem
koma sem víðast að og það sé vald­
dreifing í félaginu.“ n
Haraldur Guðmundsson
haraldur@dv.is
Hlutaféð aukið Jón Ingi Stefánsson, Ingibjörg Dögg Kjartansdóttir, Jón Trausti Reynisson og Heiða B. Heiðarsdóttir og aðrir stofnendur
Stundarinnar eiga nú samtals um 77% hlut í fjölmiðlinum.
Pírati Forritarinn Smári McCarthy á nú
rúmlega tveggja prósenta hlut í Stundinni.„Það var engin
önnur ástæða
en að ég þekki Reyni og
hann bað mig um að
verða hluthafi.
Fanntófell ehf. | Bíldshöfða 12 | 110 Reykjavík | Sími 587 6688 | fanntofell.is
· Gæðavörur úr harðplasti, akrílstein, Fenix og límtré.
· Mikið úrval efna, áferða og lita.
· Framleiðum eftir óskum hvers og eins.
· Hentar jafnt fyrir heimili, vinnustaði og almenningssvæði.
BORÐPLÖTUR
OG SÓLBEKKIR
Fanntófell hefur sérhæft sig í framleiðslu á borðplötum og sólbekkjum síðan 1987.