Dagblaðið Vísir - DV - 10.03.2017, Blaðsíða 6

Helgarblað 10.–13. mars 20176 Fréttir
Skipar
starfshóp
Benedikt Jóhannesson, fjár-
mála- og efnahagsráðherra, hef-
ur skipað starfshóp sem fær það
verkefni að skoða erlenda lög-
gjöf um aðskilnað eða takmörk-
un á viðskiptabanka- og fjár-
festingarbankastarfsemi, leggja
mat á kosti og galla slíkrar lög-
gjafar fyrir fjármálamarkað hér
á landi og einnig að skoða hvort
aðrar leiðir séu færar eða bet-
ur til þess fallnar að takmarka
áhættu af fjárfestingarbanka-
starfsemi alhliða banka.
Þetta kemur fram á vef fjár-
mála- og efnahagsráðuneytis-
ins. Þar segir að hópurinn eigi
að skila niðurstöðum í formi
skýrslu til ráðherra í maí næst-
komandi og verður skýrslan lögð
fram á Alþingi.
Starfshópinn skipa Leifur
Arnkell Skarphéðinsson, frá fjár-
mála- og efnahagsráðuneytinu,
sem jafnframt er formaður
hópsins. Björk Sigurgísladótt-
ir frá Fjármálaeftirlitinu, Fjóla
Agnarsdóttir frá fjármála- og
efnahagsráðuneytinu, Jónas
Þórðarson frá Seðlabanka Ís-
lands, Jón Þór Sturluson frá Fjár-
málaeftirlitinu og Sigríður Loga-
dóttir frá Seðlabanka Íslands.
Tveir milljarðar
í vegagerð
Þingmenn úr röðum Vinstri
grænna hafa lagt fram frum-
varp til laga um sérstakar fjár-
öflunarráðstafanir í vegamál-
um. Í tilkynningu frá þingflokki
VG kemur fram að frumvarp-
inu sé ætlað að bregðast við því
ófremdarástandi sem skapast
hefur í vegamálum landsins og
aðgerðarleysi stjórnvalda gagn-
vart þessum uppsafnaða og risa-
vaxna vanda.
„Í frumvarpinu er lagt til að
tekið sé skref í átt til þess að færa
helstu markaða tekjustofna til
vegamála (aðra en kílómetra-
gjald) í að vera fullnýttir miðað
við verðlagsþróun. Með þeirri
hækkun sem lögð er til í frum-
varpinu væri unnt að afla 2
milljarða í viðbót til nýfram-
kvæmda í vegagerð á árinu. Vert
er að benda á að hér er um gjald
á jarðefnaeldsneyti að ræða,
en hækkun gjalda þar hvetur
neytendur frekar til notkunar
á umhverfisvænum orkukost-
um. Í greinargerð með málinu er
einnig fjallað um þær tekjur sem
ríkissjóður hefur orðið af vegna
ákvarðana fyrri ríkisstjórna
um að færa ekki hina mörkuðu
tekjustofna upp til verðlags og
áhrifum þessa á Vegagerðina,“
segir í tilkynningu VG.
Fékk 700 þúsund í bætur frá ríkinu
Var grunaður um að hafa kveikt í bíl fyrrverandi eiginkonu sinnar
Í
slenska ríkið var á fimmtudag
dæmt í Héraðsdómi Reykjavíkur
til að greiða karlmanni 700 þús-
und krónur í miskabætur fyrir
ólögmæta handtöku og að hafa verið
haldið á lögreglustöð í meira en hálf-
an sólarhring áður en tekin var af
honum framburðarskýrsla.
Maðurinn var handtekinn eftir
að fyrrverandi eiginkona hans,
Kamila Modzelewska, tilkynnti lög-
reglu að hana grunaði að maðurinn
hefði kveikt í bifreið hennar. Mál-
ið var látið niður falla. Þá var niður-
staða dómsins að þessi framkvæmd
lögreglunnar hafi verið án nægilegs
tilefnis og með þessu hafi lögreglan
brotið gegn manninum.
Kamila fjallaði opinskátt um upp-
lifun sína af því að lifa í stöðugum
ótta við fyrrverandi maka sinn í
Kastljósi árið 2015, sem vakti mikla
athygli. Kamila fékk fyrst nálgunar-
bann á manninn árið 2013 en það
rann út í ársbyrjun 2014. Í Kast-
ljósi kvaðst hún ekki hafa fengið
frið frá manninum frá því að nálg-
unarbannið rann út. Síðan þá hefur
Kamila fengið annað nálgunarbann
gegn manninum.
Helstu atvik málsins voru þau að
þann 31. mars 2015 kviknaði eldur
í bifreið sem stóð mannlaus á bíla-
stæði á höfuðborgarsvæðinu. Um
var að ræða bifreið í eigu Kamilu.
Þegar lögreglumenn komu á vett-
vang sagði Kamila þeim að hana
grunaði að maðurinn hefði kveikt í
bifreiðinni.
Hún sýndi lögreglumönnunum
myndband úr öryggismyndavél sem
sýndi karlmann hella bensíni yfir
bifreiðina og kveikja í henni. Í niður-
stöðu dómsins segir að í málinu liggi
fyrir að rannsókn áðurlýsts sakamáls
var hætt og það fellt niður. n
kristin@dv.is
Mynd Rakel Ósk siguRðaRdÓttiR
800 milljóna
gjaldþrot
Varmaborgar
Þ
ann 17. febrúar síðast-
liðinn lauk skiptum í þrota-
búi Varmaborgar ehf.
Lýstar kröfur í búið voru
rétt tæplega 800 milljón-
ir króna en engar eignir fundust í
búinu. Aðalkröfuhafinn var Arion
banki. Segja má að gjaldþrot Varma-
borgar sé enn ein harmsagan úr
hruninu sem kippti fótunum und-
an rekstrar grundvelli fyrirtækisins.
Lánin hækkuðu, framkvæmdum var
slegið á frest og eigendur réðu ekki
við afborganir. Þá gengu stórhuga
hugmyndir eigendanna varðandi
breytingar á aðalskipulagi Reykja-
víkurborgar ekki eftir. Draumurinn
varð að engu.
tvennir feðgar í eigendahópnum
Félagið Varmaborg ehf. var stofnað í
nóvember 2005, utan um fjárfestingu
á jörðinni Varmalandi á Kjalarnesi.
Voru eigendur þess í upphafi sex
talsins: Feðgarnir Sigurður Fannar
Guðmundsson og Guðmundur Sig-
urðsson og feðgarnir Magnús Al-
bertsson og Albert Þór Magnús-
son, sem er einn eigenda Lindex
á Íslandi, Grímur Arnarson, fram-
kvæmdastjóri HP Kökugerðar, og
Snorri Arnar Viðarsson bankastarfs-
maður. Sigurður Fannar, sem í dag
starfar sem sölufulltrúi fasteigna hjá
Borg fasteignasölu, seldi sinn hlut
árið 2010 og þá áttu fyrrnefndir fimm
einstaklingar 20 prósenta hlut hver,
allt til loka. Samkvæmt ársreikning-
um var Albert Þór framkvæmdastjóri
fyrirtækisins alla tíð.
yfir þúsund íbúðir ráðgerðar
Metnaðarfullar hugmyndir eigend-
anna komu fram í athyglisverðu við-
tali við Sigurð Fannar í tímaritinu
Landi og Sögu árið 2007. Þar kom
fram að eigendurnir bæru þá von í
brjósti að hægt yrði að breyta aðal-
skipulagi borgarinnar á þann hátt
að Varmaland yrði tekið inn sem
byggingarland innan tveggja ára og
þar myndu rísa 1.125 íbúðir. Að auki
voru þeir vongóðir um að Sunda-
braut myndi rísa og þar með væri
landið stutt frá miðborginni.
Gerðu áætlanir ráð fyrir 185 ein-
býlishúsum, 280 rað- og parhús-
um, 500 íbúðum í fjölbýlishúsum
og 160 íbúðum fyrir 50 ára og eldri.
Sagði Sigurður Fannar að þeir félagar
hefðu séð jörðina auglýsta og talið
að um ákjósanlegt tækifæri væri að
ræða.
stærsta byggingarþróunar-
verkefni Íslands í einkafram-
kvæmd
„Tækifærið með Varmadal lá meðal
annars í því að jörðin er í útjaðri
Reykjavíkur og tengist miðborginni
með afgerandi og beinum hætti
þegar Sundabrautin kemur, vonandi
innan ekki margra ára. Það verður
ekki nema 10 til 15 mínútna akstur í
miðborgina og á stærstu vinnustað-
ina þegar Sundabrautin kemur.“ Að
sögn Sigurðar Fannars var um að
ræða stærsta byggingarþróunarverk-
efni á Íslandi í einkaframkvæmd á
þessum tíma auk þess sem hugmynd
fjárfestanna var að skólamannvirki
á landinu yrðu reist í einkafram-
kvæmd og mögulega einkarekin.
Þriggja milljarða tilboð
Hugmyndirnar eru að mörgu leyti
athyglisverðar, sérstaklega þegar
horft er til þess ástands sem nú ríkir
varðandi byggingalóðir í Reykjavík.
Það þótti fleirum og heimildir DV
herma að ýmsir fjársterkir aðilar hafi
fylgst náið með. Þar á meðal Róbert
Wessman sem gerði tilboð upp á ríf-
lega þrjá milljarða í verkefnið með
þeim fyrirvara að breytingarnar á
aðalskipulaginu myndu ganga eftir.
En allt kom fyrir ekki. Borgar-
yfirvöld drógu lappirnar varðandi
aðalskipulagið enda umrótatímar
þar sem ótt og títt var skipt um
borgar stjóra. Að endingu sogaðist
verkefnið inn í hrunið, lánin stökk-
breyttust og fyrirtækið varð gjald-
þrota. Arion banki leysti Varmaland
til sín á nauðungarsölu nokkrum
árum síðar og svo fór að Reykja-
víkurborg keypti landið af bank-
anum. Í maí 2015 var tilkynnt um
kaupin og var verðið 312 milljónir
króna. Á landinu ofan Esjumela
er núna ráðgert að byggja upp at-
vinnustarfsemi, meðal annars
gagnaver. n
Varmadalur Áætlanir eigenda
Varmaborgar ehf. voru metnaðarfullar.
Þeir ráðgerðu að 1.125 íbúðir mundu rísa
á landinu.
albert Þór Magnús-
son Var skráður fram-
kvæmdastjóri Varmaborgar
allt til loka. Hann gerir það
gott í dag sem annar eigenda
Lindex á Íslandi.
n Ekkert varð úr 1.100 íbúða byggð á Kjalarnesi
n Eigandi Lindex á Íslandi meðal eigenda
Björn Þorfinnsson
bjornth@dv.is