Fréttablaðið - 08.07.2017, Síða 24

Fólk er kynningarblað sem býður auglýsendum
að kynna vörur og þjónustu í formi viðtala og um-
fjallana. Í blaðinu er einnig hefðbundið ritstjórnar-
efni. Blaðið fylgir fréttablaðinu daglega.
Umsjónarmenn efnis: Elín Albertsdóttir, elin@365.is, s. 512 5349 | Ragnheiður Tryggvadóttir, heida@365.is,
s. 512 5367 | Sólveig Gísladóttir, solveig@365.is, s. 512 5351 Sigríður Inga Sigurðardóttir, sigriduringa@365.
is, s. 512 5372 | Starri Freyr Jónsson, starri@365.is, s. 512 5358 | Vera Einarsdóttir, vera@365.is, s. 512 5357
Útgefandi:
365 miðlar
Ábyrgðarmaður:
Svanur Valgeirsson
Sölumenn: Atli Bergmann, atlib@365.Is, s. 512 5457 | Jóhann Waage, johannwaage@365.Is, s. 512 5439 |
Jón Ívar Vilhelmsson, jonivar@365.Is, s. 512 5429 | Ólafur H. Hákonarson, olafurh@365.Is, s. 512 5433
Hjá Bryndísi fer helgin í söng á Gljúfrasteini og að leggja lokahönd á nýju plötuna sem kemur út í haust, en á sumrin dreymir hana um að komast í útilegu í íslenskri náttúru. MYND/ERNIR
Listamannsnafnið er Dísa og áður en ég flutti til Danmerkur var ég hin ánægðasta með að
heita Bryndís. Nafnið er bara svo
óþjált og hryllilegt með dönskum
framburði, þar sem y hljómar eins
og u, að ég hreinlega sleppti því,”
segir Bryndís og brosir við.
Eftir sjö ára líf, starf og búsetu
í Danaveldi flutti Bryndís heim í
byrjun árs.
„Ég elska Ísland og líður best
hér heima nærri fjölskyldunni,“
segir Bryndís, sem búið hefur hálfa
ævina ytra. Fjögurra ára flutti hún
til Bretlands þegar faðir hennar,
Jakob Magnússon, tók við starfi
menningarfulltrúa við sendiráð
Íslands í Lundúnum og bjó þar
til tólf ára aldurs með foreldrum
sínum, Jakobi og Ragnhildi Gísla-
dóttur söngkonu; Stuðmönnum
með meiru.
„Ég hef aðeins tekið lagið með
Stuðmönnum eftir að ég kom
heim,“ segir Bryndís sem vakti
athygli margra í skrúðgöngunni
þann 17. júní, þegar hún sat með
Stuðmönnum á palli gamals
sendibíls og fetaði í fótspor móður
sinnar í hverjum smellinum á fætur
öðrum. „Sumum þykir eflaust passa
að ég taki þetta að mér og allt í einu
var tímasetningin rétt og ég komin
heim. Það er heiður að spila með
jafn flinkum tónlistarmönnum
og Stuðmenn eru, og ef það koma
fleiri gigg er ég með. Við hlustuðum
ekkert á Stuðmannalögin heima
þegar ég var að vaxa úr grasi svo ég
kann ekki textana upp á tíu og þarf
að hafa þá á blaði, en við mamma
erum með svipaðan lit í tóni radda
okkar; eins konar mæðgnalit,“ segir
Bryndís, en þess má geta að Stuð-
menn vinna að nýrri plötu þar sem
Bryndís syngur fáein lög og er eitt
þeirra nú í spilun: Vor fyrir vestan.
Gott að fara í hugarferðalag
Tónlist er fyrirferðarmikil í lífi
Bryndísar þessa dagana því hún
leggur lokahönd á plötu sem
kemur út í haust. Þá er hún í fullu
starfi sem heilsunuddari hjá Sóley
Natural Spa.
„Nudd er skemmtilegt og hægt
að byggja endalaust ofan á það
eins og Legókubba. Heilsunuddari
veitir klassískt nudd, íþróttanudd
og meðgöngunudd og nú er ég að
bæta við mig taílensku nuddi. Nudd
og tónlist eru líka samofin í mínum
huga; hvort tveggja snýst um að
halda flæði, vera í flæði og hjálpa
fólki að ná flæði í lífsorku og tilfinn-
ingum.“
Á nýrri plötu Dísu kveður við
nýjan tón sem hún kallar sveimandi
hljóðmynd.
„Nýja platan verður lífrænni en
fyrri plötur og ekki eins mikið um
trommur og bít. Ég er að vinna
hana með vini mínum úr skólanum
úti, Mikkel Juul, sem er frábær tón-
listarmaður og pródúsent. Þegar ég
sest niður til að semja tónlist eða
texta koma til mín ambient-áhrif
sem vekja hughrif og draumkennt
ástand; róleg og kraftmikil í senn.
Mér að yrkisefni verða ferðalög
hugans, lýsingar á draumum og
myndrænum hlutum, eins og það
sem maður sér á milli svefns og
vöku eða í djúpri hugleiðslu.“
Bryndís segist alltaf hafa verið
andlega þenkjandi enda séu óra-
víddir hugans spennandi.
„Í undirmeðvitundinni býr svo
margt og þar getur ýmislegt gerst
sem gefur frið frá daglegu amstri.
Mér þykir gott að fara á svolítið
hugarflug sem veitir slökun og til-
breytingu, og sem barn skrifaði ég
sögur, sem voru súrrealísk steypa.
Þá lét ég pennann skrifa óheft
og viðstöðulaust til að sjá hvaða
persónur birtust, litir og óvæntir
atburðir, enda áhugavert þegar
hugur barns fer á flug. Ég gef það
kannski út sem smásagnasafn á elli-
heimilinu,“ segir hún og hlær.
Hverjir tengi við tónlist hennar
lætur Bryndís sig litlu varða.
„Ég er í músík vegna þess að ég
get ekki verið án þess. Ég leyfi því að
koma sem kemur til mín og kemur
ekki annað við. Ég hef eytt miklum
tíma í að reyna að búa til tónlist
til að þóknast öðrum og með það
hugarfar hef ég ekki gert annað
en að rekast á veggi. Ég var allt of
lengi meðvirk gagnvart ákveðnum
tónlistarbransa og reyndi of lengi
að búa til tónlist sem gæti mögu-
lega komist í útvarp en einmitt
það hefur tafið mig sem listamann.
Ég geri það aldrei aftur. Ég verð
að spila eftir eigin reglum, annars
virkar það ekki. Leikaragenin fóru
fram hjá mér og um leið og ég fer að
þykjast önnur en ég er verður það
búið spil. Mitt ætlunarverk er að
skapa heilsteypta tónlist.“
Dásamlegt móðurhlutverk
Bryndís eignaðist tvo drengi með
danska tónlistarmanninum Mads
Mouritz. Þeir eru nú fimm og sex
ára.
„Minn stærsti draumur sem telpa
var að verða mamma þegar ég væri
orðin stór. Móðurhlutverkið er
dásamlegt, krefjandi og skemmti-
legt. Það er enn númer eitt, tvö
og þrjú í lífi mínu og allt annað
skipulegg ég með strákana mína til
hliðsjónar.“
Eftir að Bryndís flutti heim hefur
Mads ferðast á milli landa til að
vera nærri sonum þeirra og er
nú farinn að fóta sig í vinnu með
íslenskum tónlistarmönnum.
„Á næstunni ætlar hann að flytja
til Íslands til að búa sem næst
sonum sínum og mér finnst það
dásamlegt svo að strákarnir nái
að festa rætur á Íslandi, kynnast
móðurfólkinu sínu betur og læra
íslenskuna vel. Við sjáum svo hvað
lífið ætlar okkur eftir þrjú ár eða
svo.“
Bryndís lauk námi í lagasmíðum
við tónlistarháskóla í Kaupmanna-
höfn og tók nuddnámið sam-
hliða. Hún er á mála hjá Sony sem
sendir lög hennar til framleiðenda
kvikmynda, sjónvarpsefnis og
auglýsinga. Hafa lög hennar lent í
auglýsingu fyrir Victoria’s Secret
og kvikmynd leikstjórans Tims
Burton, Miss Peregrine’s Home for
Peculiar Children.
„Það er auðvitað mjög skemmti-
legt og ég væri mjög svo til í að
vinna meira að sérsniðnum verk-
efnum við kvikmyndir og sjónvarp,
bæði hér heima og ytra,“ segir Bryn-
dís sem hefur sinn eigin ákveðna
tónlistarstíl þrátt fyrir að vera barn
afkastamikilla tónlistarmanna.
„Mamma og pabbi eru algjörir
snillingar, en ég geri bara mitt. Bæði
hafa þessi element að geta verið
samtímis í vinsælli popptónlist en
líka samið frumlega, sérkennilega
og skemmtilega tónlist,“ segir hún
brosmild.
Nýtt lag Dísu, Reflections, er nú
á topplista Rásar 2 og á morgun,
sunnudag, syngur Dísa í stofu nób-
elsskáldsins að Gljúfrasteini. Henni
til fulltingis verða Sigurður Guð-
mundsson á píanó og Ingimundur
Guðmundsson á hljómborð.
„Ég ætla að bjóða upp á ind-
verskan söng í forrétt, þar sem ég
hef verið í söngtímum á Skype hjá
breskri söngkonu sem ólst upp
á Indlandi. Svo tek ég ný lög og
gömul, og eitt afrískt. Allir eru vel-
komnir og upplagt að taka sunnu-
dagsbíltúr eða göngu að Gljúfra-
steini með börnin.“
Stofutónleikar Dísu á Gljúfrasteini
hefjast klukkan 16.
Mamma og pabbi
eru algjörir snill-
ingar, en ég geri bara mitt.
Bæði geta verið samtímis
í vinsælli popptónlist en
líka samið frumlega,
sérkennilega og skemmti-
lega tónlist.
Bryndís Jakobsdóttir
Þórdís Lilja
Gunnarsdóttir
thordisg@365.is
2 KYNNINGARBLAÐ FÓLK 8 . j ú l Í 2 0 1 7 L AU G A R DAG U R
0
8
-0
7
-2
0
1
7

0
3
:4
0
F
B
0
7
2
s
_
P
0
4
9
K
.p
1
.p
d
f
F
B
0
7
2
s
_
P
0
4
0
K
_
N
Ý.
p
1
.p
d
f
F
B
0
7
2
s
_
P
0
2
4
K
.p
1
.p
d
f
F
B
0
7
2
s
_
P
0
3
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
D
4
8
-3
2
0
8
1
D
4
8
-3
0
C
C
1
D
4
8
-2
F
9
0
1
D
4
8
-2
E
5
4
2
7
5
X
4
0
0
.0
0
1
6
B

F
B
0
7
2
s
_
7
_
7
_
2
0
1
7
C
M
Y
K