Dagblaðið Vísir - DV - 28.04.2017, Side 2

2 Helgarblað 28. apríl 2017fréttir
Æ
i, shit! Dalai Lama er
kominn hérna fyrir
utan! Ekki opna!“
Þannig komst Jóhanna
Sigurðardóttir, fyrrver­
andi forsætisráðherra, að orði að
sögn Gunnars Hrafns Jónssonar,
þegar tíbeskir munkar sáust út um
glugga bústaðar forsætisráðherra á
Þingvöllum. Þetta atvik átti sér stað
þegar trúarleiðtoginn og friðarverð­
launahafi Nóbels heimsótti Ísland
árið 2009. Þetta kemur fram í stöðu­
færslu sem Gunnar Hrafn Jónsson,
þingmaður Pírata og sonur Jónínu
Leósdóttur, eiginkonu Jóhönnu,
birti í vikunni á Facebook.
DV hefur heimildir fyrir því að
Dalai Lama hafi ekki farið á Þingvelli
meðan á dvöl hans á Íslandi stóð.
Hópur munka úr fylgdarliði hans
hafi hins vegar farið þangað í
skoðunarferð. Samkvæmt heim­
ildum fór trúarleiðtoginn ekki út
fyrir mörk Reykjavíkur þá þrjá daga
sem heimsókn hans stóð yfir. Með­
an hann var hér á landi hélt hann
meðal annars fyrirlestur í Laugar­
dalshöll og sat fund með utanríkis­
málanefnd Alþingis.
Ráðherra fór í felur
Tilefni stöðufærslu Gunnars Hrafns
var umræða á Alþingi um fríversl­
unarsamning við Filippseyjar. „Sit í
þingsal þar sem verið er að ræða frí­
verslunarsamning við Filippseyjar,
nú þegar hinn morðóði Duterte
forseti er við völd. Stjórnarliðar
virðast ákaflega sáttir við þá samn­
inga sem fyrri ríkisstjórn náði við
Kína, þar sem mannréttindi eru
einnig brotin með kerfisbundn­
um hætti. Ætli þeir viti að það kost­
aði meðal annars það að ráðherrar
þess tíma þurftu beinlínis að fara í
felur og þykjast ekki vera heima
þegar sjálfur Dalai Lama
kom til landsins og vildi
hitta ráðamenn?“ skrifaði
Gunnar Hrafn. Í sam­
tali við DV vildi Gunnar
Hrafn ekki tjá sig um mál­
ið umfram stöðufærsluna
en staðfesti að hann hafi
orðið vitni að umræddu
atviki.
Vandræðaleg heimsókn
Heimsókn Dalai Lama
reyndist nokkuð vandræða­
leg fyrir ráðherra vinstri­
stjórnarinnar en tveimur árum
áður hófust viðræður um frí­
verslunarsamning við Kína.
Kínversk yfirvöld hafa
í gegnum tíðina
tekið hart á
öllum fundum ráðamanna við Dalai
Lama. Þáverandi ríkisstjórn hafði
enga samræmda stefnu varðandi
fundi ráðherra með trúarleiðtog­
anum. Svo fór að Ögmundur Jón­
asson heilbrigðisráðherra og
Katrín Júlíusdóttir
iðnaðarráðherra
funduðu með
honum sem
almennir
borgarar.
Sam­
tökin Dalai
Lama á Ís­
landi stóðu
fyrir heim­
sókn hans
en formaður
samtakanna
var Birgitta
Jónsdóttir, þing­
maður Pírata.
Samtökin gagn­
rýndu harð­
lega að
þáverandi ráðamenn hefðu ekki
fundað formlega með Nóbelsverð­
launahafanum. „Helstu ráðamenn
þjóðarinnar bugta sig og beygja fyrir
þeim er mannréttindabrotin fyrir­
skipa, myrða og limlesta, en ekki
þeim manni sem alltaf hefur boðað
friðsamlegar leiðir þrátt fyrir mikinn
þrýsting á að fara aðrar leiðir,“ sögðu
samtökin í yfirlýsingu árið 2009.
Áhyggjur af
viðskiptaþvingunum
Af fréttaflutning frá þessum tíma
að dæma voru talsverðar áhyggjur
meðal íslenskra ráðamanna um að
heimsóknin myndi hafa neikvæð
áhrif á samskipti við Kína. RÚV full­
yrti ranglega að sendiherra Kína á
Íslandi, Zhang Keyuan, hefði verið
kallaður heim frá Íslandi. Sendi­
herrann sagði sjálfur í viðtali við
Stöð 2 að sú frétt hefði verið „alger
vitleysa“. Það var verulegt áhyggju­
efni að Kínverjar myndu beita við­
skiptaþvingunum gegn Íslandi ef
ráðherrar funduðu með trúarleið­
toganum. Þær áhyggjur voru ekki
tilefnislausar líkt og afleiðingar af
fundi forsætisráðherra Slóvak­
íu og Dalai Lama síðastliðinn
október ber vitni. Í kjöl­
far þess neituðu kínversk­
ir ráðamenn að funda með
forsætisráðherra Slóvakíu
á viðskiptaráðstefnu í
Lettlandi og samskipti
milli landanna hafa
verið mjög stirð síðan.
Ekki náðist í Jóhönnu
Sigurðardóttur við
vinnslu fréttarinnar. n
Hjálmar Friðriksson
hjalmar@dv.is
Að sögn Gunnars Hrafns fór Jóhanna Sigurðardóttir í felur þegar munkar sáust á Þingvöllum
„Dalai lama er fyrir
utan! ekki opna!“
Þingmaður Gunnar
Hrafn Jónsson greindi
frá sögunni á Facebook.
Ragnheiður
Elín í stjórn
Landsvirkjunar
Ragnheiður Elín Árnadóttir, fyrr­
verandi iðnaðar­ og viðskipta­
ráðherra, hefur ver­
ið skipuð í stjórn
Landsvirkjun­
ar. Á aðalfundi
sem haldinn
var á fimmtudag
skipaði Benedikt
Jóhannesson, fjár­
mála­ og efnahagsráðherra, aðal­
menn og varamenn í stjórnina.
Auk Ragnheiðar verða aðal­
menn í stjórn Jónas Þór Guð­
mundsson, Haraldur Flosi
Tryggvason, Álfheiður Ingadóttir
og Kristín Vala Ragnarsdóttir.
Þetta er í fyrsta sinn í sögu
Landsvirkjunar sem konur eru í
meirihluta stjórnar.
Úr stjórninni fóru þau
Jón Björn Hákonarson, Helgi
Jóhannesson og Þórunn Svein­
bjarnardóttir en þau höfðu setið í
stjórninni frá 2014. Jónas Þór var
endurkjörinn formaður stjórnar
og Haraldur Flosi Tryggvason var
kjörinn varaformaður.
Rakel hættir
hjá Hringbraut
Rakel Sveinsdóttir, fram­
kvæmdastjóri Hringbrautar, hef­
ur látið af störfum hjá fjölmiðla­
fyrirtækinu í kjölfar breytinga á
eignarhaldi miðilsins. „Ég hætti
öllum afskiptum af félaginu í lok
mars síðastliðnum. Það var allt
í mesta bróðerni,“ segir Rakel í
samtali við DV.
Um miðjan júlí 2016 var til­
kynnt að fjárfestirinn Jón von
Tetzchner hefði keypt stóran hlut
í Hringbraut og að Rakel ætti
einnig orðið 16 prósenta hlut í fyr­
irtækinu. Jón væri þar með orðinn
stærsti eigandi fyrirtækisins á eft­
ir Guðmundi Erni Jóhannssyni.
Þess má geta að Jón er einnig í
eigendahópi Spyr.is en Rakel er
stofnandi þess fyrirtækis og einn
af eigendum.
Í frétt Morgunblaðsins á
fimmtudaginn kom fram að Jón
væri horfinn úr eigendahópnum
eftir stutta viðveru. Áðurnefnd­
ur Guðmundur Örn ætti nú 65
prósenta hlut í félaginu og félag­
ið Saffron Holding ehf., sem er í
eigu Sigurðar Arngrímssonar, ætti
19 prósenta hlut. Þá ætti Rakel
enn sinn 16 prósenta hlut. „Sá
eignarhlutur er í söluferli,“ segir
Rakel en upplýsir ekki frekar hver
mögulegur kaupandi er.
Í sömu frétt Morgunblaðsins
kemur fram að boðað hafi verið
til hluthafafundar Hringbrautar á
þriðjudag í næstu viku og þar séu
frekari breytingar á eignarhaldinu
í farvatninu. Herma heimild­
ir blaðsins að líklegt sé að hlutur
Saffron Holding muni aukast
verulega frá því sem nú er.
Útgáfa DV
DV kemur næst út föstu­
daginn 5. maí. Útgáfa blaðsins
fellur niður næstkomandi
þriðjudag, 2. maí, vegna bar­
áttudags verkalýðsins, 1. maí.
DV minnir lesendur þó á að
öflug fréttaþjónusta verður á
dv.is eins og áður.