Fréttablaðið - 23.09.2017, Síða 16

Útgáfufélag: 365 miðlar ehf. Stjórnarformaður: Einar Þór Sverrisson forStjóri: Ingibjörg Stefanía Pálmadóttir Útgefandi og aðalritStjóri: Kristín Þorsteinsdóttir kristin@frettabladid.is
aðStoðarritStjórar: Hrund Þórsdóttir hrund@stod2.is, Kjartan Hreinn Njálssson kjaranh@frettabladid.is, Kolbeinn Tumi Daðason kolbeinntumi@365.is, Ólöf Skaftadóttir olof@frettabladid.is. Fréttablaðið kemur út í 90.000 eintökum og er dreift ókeypis á heimili
á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 fréttaBlaðið Skaftahlíð 24, 105
reykjavík Sími: 512 5000, ritstjorn@frettabladid.is ÞróunarStjóri: Tinni Sveinsson tinni@365.is helgarBlað: Kristjana Björg Guðbrandsdóttir kristjanabjorg@frettabladid.is markaðurinn: Hörður Ægisson hordur@frettabladid.is
menning: Magnús Guðmundsson magnus@frettabladid.is lífið: Guðný Hrönn Antonsdóttir gudnyhronn@frettabladid.is ljóSmyndir: Vilhelm Gunnarsson villi@365.is framleiðSluStjóri: Sæmundur Freyr Árnason sfa@frettabladid.is
Gunnar
Kristín
Þorsteinsdóttir
kristin@frettabladid.is
Mín skoðun Sif Sigmarsdóttir
Stjórnmála-
menn munu
hlaupa á sig
hér eftir sem
hingað til.
Ættingjar
þeirra munu
tengjast
gerningum,
sem setja þá í
óþægilega
stöðu.
Kosningabaráttan þarf að snúast um ósiði í stjórnsýslu sem hafa orðið ráðherrum og ríkisstjórnum að falli skipti eftir skipti á undangengnum árum. Ef ekki tekst að kryfja glappaskotin, læra af
þeim og um leið finna leiðir til að koma í veg fyrir að þau
endurtaki sig – eða útskýra þau þannig að efasemdum
sé eytt, munum við aftur sjá ríkisstjórnir neyðast til að
hlaupa frá hálfkláruðum verkum.
Draumar um festu í stjórnmálum og langlífar, sam­
stíga ríkisstjórnir rætast varla meðan helstu leikendur sjá
enga sök hjá sjálfum sér. Ráðast þarf til atlögu við ósiðina.
Veruleikinn hefur breyst. Betur upplýst þjóð krefst skýrra
svara. Undanbrögð, pukur, hálfsannleikur eða hreinn
tilbúningur verða ráðamönnum frekar að fótakefli en
sjálfur verknaðurinn sem hrindir skriðunni af stað.
Glappaskot í ráðuneytum á ábyrgð ráðherra verða
ekki umflúin. Slíkt gerist á stórum vinnustöðum. Stjórn­
málamenn munu hlaupa á sig hér eftir sem hingað til.
Ættingjar þeirra munu tengjast gerningum sem setja þá
í óþægilega stöðu. Svarið er oftast að bregðast við tíman­
lega og gera hreint fyrir sínum dyrum.
Pólitík er ekki lögfræði eins og margar áberandi per­
sónur í atburðum líðandi stundar virðast telja. Pólitík er
enn síður lögmennska. Lögmenn þurfa stundum að verja
erfiðan málstað í réttarsal með öllum tiltækum ráðum. Slík
vinnubrögð geta hreinlega verið bjánaleg í pólitísku ati.
Pólitík snýst um hvernig auðlindirnar verða nýttar í
allra þágu, hvernig við náum því besta út úr fólki og fyrir­
tækjum, hvernig við viljum gæta þeirra sem minna mega
sín og hvernig við tryggjum heilsufar, læknisþjónustu,
heilbrigt réttarfar og góða og fjölbreytta menntun sem
mætir kröfum tímans. Hún snýst um leikreglur og hvar
við viljum staðsetja okkur í þessari veröld. Pukur og
makk eitra andrúmsloftið, valda kollsteypum, trufla leik­
reglurnar og framgang góðra mála.
Í nálægum löndum segja ráðherrar af sér ef þurfa þykir,
oft fyrir litlar sakir, án þess að öllu sé hleypt í bál og brand
með þingrofi, kosningum og stjórnarskiptum. Stjórn­
málamenn sýna auðmýkt en tefla ekki hag heildarinnar
í tvísýnu af ótta við að missa sjálfir andlitið um stund.
Margir setjast aftur á ráðherrastól, tvíefldir. Okkur sár­
vantar slíkar hefðir. Að því leyti erum við frumstæð þjóð.
Hér þráast fólk við eins og í því felist ævarandi niðurlæg­
ing og skömm að horfast í augu við yfirsjónir sínar.
Leynimakk í stjórnsýslu er fréttaefni. Fjölmiðlum ber
að segja frá því þegar ráðamenn hrekjast úr einu víginu í
annað og reyna að afvegaleiða umræðuna með óná­
kvæmni, hálfsannleik eða ósannindum í málum sem fara
úr böndunum. Fólk vill slíkar fréttir og á rétt á þeim.
Einu sinni voru utanferðir ráðamanna eilíft fréttaefni.
Með réttu eða röngu var hneykslast á meintu bruðli og
flottræfilshætti. Vörnin gat verið snúin. Einn ráðherrann
brá á það ráð að senda út fréttatilkynningar um allar
vinnuferðir sínar. Hann stal glæpnum með því að aflétta
leyndarhjúpnum. Fréttum af ráðherraferðum fækkaði.
Sumum vandræðamálum sem hafa orðið ráðherrum
og ríkisstjórnum að falli síðustu misserin hefði sennilega
mátt afstýra með því að greina frá málsatvikum á frum­
stigi.
Glæpnum stolið
Sími: 561 1433
mánudaga-föstudaga 7.30 -17.30
laugardaga 8.00 -16.00
sunnudaga 9.00 -16.00
• Austurströnd 14
• Hringbraut 35
• Fálkagötu 18
PREN
TU
N
.IS
NÝBAKAÐ
BRAUÐ
ALLA DAGA
.......................................
www.bjornsbakari.is
Hvað eiga dæmdi barnaníðingurinn Hjalti Sigur­jón Hauksson og Sjálfstæðisflokkurinn sameigin­legt? Eflaust hringja nú símar lögmanna um allan
bæ – þeirra sem sérhæfa sig sérstaklega í mannorðum og
bjóða upp á bón og löður fyrir ærur – en ég ætla að taka
sénsinn og halda áfram.
9. júní 2016 Hjalti Sigurjón Hauksson ritar innanríkis­
ráðuneytinu bréf. Segir hann óprúttna aðila nýta sér,
honum „til óbærilegs skaða, ærumeiðinga og gríðarlegs
fjártjóns“, fangelsisdóm sem hann hlaut fyrir að misnota
stjúpdóttur sína gróflega í tólf ár.
15. september 2017 Á fréttamannafundi í Valhöll
gagnrýnir Bjarni Benediktsson Bjarta framtíð harðlega
fyrir að fella ríkisstjórnina í kjölfar þess að að Sjálfstæðis­
flokkurinn er sakaður um að hylma yfir þá staðreynd að
faðir forsætisráðherra skrifaði meðmæli með umsókn
barnaníðingsins Hjalta Sigurjóns um uppreist æru.
Bjarni segir það „veikleikamerki hjá þeim stjórnmála­
öflum sem bregðast við með því að hlaupa til í framhaldi
af sjónvarpsfréttum í stað þess að setjast niður“ og ræða
málin.
Jón Gunnarsson, samgöngu­ og sveitarstjórnar­
ráðherra og flokksbróðir Bjarna, tekur í sama streng
í stöðuuppfærslu á Facebook: „Ég hef áhyggjur af því
hversu léttvægt það er fyrir þetta fólk að hlaupast undan
ábyrgð sinni.“
17. september 2017 Hannes Hólmsteinn Gissurarson
stjórnmálafræðingur sakar Pírata um að eyðileggja orð­
spor Íslands í útlöndum: „Menn þurfa að átta sig á, að
upplýsingar í útlöndum um íslensk stjórnmál koma aðal­
lega frá Íslendingum. Sumir virðast því miður vera önnum
kafnir við að rægja land sitt og þjóð við útlendinga.“
Í viðtali á Bylgjunni nokkrum dögum síðar skammast
Guðlaugur Þór Þórðarson, utanríkisráðherra, út í Smára
McCarthy fyrir skrif hans á Twitter. „Menn eiga ekki að
búa til hluti sem skaða ímynd Íslands.“
Í þágu sín sjálfs
Hvað eiga hinn dæmdi barnaníðingur og Sjálfstæðis­
flokkurinn sameiginlegt?
Í bréfi sínu til innanríkisráðuneytisins barmar
Hjalti Sigurjón sér yfir „dómi götunnar“. Þykir honum
óeðlilegt að þurfa, í formi ills umtals, „ítrekað“ að
„gjalda dómsins“ sem hann hafi afplánað að fullu.
Hjalti Sigurjón virðist haldinn orsakablindu á háu
stigi. Það er ekki dómur götunnar sem er honum
fjötur um fót. Hann er ekki að „gjalda dóms“ Hæsta­
réttar. Hjalti Sigurjón er einfaldlega að gjalda gjörða
sinna.
Sjálfstæðisflokkurinn er haldinn sömu blindu.
Ríkisstjórn Bjarna Benediktssonar féll ekki vegna
veiklyndis Bjartrar framtíðar. Ríkisstjórnin féll ekki
vegna barnaníðings. Og pabba Bjarna Ben til varnar:
Fall ríkisstjórnar sonar hans er ekki honum að
kenna. Ríkisstjórnin féll vegna þess að einn ganginn
enn gerðu ráðherrar Sjálfstæðisflokksins sig seka
um leyndarhyggju og svívirðilegan valdhroka – ef
ekki beinlínis valdníðslu. Enn á ný sýnir flokkurinn
að hann starfar hvorki í þágu umbjóðenda sinna,
fólksins í landinu, né að hag þeirra. Í stað þess að sýna
þolendum kynferðisofbeldis stuðning og veita þeim
svör er allt gert til að leggja stein í götu þeirra. Og
hvers vegna? Jú, samtryggingin er hornsteinn Sjálf­
stæðisflokksins. Flokkurinn starfar fyrst og fremst í
þágu sín sjálfs.
Veikgeðja fúskarar
Pólitískan fnyk leggur frá Íslands ströndum til fjar­
lægra landa. En lyktin á ekki upptök sín hjá misvel
kembdum Pírötum, sama hvað Sjálfstæðismenn reyna
að klína henni á þá. Fýlan er af þeim rotna kúltúr sem
ríkir innan þeirra eigin flokks.
Um leið og við skilum skömminni þangað sem hún
á heima skulum við leita orsakarinnar þar sem hún
liggur. Tvennar kosningar á jafnmörgum árum eru
engum öðrum að kenna en veikgeðja fúskurum sem
skrumskæla lýðræðið og leggjast í vörn fyrir perra
og Panama­polla svo lengi sem þeir eru í réttu liði.
Höfum það hugfast er við stígum inn í kjörklefann
28. október næstkomandi.
Til varnar pabba Bjarna Ben
2 3 . s e p t e m b e r 2 0 1 7 L A U G A r D A G U r16 s k o ð U n ∙ F r É t t A b L A ð i ð
SKOÐUN
2
3
-0
9
-2
0
1
7

0
4
:3
7
F
B
1
1
2
s
_
P
1
1
2
K
.p
1
.p
d
f
F
B
1
1
2
s
_
P
0
9
7
K
.p
1
.p
d
f
F
B
1
1
2
s
_
P
0
0
1
K
.p
1
.p
d
f
F
B
1
1
2
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
D
D
2
-6
A
A
0
1
D
D
2
-6
9
6
4
1
D
D
2
-6
8
2
8
1
D
D
2
-6
6
E
C
2
7
5
X
4
0
0
.0
0
1
1
A

F
B
1
1
2
s
_
2
2
_
9
_
2
0
1
7
C
M
Y
K