Ægir - 01.04.2016, Page 30

30
„Strandveiðin gekk mjög vel
hjá mér í maí og allflestir eru
bara mjög ánægðir með gang-
inn í veiðunum í maí. Það hefur
gengið vel að ná því sem við
megum, þó við höfum þurft að
sækja nokkra róðra 70 sjómílur
fram og til baka. Þá vorum við
djúpt út af Arnarfirði. Þangað
er langt að sækja héðan, en þar
var góður fiskur og við fengum
skammtinn yfirleitt á tveimur
til þremur klukkutímum. Á
sama tíma fór svo að fást fiskur
við landið, við Ritin. Þar var
fiskiríið gott,“ segir Sigurður
Hjartarson, sem gerir út og rær
á bátnum Hirti Stapa frá Bol-
ungarvík.
„Í fyrra urðum við að róa
nánast allan mánuðinn vestur á
til að fá einhvern árangur. Þá
var enginn fiskur hérna nær. Nú
er miklu betra ástand í sjónum
við landið. Undanfarið hefur
verið lítið af síli, og við sáum áð-
ur lítið af æti, en nú er allt vað-
andi í síli hérna. Þá er mikið af
svartfugli og átu á Ritarsvæðinu
og hérna út af Djúpinu. Miklu
betra ástand en var í fyrra. Það
er til dæmis fiskur inni á Aðal-
vík, þar sem hvorki hefur þýtt
að kasta snurvoð eða veiða á
færi undanfarin ár. Þá hefur ver-
ið fuglager um alla vík og allt
annað ástand en var fyrir ári.
Hafið viðist vera í mjög góðu
standi. Maður sér jafnvel súlur
sem koma sunnan að í æti, sem
er ekki mjög algengt því yfir-
leitt heldur hún sig við Vest-
mannaeyjar og Eldey,“ segir
Sigurður.
Seinnipart tímabilsins sóttu
bátarnir styttra og fengu góðan
afla.
„Skakslóðin sem við vorum
mikið á er svona frá 7 mílum út
af Rit, út í 20 til 25 mílur. Þessir
hraðskreiðu bátar eru meira ut-
ar, svona 17 til 20 mílur frá
landi. Hinir verða að fara eftir
því hver ganghraði bátanna er,
því við höfum ekki nema 14
tíma úti á sjó á dag. Það hefur
samt gengið vel hjá öllum,
bæði þeim gangmiklu og hin-
um sem hægar fara.“
Lágt verð á fiskmörkuðum
Verðið hefur verið lágt á fisk-
mörkuðunum og segir Sigurður
að fiskverkendur segi það stafa
af því þeir komi ekki lengur frá
sér hausum og lifur á skikkan-
legu verði. Rússamarkaður er
lokaður og Nígeríumarkaður lé-
legur. Þetta hefur allt áhrif.
„Eftir stærð fisksins vorum
við að fá allt niður í 180 krónur
á kíló á mörkuðunum og upp í
250 til 260 krónur síðustu dag-
ana sem við vorum að veiðum.
Einhver var að tala um að með-
alverðið hjá sér hefði verið um
220 krónur í þessum mánuði.
Það hittist reyndar stundum á
daga þegar ekki hefur gefið á
sjó lengi og við getum farið út
og verið snemma í landi og
komið fiskinum á bíla suður. Þá
hafa menn náð að fá upp í 320
til 330 krónur á kílóið, en það er
bara einn dagur í viku. Markað-
urinn virðist ekki þola mikið
magn inn í einu,“ segir Sigurð-
ur.
Hvað telur þú að mætti bæta í
strandveiðikerfinu?
„Strandveiðikerfið er að
mörgu leyti gott kerfi og gerir
byggðum mjög gott, en ég
ítreka kröfu okkar í Landssam-
bandi smábátaeigenda að það
verði bætt afla inn í kerfið sem
svarar 1.600 tonnum. Áður höf-
um við farið fram á 2.000 tonna
aukningu, en nú þegar er búið
að bæti 400 tonnum við.“
Miklu betra ástand
í sjónum
Sigurður Hjartarson í Bolungarvík segir allt annað ástand á miðunum vestra en í fyrra. „Hafið viðist vera í mjög góðu standi. Maður sér jafnvel súlur
sem koma sunnan að í æti, sem er ekki mjög algengt því yfirleitt heldur hún sig við Vestmannaeyjar og Eldey,“ segir Sigurður.
S
jóm
en
n
sk
a
n