Dagblaðið Vísir - DV - 24.02.2017, Blaðsíða 2

Helgarblað 24.–27. febrúar 20172 Fréttir
Er skipulagið í lagi...?
Lausnir fyrir heimili og fyrirtæki
Brettarekkar
Gey
mslu
- og
dekk
jahi
llur
Mikil burðargeta
Einfalt í uppsetningu
KÍKTU VIÐ Á WWW.ISOLD.IS OPIÐ 08:00 - 17:00
Nethyl 3-3a - 110 Reykjavík
Sími 53 53 600 - Fax 567 3609
„Þetta mun breyta
leiknum hér heima“
Gunnar Karl Gíslason, einn eigenda Dill, er himinlifandi með Michelin-stjörnuna
Þ
etta er fyrst og fremst stór-
kostleg viðurkenning fyrir
okkur hjá Dill. Þetta sýnir
okkur að við höfum verið á
réttri leið með staðinn og ég
get ekki lýst því hvað þetta er sætt,“
segir Gunnar Karl Gíslason, einn af
eigendum Dill restaurant. Veitinga-
staðurinn varð á miðvikudaginn
þess heiðurs aðnjótandi að fá fyrstu
Michelin-stjörnuna sem íslensku
veitingahúsi hlotnast.
Gunnar Karl hefur þó áður upp-
lifað viðurkenningu frá Michelin.
Fyrir rúmi ári hætti hann afskipt-
um af daglegum rekstri Dill og hélt
til New York þar sem hann opnaði,
ásamt Claus Meyer, nýjan veitinga-
stað, með norrænu ívafi, á Grand
Central-járnbrautarstöðinni heims-
frægu. Það ævintýri hefur gengið
vonum framar því veitingastaðurinn,
sem nefnist Agern, hlaut Michelin-
stjörnu í nóvember síðastliðnum,
auk þess sem hann var nýlega valinn
einn af 10 bestu veitingastöðum í
New York-borg af virtum matargagn-
rýnanda á síðum New York Times.
Fylgist náið með
„Það hefur gengið afar vel hérna úti
í New York. Ég ákvað að ein-
beita mér alveg að Agern að
minnsta kosti fyrstu tvö árin
og fékk Ragnar Eiríksson
til þess að taka við stjórn-
inni í eldhúsinu. Hann hef-
ur staðið sig stórkostlega en
það sama má segja um alla
aðra starfsmenn okkar. Það er
valinn maður í hverju rúmi, frá kokki
til uppvaskara. Ég er afar stoltur af
mínu fólki,“ segir Gunnar Karl. Af-
skipti hans eru helst þau að hann
skoðar alla matseðla á Dill gaum-
gæfilega sem og myndir af öllum
réttum.
Tókst í fyrstu tilraun
Undanfarin ár hefur
sá orðrómur komist á
kreik að gagnrýnendur
Michelin hafi komið til
Íslands og tekið út ís-
lensk veitingahús. Sá
orðrómur á ekki við rök að
styðjast. „Michelin gerði Norður-
löndin að sérstöku svæði fyrir fjórum
árum. Fyrst um sinn héldu þeir sig
alfarið við allra stærstu borgirnar og
það heyrðist meira að segja að þeir myndu ekki fara til borga með undir
hálfri milljón íbúa. Sem betur fer varð
sú ekki raunin. Útsendarar Michelin
voru því að heimsækja landið í fyrsta
sinn og það er því gleðilegt að okkur
tókst að fá viðurkenninguna í fyrstu
tilraun,“ segir Gunnar Karl.
Heimildir DV herma að allir
helstu veitingastaðir Reykjavíkur hafi
verið teknir út af Michelin-fólkinu en
það gat Gunnar Karl ekki staðfest.
Vill aðra stjörnu
„Þetta er auðvitað frábær auglýsing
fyrir okkur og mun örugglega skila
sér í aukinni aðsókn. Íslenskir mat-
reiðslumeistarar eru keppnisfólk og
því efast ég ekki um að þetta muni
hreinlega breyta leiknum heima.
Núna sjá allir að þetta er hægt og þá
er ég viss um fjölmargir muni herða
róðurinn,“ segir Gunnar Karl.
Þótt að stjarnan sé mikil viður-
kenning fyrir Dill er ekki þar með
sagt að starfsmenn og eigendur geti
slegið slöku við. „Stjörnurnar eru
veittar árlega og það er meira en
að segja það að halda stjörnunni.
Við þurfum því að vera á tánum og
helst gera enn betur. Kannski setjum
við stefnuna á að bæta annarri við,“
segir Gunnar Karl og hlær. n
Björn Þorfinnsson
bjornth@dv.is
Árið 1900 hóf franska dekkjafyrirtæk-
ið Michelin að gefa út bækur þar sem
fyrirtækið mælti með veitingahúsum fyrir
ferðalanga, sem og hótelum og öðru sem
nauðsynlegt er í ferðalögum. Markmið
fyrirtækisins var að hvetja einstaklinga
til að leggja land undir fót og þar með
hugsanlega til kaupa á bifreið. Ef það gengi
eftir þá myndi það óhjákvæmilega leiða til
aukinnar sölu á dekkjum.
Um aldarfjórðungi síðar, árið 1926, byrj-
aði Michelin að gefa völdum veitingahúsum
stjörnur. Eina stjörnu fá
veitingahús sem eru sérstaklega góð
í sínu fagi en tvær stjörnur fá veitinga-
hús sem eru frábær og verðskulda að
ferðalangar leggi lykkju á leið sína. Þrjár
stjörnur fá síðan einstakir veitingastaðir
sem verðskulda sérstakt ferðalag til að
viðskiptavinir geti notið matarins. Allt
þetta hljómar einfalt en sannleikurinn er
sá að aðeins útvaldir veitingastaðir ná því
markmiði að fá yfirhöfuð eina stjörnu. Dill
er nú í þeim hópi.
Af hverju Michelin-stjarna?
„Það heyrðist
meira að segja
að þeir myndu ekki
fara til borga með
undir hálfri milljón
íbúa. Sem betur fer
varð sú ekki raunin.
Ánægðir
veitingamenn
Dill Á myndinni
eru Kristinn
Vilbergsson,
Ólafur Ágústsson,
Ragnar Eiríksson
og Gunnar Karl
Gíslason.
Bræður í
fangelsi
Héraðsdómur Reykjavíkur hefur
dæmt bræður í fangelsi fyrir að-
ild að skotárás við Leifasjoppu í
Iðufelli í Breiðholti í ágúst í fyrra.
Marcin Nabakowski var dæmdur í
tveggja ára og sjö mánaða fangelsi
en bróðir hans, Rafal Nabakowski,
var dæmdur í tveggja ára og átta
mánaða fangelsi.
Marcin var ákærður fyrir að
skjóta á bíl fyrir utan sjoppuna og
stefna þannig lífi fólks í bílnum í
hættu. Rafal var sakfelldur fyrir að
stefna lífi og heilsu annarra í aug-
ljósan háska með því að hleypa
af skotvopni. Hann var hins vegar
sýknaður af ásetningi brotsins.
Gæsluvarðhald sem bræðurnir
hafa sætt síðan í ágúst í fyrra
dregst frá refsidómnum.
Ráðherra í málið
„Ef það eru engar aðrar málefna-
legar ástæður fyrir því að þessar
reglur hafa verið notaðar með
þessum hætti þá munum við ein-
faldlega láta kippa þessu í liðinn.“
Þetta segir Þorsteinn Víglunds-
son, félags- og jafnréttismálaráð-
herra, á RÚV um mál bræðranna
Baldvins Týs og Baldurs Ara, sem
haldnir eru ólæknandi vöðva-
rýrnunarsjúkdómi. Þeir notast
við hjólastóla og eiga rétt á bif-
reiðastyrk frá Tryggingastofnun.
Fjölskyldan má hins vegar ekki
samnýta styrkina til að kaupa einn
bíl sem rúmar báða hjólastólana.
RÚV hefur fjallað um málið.
Nú er komið á daginn að ráð-
herra hyggst beita sér í málinu
en móðir drengjanna, Sif Hauks-
dóttir, segir að ákvæði vanti í
reglugerð um bifreiðastyrki,
sem heimili þeim sem eiga tvö
fötluð börn, að fá tvo styrki. „Ég
er að láta kanna þetta mál í ráðu-
neytinu,“ er haft eftir ráðherra.
Drónaflug
bannað í
miðbænum
Drónaflug hærra en hæstu hús eru hér með háð leyfi
Ó
heimilt er að fljúga dróna hærra
en í 130 metra hæð án sérstaks
leyfis frá Samgöngustofu. Frá
þessari ákvörðun stofnunar-
innar er sagt í tilkynningu. Þar
segir að mjög hafi verið kallað eftir regl-
um um flug dróna. Ákvörðunin nær til
allra dróna, eða fjarstýrðra loftfara.
Fram kemur að lögregla og aðrir
viðbragðsaðilar séu undanþegnir
þessari hæðartakmörkun sem og þeir
sem stunda rannsóknarflug í vísinda-
skyni. Stofnunin hefur einnig ákveðið
að drónaflug í nágrenni flugvalla sé
háð leyfi rekstraraðila viðkomandi vall-
ar. Radíusinn er tveir kílómetrar fyrir
áætlunarflugvelli en 1,5 kílómetrar
um aðra flugvelli. Þetta hefur í för með
sér að drónaflug er bannað í miðbæ
Reykjavíkur, Hlíðunum, Kársnesi og
víðar, nema með leyfi rekstraraðila
Reykjavíkurflugvallar.
Fram kemur að þrátt fyrir þessa tak-
mörkun sé heimilt að fljúga dróna án
leyfis ef þeir fara ekki hærra en hæstu
mannvirki í næsta nágrenni.
Í tilkynningunni segir að ákvörðun
Samgöngustofu gildi þar til reglugerð
um notkun og starfrækslu dróna hefur
fengið samþykki ráðherra. Slík reglu-
gerð sé í vinnslu. n
baldur@dv.is