Dagblaðið Vísir - DV - 10.05.2016, Qupperneq 10

Vikublað 10.–12. maí 201610 Fréttir
Aldrei tApAð kosningum
n Eru enn kosningagaldrar í gömlum skóm Davíðs? n Umdeildur, farsæll og vill nú forsetann
D
avíð Oddsson, ritstjóri
Morgunblaðsins og fyrr-
verandi forsætisráðherra
og seðlabankastjóri, hefur
ákveðið að bjóða sig fram
til forseta Íslands. Daginn eftir að
Davíð steig fram tilkynnti Ólafur
Ragnar Grímsson, forseti Íslands,
að hann hefði dregið framboð sitt til
baka eftir að hafa hætt við að hætta
í síðasta mánuði og gefið kost á sér
á ný. Þó að enn eigi eftir að birtast
niðurstöður skoðanakannana eftir
þessi nýjustu tíðindi, í nú þegar
reyfarakenndum aðdraganda for-
setakosninganna, er talið líklegt
að stefni í áhugaverða baráttu milli
Davíðs, Guðna Th. Jóhannessonar
og Andra Snæs Magnasonar.
Davíð aldrei tapað
Samkvæmt könnun MMR, sem
birtist á mánudag eftir að forsetinn
hafði dregið sig úr framboði,
mælist Guðni Th. með 59,2% pró-
senta fylgi, Ólafur Ragnar var með
25,3%, Andri Snær 8,8% en Davíð
3,1%. Hafa ber þó í huga að þegar
Davíð tilkynnti framboð sitt var
73% gagnaöflunar MMR lokið. Því
fengu aðeins 27% svarenda Davíð
sem svarmöguleika. Miðað við ár-
angur Davíðs í kosningabaráttu í
gegnum tíðina er þó ljóst að hann á
mikið inni enn og verður fróðlegt að
sjá hvort og þá hversu mikið af fylgi
Ólafs Ragnars hann mun sækja.
DV tók saman kosningaferil
Davíðs og valda há- og lágpunkta
á ferli hans. Í ljós kemur að Davíð
hefur aldrei tapað kosningum á
ferlinum sem oddviti eða leið-
togi stjórnmálaflokks frá 1974
þegar hann var fyrst kjörinn í
borgarstjórn. Eini „ósigurinn“ í
kosningum sem hægt er að tala um
átti sér stað 1978 þegar Davíð var
óbreyttur borgarstjórnarfulltrúi
og Sjálfstæðisflokkurinn tapaði
meirihluta sínum í borginni. Davíð
er því vanur að fara með sigur af
hólmi þegar talið er upp úr kjör-
kössunum. Verður því spennandi
að sjá hvernig þessum um-
deildasta, og jafnframt farsælasta,
stjórnmálamanni síðustu áratuga
reiðir af í baráttunni um Bessastaði
þar sem hann þarf að líkindum al-
farið að reiða sig á eigið persónu-
fylgi, en ekki flokksins. n
Sigurður Mikael Jónsson
mikael@dv.is
1974 Borgarfulltrúinn
Davíð skipar 9. sæti á lista
Sjálfstæðisflokksins og nær
kjöri, 26 ára gamall.
1986 Áfram borgarstjóri
Sjálfstæðisflokkurinn, undir forystu
Davíðs, hlaut 52,7% atkvæða í borgar-
stjórnarkosningunum og 9 menn kjörna.
Á kjörtímabilinu lét Davíð verulega til sín
taka. Hóf meðal annars framkvæmdir
við Ráðhús Reykjavíkur við Tjörnina og
Perluna í Öskjuhlíð. Báðar framkvæmdir
voru umdeildar á þeim tíma.
1989 Varaformaður
Davíð var kjörinn varaformaður
Sjálfstæðisflokksins á landsfundi
flokksins.
1982 Oddvitaslagur
og borgarstjóri
Davíð hafði nauman sigur gegn Albert
Guðmundssyni í harðri prófkjörsbaráttu
um oddvitasæti sjálfstæðismanna
í Reykjavík. Sjálfstæðisflokkurinn
endurheimti meirihluta í borgarstjórn
og Davíð varð borgarstjóri. Undir
forystu Davíðs hlaut flokkurinn 52,5%
og 12 menn kjörna. Davíð fækkaði síðar
borgarfulltrúum úr 21 í 15 á ný.
1991 Forsætisráðherra og fyrsta ríkisstjórnin
Undir formennsku og forystu Davíðs bætti Sjálfstæðis-
flokkurinn við sig verulegu fylgi í þingkosningunum 20. apríl
1991. Hlaut hann 38,6% atkvæða, 26 þingmenn kjörna og
svo fór að Davíð og Jón Baldvin Hannibalsson, formaður
Alþýðuflokksins, mynduðu Viðeyjarstjórnina svokölluðu.
Davíð var enn borgarstjóri en lét af embætti um sumarið
eftir 17 ár í borgarstjórn.
2003 Fylgið dalar
Sjálfstæðisflokkurinn tapaði fjórum þing-
sætum og hlaut 33,7 prósent atkvæða
en ríkisstjórnin hélt velli og meirihluta.
Nokkrum mánuðum fyrir kosningar
hafði Ísland verið kynnt sem ein hinna
staðföstu þjóða, sem studdu aðgerðir
Bandaríkjamanna og Breta gegn Saddam
Hussein í Írak. Sú ákvörðun þykir enn þann
dag í dag mjög umdeild.
1999 Aldrei meira fylgi
Þriðja kjörtímabil Davíðs sem
forsætisráðherra varð staðreynd
eftir þingkosningar þar sem Sjálf-
stæðisflokkurinn hlaut 40,7%
atkvæða og 26 menn kjörna. Er
þetta mesta fylgi sem flokkurinn
hafði hlotið undir stjórn Davíðs,
fyrr og síðar. Raunar var þetta
mesta fylgi flokksins síðan í kosn-
ingum 1974. Áframhald varð á
ríkisstjórnarsamstarfi Sjálfstæð-
isflokks og Framsóknar.
1978 Flokkurinn
missir meirihlutann
Sjálfstæðisflokkurinn tapar
meirihluta í borgarstjórn.
Alþýðubandalag, Alþýðu-
flokkur og Framsóknarflokkur
mynda meirihluta. Davíð áfram
borgarfulltrúi.
1991 Formannsslagur
Það dró til tíðinda í Sjálfstæðis-
flokknum í aðdraganda landsfundar
þegar Davíð tilkynnti framboð sitt til
formanns, gegn sitjandi formanni frá
1983, Þorsteini Pálssyni. Kjörið var
tvísýnt og sigur Davíðs naumur.
1994 Annað kjörtímabil
Sjálfstæðisflokkurinn hlaut 37,1%
atkvæða í þingkosningum og 25 menn
kjörna. Þrátt fyrir að Viðeyjarstjórnin
héldi meirihluta var hann naumur
og ákvað Davíð að mynda sterkari
stjórn með Framsóknarflokki Halldórs
Ásgrímssonar og tryggja þannig 40
þingmanna meirihluta.
1990 Þriðji og stærsti
sigurinn í borginni
Davíð leiddi Sjálfstæðisflokkinn
í þriðja skiptið í borgarstjórn-
arkosningunum árið 1990.
Flokkurinn hlaut sögulegt fylgi
og gjörsigraði í kosningunum
með 60,4% atkvæða og fékk 10
menn kjörna.