Dagblaðið Vísir - DV - 21.04.2017, Blaðsíða 24

24 umræða
Útgáfufélag: DV ehf. Stjórnarformaður og útgefandi: Björn Ingi Hrafnsson
ritstjórar: Kolbrún Bergþórsdóttir og Kristjón Kormákur Guðjónsson Fréttastjóri: Einar Þór Sigurðsson
Framkvæmdastjóri : Sigurvin Ólafsson umbrot: DV ehf. Prentun: Landsprent Dreifing: Árvakur
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
aðalnúmer: 512 7000
auglýsingar: 512 7050
ritstjórn: 512 7010
fréttaskot
512 70 70
Heimilisfang
Kringlan 4-12, 4. hæð
103 Reykjavík
Sandkorn
Helgarblað 21.–24. apríl 2017
Ókeypis auglýsing
Nýr stjórnmálaflokkur hlýtur
að fagna allri þeirri athygli sem
hann fær. Gunnar Smári Egilsson,
sem boðar stofn­
un Sósíalista­
flokks Íslands
hinn 1. maí, get­
ur sannarlega
verið ánægður
með þá kynn­
ingu sem fram­
boð hans hefur fengið. Oddný G.
Harðardóttir, fyrrverandi formað­
ur Samfylkingarinnar og einn af
örfáum þingmönnum flokksins,
fór á taugum vegna framboðsins
og bað forsvarsmenn Sósíalista­
flokksins að ganga til liðs við
Samfylkinguna fremur en að
stofna nýjan flokk. Gunnar Smári
var fljótur að svara og sagði Sam­
fylkinguna vera mesta eyðingar­
afl vinstrisins. Eðalkratinn Jón
Baldvin Hannibalsson eyddi síðan
miklu púðri í að ræða um Sósíal­
istaflokk Gunnars Smára í viðtali
í Harmageddon og sagði stefnu­
mál þess flokks nokkuð sem
jafnaðarmenn hefðu barist fyrir.
Enn ein ókeypis auglýsingin fyrir
Gunnar Smára og félaga. Titring­
ur vegna flokks Gunnars Smára
er greinilegur meðal Samfylk­
ingarmanna en flokkurinn mælist
svo smár í skoðanakönnunum að
Sósíalistaflokkurinn þyrfti ekki
mikið fylgi til að verða stærri.
Ég er ekki
hryðjuverkamaður
Guðlaugur Þór Þórðarson hefur
síðustu daga átt fundi með ráða­
mönnum í Bretlandi, sem eink­
um hafa snúist um framtíðar­
samskipti Íslands og Bretlands
eftir að útganga Bretlands úr
Evrópusambandinu verður að
veruleika. Í öllum viðtölum og
fréttum þar sem rætt hefur verið
við Guðlaug Þór hefur komið
fram að hann hafi ekkert greint
nema jákvæðni, samhljóm og
hlýhug í garð Íslendinga. Það er
því greinilega af sem áður var
þegar Gordon Brown, þáverandi
forsætisráðherra Bretlands, beitti
hryðjuverkalöggjöf til að frysta
eignir íslensku bankanna í Bret­
landi, í miðju efnahagshruninu.
Íslendingar brugðust hinir sár­
ustu við og birtu ógrynni mynda
af sér með orðunum „Ég er ekki
hryðjuverkamaður herra Brown“.
Guðlaugur Þór lítur sannarlega
ekki út fyrir að vera hryðjuverka­
maður, er þvert á móti hinn sett­
legasti. Það er spurning hvernig
viðtökurnar hefðu verið ef Smári
McCarthy væri utanríkisráðherra,
svona með tilliti til nýlegra mynd­
birtinga af honum með byssu.
Ég vil halda spenn-
unni inni í mér
Hafþór Júlíus stundar ekki kynlíf fyrir keppni. – DV
Núna lifi
ég í lit
Birna Kristel vann bug á áfengis- og eiturlyfjafíkn. – DV
Fyrir mér var þetta
laugardagurinn langi
Bifreið Ágústs Dearborn var lögð í rúst um helgina.
Þ
að er ekkert einkennilegt við
það að umhverfisráðherra sé
andstæðingur stóriðju. Mun
einkennilegra væri ef hann
skilgreindi sig sem sérstakan tals­
mann hennar og reyndar teldist það
saga til næsta bæjar. Það er auðvelt
að hafa skilning á því að Björt Ólafs­
dóttir umhverfisráðherra hafi lýst
því yfir að loka ætti kísilmálmverk­
smiðjunni í Helguvík meðan mikil­
vægir þættir sem varða starfsemina
væru kannaðir. Umhverfisráðherra
er að segja nákvæmlega það sem
fjölmargir hugsa. Á það hefur verið
bent að ráðherrann hafi með orðum
sínum, sem féllu á Facebook, farið út
fyrir valdsvið sitt til þess að hafa áhrif
á ákvarðanir Umhverfisstofnunar.
Þetta hefur örugglega ekki verið ætl­
un ráðherrans, mun líklegra er að
orðin hafi verið skrifuð í tilfinninga­
hita þess sem hefur sterka sannfær­
ingu í umhverfismálum. Reyndar er
það svo að hver sá einstaklingur sem
lætur sig umhverfisvernd einhverju
varða getur illa setið þegjandi hjá
þegar kemur að máli kísilmálmverk­
smiðjunnar í Helguvík.
Umhverfisstofnun hefur örugg­
lega ekki þurft sérstaka hvatningu
frá umhverfisráðherra til að ákveða
að United Silicon hafi ekki heim­
ild til að gangsetja kísilverið á ný án
samþykkis stofnunarinnar. Á síðustu
vikum og mánuðum hafa þær fréttir
sem tengjast verksmiðjunni verið
hin mestu ótíðindi. Allt virðist hafa
verið í ólagi í kísilmálmverksmiðj­
unni í Helguvík. Í verksmiðju eins og
þessari er mikilvægt að vel sé gætt að
öllum öryggisþáttum. Þarna er stað­
an hins vegar sú að starfsmenn hafa
verulegar áhyggjur af öryggismálum.
Ekki kemur síðan á óvart að þeir
kvarta undan mengun, sem er hinn
klassíski fylgifiskur stóriðju.
Íbúar í grennd við verksmiðjuna
telja sig einnig finna verulega fyrir
mengun. Það er vitaskuld óþolandi
að mengandi verksmiðju sé plantað
í grennd við mannabyggð og fólk
þurfi að líða líkamleg óþægindi þess
vegna. Grunur leikur á að skaðleg
efni streymi yfir byggðina þótt ekki
sé vitað hver þau eru. Þetta þarf að
rannsaka ofan í kjölinn. Heilsa starfs­
manna og íbúa í grenndinni skiptir
sannarlega meira máli en stundar­
gróði.
Mengandi stóriðja er ekki það sem
við Íslendingar þurfum á að halda.
Það á að vera hluti af skyldu stjórn­
valda að sporna við henni. Þessi kís­
ilmálmverksmiðja hefur á stuttum
tíma valdið skaða. Við höfum ekk­
ert við hana að gera. Umhverfisráð­
herra gerir sér glögga grein fyrir því
og tjáði því skoðun sína á afdráttar­
lausan hátt. Björt Ólafsdóttir hefði
verið að bregðast skyldu
sinni ef hún hefði ekki
lýst skoðun sinni á jafn
alvarlegu máli. Hún á
skilið lof, ekki skammir.
Þjóðinni er svo von­
andi orðið ljóst að stór­
iðja er ekki allra meina
bót. Þvert á móti getur
hún verið stórhættuleg
– og er það venjulega. n
Stórhættuleg stóriðja
Myndin Sumar Nú sumarið formlega gengið í garð og sólin tekin til við að verma fólkið og landið. Þetta er oft góður tími til að iðka ýmsar vetraríþróttir, eins og þessi vaski
fjallgöngumaður vitnar um á leið sinni á Hólshyrnu við Siglufjörð. mynD SiGtryGGur Ari
Leiðari
Kolbrún Bergþórsdóttir
kolbrun@dv.is
„Mengandi
stóriðja
er ekki það sem
við Íslendingar
þurfum á að
halda.
mynD HOrDur SvEinSSOn