Dagblaðið Vísir - DV - 30.06.2017, Side 14
14 fólk - viðtal Helgarblað 30. júní 2017
Þ
ann 31. janúar síðastliðinn
komu tvíburabræðurnir
Heiðar Már og Brynjar
Máni í heiminn á fæðingar
gangi Landspítalans við Hring
braut. Bræðurnir fæddust eftir
aðeins 23 vikna og eins dags með
göngu en eðlileg meðgöngulengd
eru um það bil 40 vikur. Það sem
einkenndi fæðinguna, að mati for
eldra drengjanna, var sorg, þakk
læti og gríðarleg fagmennska
lækna og hjúkrunarteymis sem
vissi upp á hár hvernig ætti að
bregðast við öllum þeim erfiðu
aðstæðum sem koma upp þegar
meðgangan er svona stutt á veg
komin.
Brynjar lést nokkrum klukku
stundum eftir að hann fæddist.
Heiðar barðist hetjulega fyrir lífi
sínu og hefur frá fyrsta degi kom
ið öllum á óvart. Hann er nú loks
ins kominn heim, í Kópavoginn,
með foreldrum sínum, Ingunni og
Benedikt.
Þeim er mikið í mun um að
leggja sitt af mörkum til að styrkja
starfsemi Hringsins sem bjargaði
lífi Heiðars. Í ár ætla Ingunn og
Benedikt að taka þátt í Reykja
víkurmaraþoninu með það að
markmiði að safna fyrir Hringinn
sem er styrktarsjóður barnaspít
alans. „Öll þau tæki sem þeir
bræður þurftu að nota á spítalan
um voru gjöf frá Hringnum. Við
verðum þeim ævinlega þakklát,“
segir Benedikt. Lífsreynslan er í
senn þrungin gleði og nístandi
sorg. Í dag skipta litlu sigrarnir þau
mestu máli en litla hetjan, Heiðar
Már, er alheilbrigður og nálgast
óðum fjögurra kílóa múrinn.
Tvöföld gleði
Haustið 2016 komust Ingunn og
Benedikt að því að þau ættu von
á tvíburum. Fyrir á Benedikt níu
ára dóttur sem heitir Júlíana.
Ingunn segist hafa fundið á sér
að hún væri ófrísk að tvíburum
en Benedikt viðurkennir fúslega
að hans fyrstu viðbrögð hafi verið
„nett áfall“. Hann var þó fljótur að
átta sig og voru þau Ingunn orðin
gríðarlega spennt að fá tvö lítil kríli
í fangið.
Hamingjan var þó óttablendin.
Árið 2015 missti Ingunn fóstur
þegar hún var gengin 20 vikur
og fjóra daga. Þá var síðkominn
fósturmissirinn skrifaður á óút
skýrða sýkingu. Sökum þessa var
Ingunn í stífu eftirliti á seinni með
göngunni. „Ég var heima þegar
vatnið fór árið 2015. Þá vissi ég
ekkert hvað var að gerast. Verkirnir
jukust hratt og það var ekki hægt
að stöðva fæðinguna. Sonur okkar
fæddist andvana morguninn eftir.“
Með þessar erfiðu minningu
í farteskinu tóku þau Ingunn og
Benedikt enga áhættu þegar hún
gekk með tvíburana. Til dæmis
ætluðu þau að bíða með að segja
Júlíönu frá því að hún ætti von á
tveimur litlum systkinum þar til
mesta hættan væri afstaðin. Þó
„Gott að finna að lífið heldur áfram“
n Foreldrum tvíbura sem fæddust á 23. viku meðgöngu er þakklæti ofarlega í huga n Gjafir frá Hringnum björguðu lífi Heiðars Más
Lífið getur gjörbreyst á einu augnabliki. Það þekkja þau Ingunn Sigurbjörg
Friðþórsdóttir og Benedikt Birkir Hauksson sem dvöldu í rúmlega 15 vikur á
barnaspítala Hringsins eftir að tvíburasynir þeirra, Heiðar Már og Brynjar Máni
fæddust fjórum mánuðum fyrir tímann í lok janúar. Brynjar lést nokkrum klukku-
stundum eftir fæðingu en Heiðar Már er alheilbrigður og nálgast óðum fjögurra
kílóa múrinn. Blaðamaður DV fór nýlega í heimsókn til fjölskyldunnar og fékk inn-
sýn í líf þeirra síðustu mánuði. Lífsreynslan er í senn þrungin gleði og nístandi sorg.
Kristín Clausen
kristin@dv.is
„Þetta var erfitt
en að sama skapi
reyndum við að hugsa
sem minnst og einbeita
okkur að núinu. Það tókst
alveg ágætlega.