Morgunblaðið - 09.01.2017, Page 13

viðskiptavinanna, stjórnendur vinna
úr þeim upplýsingunum og velja þær
hugmyndir sem þeir álíta að muni
skila fyrirtækinu mestum gróða.
Þetta snýst auðvitað alltaf um það að
lokum,“ segir Logi og hlær.
„Þeir koma síðan með hug-
myndirnar til okkar forritaranna,
sem greinum hve mikinn tíma og
marga forritara þarf í hvert verkefni
og ef við fáum grænt ljós byrjum við
að þróa forritið.“
Úr gítarnum í tölvurnar
„Ég er alveg rosalega ánægður
að vera kominn í þennan nýja vinnu-
hóp. Ég er að vinna með alveg
gríðarlega kláru fólki og ég læri hell-
ing af því, sem er frábært. Við erum
þrír forritarar og einn yfirmaður og
ég er eini karlmaðurinn, sem er
mjög óvenjulegt fyrir forritaraheim-
inn sem er mikill karlaheimur. For-
ritið sem við viðhöldum er spjall-
forrit, sem er næstmest notaða
forritið í Bloomberg-heiminum.
Hver sem er með áskrift getur notað
það og sömuleiðis starfsmenn. Aðal-
aðdráttarafl forritsins er að í Bloom-
berg-kerfinu kemur saman allt fólk-
ið í alþjóðlega fjármálaheiminum, og
í gegnum þetta forrit spjallar það
saman og finnur kaupendur og selj-
endur. Þarna eru allir.“
En Logi hafði alls ekki alltaf
ætlað sér að verða forritari. Hann
útskrifaðist úr Verslunarskólanum
og var á sama tíma í Tónlistarskóla
Sigursveins að læra á klassískan
gítar, sem hann ætlaði að leggja
fyrir sig. „Á meðan ég kláraði tón-
listarskólann þurfti ég að vinna fyrir
mér og var svo heppinn að fá starf
hjá forritunarfyrirtækinu Oz árið
1997. Þar var ég í gæðastjórnunar-
hópi sem var látinn reyna forritin.
Það var ótrúleg upplifun að vinna
þar og kynnast öllu þessu klára fólki.
Ég ákvað að fara í tölvunarfræði í
háskóla sem heitir Western Ken-
tucky University þar sem pabbi
minn, Bragi Jósepsson, kenndi fé-
lagsfræði nokkrum árum áður en ég
fæddist.“ Í háskólanum kynntist
Logi eiginkonu sinni, Juliu Oleinik,
sem er frá Kasakstan og vinnur
núna hjá UNICEF. Þau eiga börnin
Emil og Milu, sem eru fimm og
tveggja ára.
Gerir vel við sitt fólk
„Eftir útskrift kom ég til New
York að leita mér að vinnu og ég
fékk hálfrar milljónar króna yfir-
drátt hjá Landsbankanum til að lifa
á. Ég sótti um á mörgum stöðum og
rétt áður en peningarnir voru búnir
fékk ég tilboð frá einu íslensku fyr-
irtæki og frá Bloomberg. Aðal-
ástæðan fyrir því að ég valdi Bloom-
berg var sú að það bauð miklu hærra
kaup.“
Logi segir að Bloomberg hafi
ekki verið orðið jafn vinsælt árið
2001 og það er í dag.
„Vinsælustu fyrirtækin meðal
forritara í dag eru fyrirtæki eins og
Microsoft, Google og Facebook, og
Bloomberg er þar á meðal. Og ég
skil það. Ég hef náttúrulega bara
unnið hér en umhverfið er frábært
og Bloomberg gerir vel við sitt fólk;
starfið er vel launað, það eru góðar
heilsutryggingar og ýmis hlunnindi.
Það er reyndar ekki ókeypis heitur
matur í hádeginu eins og hjá sumum
stórfyrirtækjum en það eru kaffi-
teríur á hverri hæð með ókeypis
snakki og drykkjum.“
Og ólíkt því sem margir myndu
halda er vinnuálagið ekki mikið sam-
kvæmt Loga.
„Á heildina litið er ekki mikið
vinnuálag og oftast vinn ég átta tíma
á dag og fæ klukkustund í hádegis-
hlé. Það hafa komið tarnir og sumar
slæmar og þá er hvorki yfirvinnu-
kaup né umbun. En þegar maður
fær mjög gott kaup yfirhöfuð er ekki
ósanngjarnt að maður þurfi að vinna
tarnir inni á milli.“
Barðist ötullega fyrir
lengra feðraorlofi
Logi segir frá því að árlega
haldi Bloomberg fjölskylduútihátíð á
Randall’s Island, sem er eyja á milli
Manhattan og Queens.
„Þar er útisvæði og það er mik-
ið lagt í flottheitin. Þarna eru ótal
matartjöld með alls konar mat og
drykkjum, trúðar, tívolítæki og svið
með skemmtikröftum. Þetta er rosa-
flott og aðalfókusinn er á að þetta sé
fyrir fjölskylduna, sem mér finnst
frábært,“ segir Logi og heldur
áfram: „Reyndar er fæðingarorlofið
það eina neikvæða við þetta fyr-
irtæki. Þegar við Julia vorum að
eignast Emil og Milu fékk ég aðeins
eina viku í feðraorlof og ég tók mér
eina viku í launalaust frí í bæði
skiptin,“ segir Logi greinilega ósátt-
ur.
„Ég ræddi við yfirmann starfs-
mannamála Bloomberg í Bandaríkj-
unum. Ég útskýrði fyrir henni af
hverju feðraorlof ættu að vera
lengra og kostina við það. Hún var
mjög vinaleg og þakkaði mér fyrir.
Svo nokkrum mánuðum eftir að Mila
fæddist lengdu þeir feðraorlofið í
fjórar vikur, sem er auðvitað betra
en ein vika. Ég gerði smá könnun
fyrir viðtalið hvernig önnur forrit-
unarfyrirtæki hafa þetta og ekkert
af þessum fyrirtækjum veitir minna
en fjórar vikur, en Facebook er
framsæknasta fyrirtækið í þessum
málum. Bloomberg hefur áttað sig á
að það yrði að breyta þessu.“
Leiðist aldrei
„Aðalkosturinn við að vinna hjá
þessu fyrirtæki er að maður er alltaf
að fást við eitthvað áhugavert. Það
eru stöðugt gríðarlega spennandi og
krefjandi verkefni, og það er einmitt
það sem heldur fólki lengi í sama
starfinu. Manni leiðist aldrei. Hluti
af því er hinar stöðugu tækni-
framfarir í heiminum, sem Bloom-
berg verður auðvitað að tileinka sér
jafnóðum og þar með erum við
starfsfólkið alltaf að læra eitthvað
nýtt. Umhverfið og launin eru frá-
bær en ef manni leiddist myndi það
ekki skipta máli. Hjá Bloomberg eru
þau líka mjög dugleg við að auðvelda
manni að flytja sig til í starfi. Það er
um fjórir til sex í hverjum vinnuhópi
og hér vinna um 3.000 forritarar, svo
það er úr nógu að velja,“ segir Logi
að lokum ánægður með vinnuna og
lífið í New York.
Brosmild Logi
og Julia með
börnunum sín-
um Emil og Milu
í New York.
DAGLEGT LÍF 13
MORGUNBLAÐIÐ MÁNUDAGUR 9. JANÚAR 2017
Betra start fyrir þig og þína
TUDOR
TUDOR er hannaður til þess að þola
það álag sem kaldar nætur skapa.
Forðastu óvæntar uppákomur.
Bíldshöfða 12 • 110 Rvk • 577 1515 • skorri.is
Mikið úrval - Traust og fagleg þjónusta
TUDOR
Veldu
öruggt
start me
ð
TUDOR