Dagblaðið Vísir - DV - 21.04.2017, Blaðsíða 6

6 Helgarblað 21.–24. apríl 2017fréttir
Þ
ingmenn Vinstrihreyfingar-
innar græns framboðs hafa
talað langmest þingmanna á
Alþingi það sem af er þingi.
Þeir eru einnig langdugleg-
astir þegar kemur að því að leggja
fram fyrirspurnir eða að kalla eftir
skýrslum. Sömuleiðis hafa þeir lagt
fram flest frumvörp og þingsályktun-
artillögur, séu þingmál ríkisstjórnar-
innar frátalin.
Kolbeinn Óttarsson Proppé, þing-
maður Vinstri grænna, hefur talað
mest allra þingmanna, í 9 klukku-
stundir og 35 mínútur. Honum
skammt að baki kemur Bjarkey Olsen
Gunnarsdóttir, þingkona sama flokks,
sem hefur talað í 9 klukkustundir og 28
mínútur. Samanlagt hafa þau tvö talað
lengur en allur þingflokkur Viðreisn-
ar, sem telur sjö þingmenn, en samtals
er ræðutími þeirra 18 klukkustund-
ir og 23 mínútur. Hið sama má segja
um fjögurra manna þingflokk Bjartr-
ar framtíðar, sem hefur staðið í ræðu-
stól í 12 klukkustundir og 23 mínútur,
og þriggja manna þingflokk Samfylk-
ingarinnar, sem hefur samtals talað í
14 klukkustundir og 47 mínútur.
Kolbeinn talar oftast
Það þarf ekki að koma á óvart að Kol-
beinn hefur einnig tekið oftast til máls
í þinginu, alls 209 sinnum. Bjarkey
talar hins vegar lengur en Kolbeinn í
hvert skipti því hún er aðeins í áttunda
sæti yfir þá þingmenn sem oftast hafa
tekið til máls, alls 137 sinnum. Björn
Leví Gunnarsson, þingmaður Pírata,
kemur næstur Kolbeini en hann hefur
tekið 189 sinnum til máls.
Níu af tíu þingmönnum Vinstri
grænna komast á topp tuttugu yfir
atkvæðamestu ræðumenn Alþingis.
Auk þeirra Kolbeins og Bjarkeyjar á
flokkurinn einn þingmann til viðbótar
í efstu tíu sætunum, formanninn
Katrínu Jakobsdóttur, sem hefur talað
í tæpar sjö klukkustundir. Það dugar
henni í fjórða sætið, á eftir Smára
McCarthy Pírata. Eini þingmaður
Vinstri grænna sem ekki kemst á topp
tuttugu er Lilja Rafney Magnúsdóttir,
sem engu að síður er í 21. sæti.
Tveir ráðherrar á topp tíu
Píratar hafa einnig látið til sín taka í
ræðustól. Auk Smára, sem hefur eytt
sjö klukkutímum og korteri í ræðu-
stól, er Björn Leví einnig á topp tíu
yfir þá sem lengst hafa talað. Hann er í
fimmta sæti og hefur talað í tæpar sex
og hálfa klukkustund.
Tveir stjórnarliðar ná inn á topp tíu
og eru þeir báðir ráðherrar. Það eru
Bjarni Benediktsson forsætisráðherra
og Benedikt Jóhannesson fjármálráð-
herra sem sitja í sjötta og sjöunda sæti
en báðir hafa talað í rétt rúmar sex
klukkustundir.
Sá varaþingmaður sem lengst
hefur talað er Viktor Orri Valgarðsson,
varaþingmaður Pírata. Viktor Orri sat
á þingi frá því í lok desember á síðasta
ári og fram í byrjun marsmánaðar í
forföllum Gunnars Hrafns Jónssonar
sem var í veikindaleyfi á þeim tíma.
Viktor Orri tók 37 sinnum til máls og
talaði í 1 klukkustund og 25 mínútur.
Skammt á eftir honum kemur annar
varaþingmaður Pírata, Gunnar I.
Guðmundsson, en hann hefur talað í
1 klukkustund og 12 mínútur. Gunnar
hefur setið á þingi frá því í janúar og
situr enn, í fjarveru Evu Pandóru
Baldursdóttur sem er í fæðingarorlofi.
Alls hafa tuttugu varaþingmenn tekið
sæti á Alþingi á þessu þingi og þar
af hafa fjórtán tekið til máls. Enginn
varaþingmaður hefur tekið sæti fyrir
Viðreisn, Bjarta framtíð eða Samfylk-
ingu.
Lítið ber á Páli og Sigmundi
Sem gefur að skilja hafa þau Eva
Pandóra og Gunnar Hrafn talað styst
kjörinna þingmanna. Sá þingmað-
ur sem hins vegar hefur látið minnst
að sér kveða í ræðustól Alþingis, án
þess að hafa vikið af þingi svo neinu
nemur, er Páll Magnússon, þing-
maður Sjálfstæðisflokksins. Páll hef-
ur komið átta sinnum í ræðustól og
talað í tæpar sextán mínútur. Næstur
honum kemur Sigmundur Davíð
Gunnlaugsson, þingmaður Fram-
sóknarflokksins, en hann hefur níu
sinnum stigið í pontu og talað þar í
rúma 21 mínútu.
Vinstri græn hafa lagt fram áber-
andi flestar fyrirspurnir á þinginu
og kallað eftir flestum skýrslum. Alls
hafa þingmenn flokksins lagt fram
114 slíkar beiðnir, sem jafngildir ríf-
lega 45 prósentum allra beiðna um
slíkt sem lagðar hafa verið fram í
þinginu. Framsóknarflokkurinn kem-
ur næstur, hefur kallað eftir 48 svörum
eða skýrslum, og Píratar hafa gert hið
sama í 44 tilvikum.
Vinstri grænir þingmenn hafa lagt
fram 37 frumvörp og þingsályktunar-
tillögur, Píratar 29, Framsóknarflokk-
urinn 21, Sjálfstæðisflokkurinn 19,
Samfylkingin 16 og Viðreisn 3. Þing-
menn Bjartrar framtíðar hafa engin
slík þingmál lagt fram. Miðað er við
fyrsta flutningsmann og þingmál
ríkis stjórnarinnar eru undanskilin. n
VG tala mest Þingmenn Vinstri
grænna eru langatkvæðamestir í
þingstörfunum. Mynd SiGTryGGur Ari
Kolbeinn og
Bjarkey hafa
talað í nítján
klukkustundir
n Lengur en allir þingmenn Viðreisnar til
samans n VG atkvæðamest í þingmálum
Kolbeinn ræðu-
kóngur Kolbeinn
Óttarsson Proppé
er ræðukóngur það
sem af er þessu
þingi, bæði hvað
varðar tímlengd og
fjölda ræðna.
Mynd Af fAcebooK
Leggja við eyrun Þingmenn
hlusta grannt. Mynd SiGTryGGur Ari
freyr rögnvaldsson
freyr@dv.is
Sölusíður í
ólagi
Villandi tilboðsverð og upplýs-
ingaskortur á vefsíðum fyrirtækja
sem selja flugelda var áberandi í
kringum síðustu áramót, að mati
Neytendastofu. Eftir að hafa feng-
ið ábendingar vegna útsölu hjá
flugeldasölum kannaði Neyt-
endastofa sölusíður og auglýs-
ingar fjölda aðila á flugeldamark-
aðnum.
„Neytendastofa lauk málum
gagnvart sölusíðunum Gullborg,
Alvöru flugeldar, Súperflugeldar,
Stjörnuljós.is, Flugeldakaup.is og
Flugeldasala.is með ákvörðun.
Ákvarðanirnar fjölluðu ýmist um
villandi tilboðsverð eða upplýs-
ingaskort á vefsíðum fyrirtækj-
anna. Beindi Neytendastofa því
til fyrirtækjanna að laga við-
skiptahætti sína fyrir næsta sölu-
tímabil að viðlögðum sektum,“
segir í frétt á vef Neytendastofu.
Minnt er á að þegar verið er
að selja vörur á netinu sé mikil-
vægt að seljendur gefi fullnægj-
andi upplýsingar. Neytendur eigi
að geta auðveldlega séð frá hvaða
aðila þeir eru að kaupa vöruna og
því eigi að koma fram allar upp-
lýsingar um seljanda til dæmis
nafn, kennitala, heimilisfang,
virðisaukaskattnúmer og fleira.
Einnig þurfi að koma fram upp-
lýsingar um vörurnar þar sem
neytendur sjá ekki vöruna þegar
hún er keypt heldur aðeins þær
upplýsingar sem koma fram á
sölusíðunum.
„Þar sem sölutímabil flug-
elda er stutt eða frá 28. desember
til 6. janúar er oft erfiðara fyrir
flugeldasala að bjóða afslátt eða
kynningartilboð. Sömu reglur
gilda um markaðssetningu hvort
sem varan er seld í stuttan tíma
eins og með flugelda eða hvort
um sé að ræða vöru sem seld er
allt árið. Vara verður að hafa ver-
ið seld á því verði sem auglýst er
sem fyrra verð. Neytendastofa
mun halda áfram að fylgjast
með auglýsingum flugeldasala
á næsta sölutímabili til þess að
tryggja eðlilega viðskiptahætti
gagnvart neytendum,“ segir í frétt
Neytendastofu.
201 þúsund
tonn
Fiskafli íslenskra skipa í mars var
rúmlega 201 þúsund tonn sem er
53 prósentum meira en heildar-
aflinn í mars 2016. Þetta kom
fram í tölum sem Hagstofan birti
í vikunni.
Þar kemur fram að í tonnum
talið muni mestu um aukinn
uppsjávarafla, en tæplega 132
þúsund tonn af loðnu veiddust í
mars samanborið við 79 þúsund
tonn í mars 2016. Alls veiddust
tæp 57 þúsund tonn af botnfisk-
afla sem er 14 prósenta aukning
miðað við mars 2016. Þorskaflinn
nam rúmum 34 þúsund tonnum
sem er 21 prósents meiri afli en í
sama mánuði ári fyrr.
Á 12 mánaða tímabili frá apríl
2016 til mars 2017 hefur heildar-
afli dregist saman um 35 þúsund
tonn, eða 3 prósent samanborið
við 12 mánaða tímabil ári fyrr.
Afli í mars metinn á föstu
verðlagi var 29,4 prósentum
meiri en í mars 2016.