Dagblaðið Vísir - DV - 21.04.2017, Blaðsíða 46

30 sport Helgarblað 21.–24. apríl 2017
A
ron Einar Gunnarsson,
miðjumaður Cardiff og
fyrir liði Íslands, er senn
að klára eitt besta tímabil
á ferli sínum sem atvinnu-
maður. Aron, sem fagnar 28 ára af-
mæli sínu á morgun, laugardag,
hefur verið hreint magnaður með
Cardiff í Championship-deildinni
sem er sú næstefsta á Englandi.
Þó að tímabilinu með Cardiff ljúki
í byrjun maí þarf Aron Einar að halda
sér í formi áfram því afar mikilvægur
landsleikur er gegn Króatíu 11. júní.
Vinni Ísland þann leik er liðið komið
í toppsætið í undankeppni HM 2018
en lokamótið fer fram í Rússlandi.
„Maður er bara nokkuð sáttur við
hvernig þetta tímabil hefur verið,
svona miðað við hvernig við erum
að enda það. Við byrjuðum náttúr-
lega skelfilega, þegar maður byrjar
tímabilið jafn illa og við gerðum þá
fer allur meðbyr úr þessu og menn
missa sjálfstraustið niður. Svo kom
Warnock inn og breytti hugfarinu
hjá okkur leikmönnunum og öllu
í kringum liðið. Hann kom inn og
byrjaði að ná í úrslit og fékk alla
með sér. Nú eru menn byrjaðir að
einblína á næstu leiktíð,“ segir Aron í
samtali við DV um stöðu mála.
Þjálfarinn elskar hann
Aron var talsvert á bekknum á síð-
ustu leiktíð og framan af þessari leik-
tíð en þegar Neil Warnock tók við
Cardiff í byrjun október á síðustu
leiktíð breyttist allt. Aron er fyrsti
maður á blað hjá Cardiff í öllum
leikjum og þjálfarinn elskar hann.
„Það er alveg rétt að við höfum sýnt
að við erum með einn af sterkari
hópunum í deildinni, við erum að
ég held í þriðja sæti eftir að Warnock
tók við. Gamli karlinn er seigur,
hann kann að ná í úrslit. Við erum
kannski ekki alltaf að spila falleg-
asta fótboltann en það er reynsla og
gæði í þessum hóp. Vonandi náum
við heilu góðu tímabili næst, þetta
lítur vel út og menn eru að reyna að
byggja upp fyrir næstu leiktíð. Þjálf-
arateymið talar mikið um að þessir
síðustu leikir skipti miklu máli fyrir
framhaldið, það er verið að halda
mönnum á tánum. Menn eru ekk-
ert komnir á ströndina þrátt fyrir að
sætið í deildinni sé öruggt.
Ég finn fyrir því að hann hefur
mikla trú á mér en hann setur líka
mikla pressu á mig. Það getur verið
hættulegur leikur þegar menn detta
inn í þægindarammann og menn
halda að þeir þurfi ekkert að leggja á
sig. Hann heldur manni vel á tánum
og hraunar yfir mann við og við. Það
er hollt fyrir alla og það rífur mann
í gang. Það er auðvitað gaman að
vita að maður sé fyrsti maður á blað
og fái að spila allar mínútur, manni
finnst maður vera mikilvægur. Þetta
er mikil breyting fyrir mig frá síðustu
leiktíð og það er bara jákvætt, maður
er víst í þessu til að spila. Ég fór langt
niður í fyrra þegar ég var ekki að spila
og sérstaklega þegar ég vissi að EM
var handan við hornið. Maður var
stressaður yfir því að vera ekki í leik-
formi en það hefur verið allt annað á
þessu tímabili. Ég á bara eitt ár eftir
af samningi hérna og það verður
vonandi gott ár.“
Heldur að Cardiff vilji ekki selja sig
Aron hafði talsverðan áhuga á að
fara frá Cardiff í fyrrasumar en hann
efast um að félagið leyfi honum að
fara, samningur hans rennur hins
vegar út eftir næstu leiktíð og þá gæti
Aron Einar farið frítt frá félaginu.
Aron kom til Cardiff árið 2011 og er
því að klára sitt sjötta tímabil í höfuð-
borg Wales. „Ég held að Warnock
komi ekki til með að selja mig, ég
efast stórlega um það. Ef það kemur
eitthvert tilboð þá veit ég alveg að
Cardiff myndi skoða það en ég reikna
með að Warnock ýti því bara frá sér.
Ég er ekkert að stressa mig á þessu,
maður var meira að hugsa um það í
fyrra að koma sér í burtu. Ég var ekki
að spila og fannst ég ekki vera hluti af
þessu, núna er allt annar fílingur yfir
manni. Þegar maður er að spila alla
leiki þá er maður jákvæður, ef eitt-
hvað gerist þá skoðar maður það en
ég hugsa ekki um það.
Það kemur að því að ég taki nýrri
áskorun, ég veit það. Hvort sem það
verður í sumar, næsta sumar eða
sumarið þar á eftir kemur bara í ljós.
Það kemur líka í ljós hvaða áskorun
það yrði, ég er enn þá að hugsa um
hvað sé næsta skref sem mig langi til
að taka. Ég er ekki með það 100 pró-
sent á hreinu, ég veit að það kem-
ur ný áskorun en ekki hvenær hún
kemur. Ég er alveg opinn fyrir því að
koma mér í burtu frá Englandi, þótt
ég sé ekki gamall þá er ég farinn að
finna fyrir þessu leikjaálagi sem er í
Championship-deildinni. Þetta er
mikil keyrsla og margir leikir. Hvort
mig langar að fara í annað land eða
eitthvað slíkt er bara hlutur sem
maður skoðar á þeim tímapunkti.“
Sólin hjálpar til við að
endurnæra leikmennina
Warnock er þjálfari af gamla skólan-
um en hann skilur vel hvernig leik-
menn hugsa og gefur þeim frí þegar
tækifæri gefst, álagið er mikið og
því er mikilvægt fyrir leikmenn að
geta slakað vel á inni á milli. Aron
Einar hefur fengið tækifæri til þess
en í upphafi árs fékk hann að fara til
Dúbaí og á dögunum í stutta ferð til
Spánar. „Warnock sér vel um leik-
mennina, hann gerir sér
grein fyrir því hvernig
fótboltamenn hugsa og
hvernig þeir virka.
Hann gaf mér
viku frí í janúar
sem gaf mér
mikið, það
endurnærði
líkamann
og ég kíkti
aðeins á
ströndina í
smá sól. Svo fengu
allir leikmenn fjögurra
daga frí á dögunum,
þá kíkti ég með fjöl-
skyldunni til Spánar
og kom mér aðeins í
burtu frá hversdags-
leikanum. Smá sól sem
brýtur þetta upp, maður
er þá ekki alltaf í sama far-
inu. Þetta virkaði líka vel, ég
skoraði í leiknum á eftir.“
Warnock drullaði yfir Heimi
Warnock var allt annað en sáttur
við Heimi Hallgrímsson, þjálfara ís-
lenska landsliðsins, á dögunum og
lét þá skoðun sína í ljós. Aron lék
allar 90 mínútur í keppnisleik gegn
Kósóvó og svo aftur nokkrum dög-
um síðar gegn Írlandi í æfingar-
leik. Við það var Warnock allt ann-
að en sáttur. „Hann var nú ekkert
reiður, meira svekktur en eitthvað
annað. Hann vildi láta sína skoðun
í ljós, ég held að hann hafi bara
talað við Heimi um það. Auðvitað
skilur maður hans skoðun vel og ég
held að Heimir hafi vitað það líka.
Ég þurfti bara að klára þennan leik,
Ólafur Ingi Skúlason fékk krampa
og það var bara Arnór Smárason eft-
ir á bekknum. Ég komst ekkert út af,
Heimir sagði líka við mig eftir leik að
nú kæmi líklega símtal frá Warnock.
Heimir var ekki með neina van-
virðingu, hann vissi að ég hefði ekki
átt að spila allan leikinn en þessi
staða kom upp. Þetta er gleymt og
grafið en Warnock vildi bara segja
sína skoðun.“
Æfir með Blikum og Þór til að
halda sér í formi
Tímabilið hjá Aroni klárast 7. maí en
þá verður rúmur mánuður í lands-
leikinn við Króatíu. Leikurinn gæti
skipt sköpum í því að koma liðinu
til Rússlands. Aron mun æfa hér
á landi fram að leik en nokkrum
dögum eftir leikinn þann 11. júní
mun Aron Einar kvænast Krist-
björgu Jónasdóttur. „Ég hef æft með
liðum heima og svo er bara plan frá
styrktar þjálfaranum í landsliðinu,
maður þarf að halda sér á tánum og
koma sér í fótbolta hér og þar. Maður
þarf samt líka að slökkva aðeins á sér
til að springa ekki alveg, ég fer á æf-
ingar með Breiðabliki og Þór.
Það verður æft vel fyrir
Króatíuleikinn og
svo er maður
víst að fara að gifta sig eftir hann.
Það verður bara róleg veisla og síðan
slekkur maður alveg á sér.
Þetta er heimaleikur og við för-
um í alla heimaleiki til að vinna þá,
ég man ekki eftir síðasta tapleik á
Laugardalsvellinum. Það er mikil-
vægt að missa Króatíu ekki of langt
á undan okkur, það væri ekki nein
martröð að taka eitt stig en við stefn-
um á sigur. Við mætum fullir sjálfs-
trausts eftir síðustu tvo leiki. Stuðn-
ingurinn heima skiptir svo alltaf
miklu máli, hann hefur verið magn-
aður og ég býst við því sama þann
11. júní. Ég hlakka mikið til að spila
þennan leik, við sáum það í úti-
leiknum að við getum vel gert eitt-
hvað gegn þeim. Við fengum færi, og
hefðum við tekið forystuna í leikn-
um veit maður aldrei hvað hefði
gerst, þetta er ekki lið sem við getum
ekki unnið þótt sagan segi kannski
annað. Við fundum í útileiknum að
við getum vel sært þá.“ n
Brúð-
kAup
og stór-
leikur í
sumAr
Hörður Snævar Jónsson
hoddi@433.is
„Við
fundum
í útileiknum
að við getum
vel sært þá
n Aron einar er byrjaður að skoða næstu skref
á ferlinum n Fær líklega ekki að fara í sumar
Einbeittur „Þetta er
heimaleikur og við för-
um í alla heimaleiki til
að vinna þá,“ segir Aron
Einar um Króatíuleikinn
í sumar. Myndir EPA