Dagblaðið Vísir - DV - 22.07.2016, Blaðsíða 12
Helgarblað 22.–25. júlí 201612 Fréttir Erlent
R
ecep Tayyip Erdogan, for
seti Tyrklands, er einn um
deildasti stjórnmálamaður í
Evrópu í dag. Í kjölfar tilraun
hersins til valdaránsins 15.
júlí sl. hefur forsetinn gripið til ým
issa ráða sem leggjast misvel í valda
menn í Evrópu. Nokkur hundruð
manns eru talin hafa látið lífið í
valdaránstilrauninni, hermenn jafnt
sem almennir borgarar. Álitsgjafar
DV eru sammála um að ástandið sé
ótryggt í landinu, óvissutímar eru
fram undan og þeir óttast að Erdogan
hneigist til einræðistilburða, sem
erfitt verði að vinda ofan af.
Þúsundum opinberra
starfsmanna vikið úr starfi
Í kjölfar atburðarins hefur forsetinn
vikið fleiri þúsund starfsmönnum í
tyrkneska kerfinu, sem hann grunar
að hafi á einn eða á annan hátt tengst
þessari atburðarás sem mistókst
á allan hátt, úr starfi. Tilrauninni
var hrundið en kostaði mannslíf
og margir saklausir borgarar voru
á meðal þeirra sem misstu lífið. Al
menningur í Tyrklandi veit ekki
hvað bíður handan hornsins og slíkt
hið sama má segja um stjórnmála
skýrendur víða um lönd.
Erdogan, sem er 62 ára gamall,
gekk til liðs við Íslamska velferðar
flokkinn rúmlega tvítugur að aldri.
Hann hefur verið mjög áberandi í
stjórnmálum í Tyrklandi um langt
skeið.
Hann var forsætisráðherra frá
2003–2014. Hann var fyrsti lýðræðis
lega kjörni forsetinn í sögu Tyrklands
og tók við embætti 28. ágúst 2014.
Stjórnarandstaðan í Tyrklandi snið
gekk athöfnina, sem og fjölmargir
vestrænir leiðtogar. Hann var áður
borgarstjóri í Istanbúl á árunum
1994–1998.
Erdogan hefur svo ekki verður
um villst gripið til ráða þar sem hann
sýnir þegnum sínum sem og um
heiminum öllum hver hefur valdið.
Hvort hann hafi árangur sem erfiði
á tíminn eftir að leiða í ljós en hjá
því verður ekki horft að óvissutímar
eru fram undan í Tyrklandi. Valda
ránstilraunin var mjög illa skipulögð
að margra mati og misheppnaðist
með öllu.
Erdogan hefur í kjölfarið haft í
frammi einræðistilburði sem al
menningur og ráðamenn hafa mikl
ar áhyggjur af. Innan hersins voru
menn mjög uggandi varðandi ein
ræðistilburði forsetans og reyndu að
steypa forsetanum af stóli.
Hefur fyrirskipað fræðimönnum
og háskólafólki að halda kyrru
fyrri
Í upphafi var talið að aðalmaðurinn
á bak við valdaránstilraunina væri 75
Thealoz inniheldur trehalósa sem er náttúrulegt efni
sem finnst í mörgum jurtum og dýrum sem lifa í mjög
þurru umhverfi.
Trehalósi eykur viðnám þekjufrumna
hornhimnunnar gegn þurrki.
Droparnir eru án rotvarnarefna
og má nota með linsum.
Þurrkur í augum?
Thealoz augndropar
Fæst í öllum helstu apótekum.
Ég hef verið að glíma við augnþurrk. Ég nota
Thealoz gervitár af því mér finnst þau smyrja
augun vel, þau eru með langvarandi virkni, unnin
úr náttúrulegum efnum og þau eru laus við öll
aukaefni sem mér þykir kostur.
Heiðdís Björk Helgadóttir
Erdogan
hefur í frammi
einræðistilburði
Miklir óvissutímar fram undan í tyrkneskum stjórnmálum
Ráðamenn munu forðast í
lengstu lög að styggja hann
Egill Helgason:
„Tyrkland sem þróast í þessa átt
er ekki lýðræðisríki, ekki þegar
stjórnarandstæðingar fá ekki að tjá
sig, eru fangelsaðir og reknir úr vinnu.
Það er bara spurning hversu hart
einræðið verður. Einræði í Tyrklandi á
tuttugustu öld var yfirleitt á vegum
hersins, og endaði með því að lýðræði
var endurreist á nýjan leik, vissulega
stundum með ákveðnum takmörkun-
um,“ segir Egill Helgason.
Eiga tilburðir Erdogans í kjölfar
valdaránsins eftir að koma niður á
samskiptum landsins við aðrar þjóðir
í Evrópu?
„Eins og heimsmyndin lítur út í
dag er Tyrkland hernaðarlega mikil-
vægasti staður í heimi, þar sem það
stendur á mótum austurs og vesturs,
hins kristna heims og múslimaheims-
ins, veraldleika og trúar. Líklegt er að
einhvers konar realpólitík ráði ferðinni
Evrópu og Bandaríkjunum, Erdogan
verður gagnrýndur en ráðamenn
munu forðast í lengstu lög að styggja hann alvarlega. Viðbrögðin munu varla bera vott
um mikla prinsippfestu. En Tyrkland sem verður ofurselt íslamskri bókstafstrú er skelfi-
leg tilhugsun fyrir Vesturlönd.“
Hefur forsetinn íbúa landsins að baki sér? Nýtur hann stuðnings þeirra?
„Með því að tala um þjóðerni og trú, gegn elítum, þykjast vera maður fólksins, hefur
Erdogan verið mjög vinsæll í Tyrklandi, sérstaklega meðal fólks sem ekki vel menntað.
Tyrkland upplifði mikinn efnahagsuppgang á fyrri hluta valdaskeiðs hans, verslunarmið-
stöðvar risu hvarvetna og fólk fékk aðgang að neysluvarningi. Gríðarlegir fólksflutningar
hafa orðið til borga, og það hefur aftur veikt stöðu borgaralega sinnaðs fólks sem er
andsnúið Erdogan. Efnahagsástandinu hrakar nú og mun gera það enn þegar ferðamenn
hætta endanlega að koma til Tyrklands.“
Eiga þessir atburðir í Tyrklandi eftir að hafa áhrif á veru landsins í NATO?
„Vegna hins hernaðarlega mikilvægis er mjög ólíklegt að Tyrklandi verði vísað úr
NATO. En þetta er óþægileg staða. Á tíma Kalda stríðsins sættu menn sig við að ein-
ræðisríki væru í NATO – en á vorum tímum er miklu erfiðara að verja slíkt.“
Jón Kristján Sigurðsson
jonk@dv.is
Almenningur uggandi
Ástandið er mjög ótryggt í
Tyrklandi um þessar mundir.
Enginn veit hvað morgun-
dagurinn ber í skauti sér.