Dagblaðið Vísir - DV - 25.08.2017, Qupperneq 46

Hlaðborð veitinga á Lindarbraut
Hvetja maraþonhlaupara til dáða
Sú hefð hefur skapast við Lindarbrautina á Seltjarnarnesi
að íbúar götunnar skreyta hús sín og garða fyrir Reykja-
víkurmaraþonið og efna til morgunverðarhlaðborðs til
að hvetja maraþonhlauparana til dáða.
Það eru meira en tíu ár síðan nokkrir nágrannar tóku sig saman í að skreyta kvöldið
fyrir hlaup og bjóða gestum og
gangandi í morgunverðarhlaðborð
og meðal þeirra eru hjónin Sjöfn
Þórðardóttir og Lárus B. Lárusson
og Magnea Ólöf Guðjónsdóttir og
Halldór Kjartansson Björnsson
sem bjuggu hlið við hlið í götunni.
Þegar Magnea og Halldór fluttu yfir
í aðra götu á Nesinu voru Sjöfn og
Lárus svo heppin að systir Sjafnar,
Þorbjörg, flutti í götuna og þessari
skemmtilegu hefð var haldið við og
vel það.
„Magnea og Halldór fluttu síðar
aftur á Lindarbrautina og fögnuðu
því að geta haldið áfram að hvetja
þessar hetjur til dáða,“ segir Sjöfn
Þórðardóttir.
Síðastliðin ár hefur þessi
hefð vaxið og dafnað og á miðri
Lindarbrautinni er Dýri ávallt með
hljómsveit og tekur á móti sveittum
maraþonhlaupurunum með ljúfum
tónum.
„Það er náttúrlega langskemmti-
legast að búa við Lindarbrautina
þegar Reykjavíkurmaraþonið er
annars vegar. Hefðin er að bjóða
vinum og vandamönnum að koma
í hvatningar- og klappliðið og
stemningin er ólýsanleg,“ segir
Sjöfn.
„Það er ómetanlegt að sjá allt
þetta fólk, sem allt er að stefna að
sama markmiðinu, að styrkja góð
málefni og láta gott af sér leiða. Því
er svo gaman að hvetja það til dáða
og bjóða því upp á eðalveitingar
fyrir þeirra framlag.“
Hlaðborð af veitingum
Og þvílíkar kræsingar sem lagðar
eru á borð fyrir gestina, bakaðar
eru bollakökur og þær skreyttar
í tilefni dagsins, boðið er upp á
ferska ávexti, osta, hráskinkur,
pylsur, pönnukökur, brauð og
pestó, kornflexgotterí og margt,
margt fleira, svo fátt sé nefnt. Bolla-
kökurnar eru allra vinsælastar hjá
hlaupurunum, en í þetta skiptið
voru bökuð um 300 stykki. Melón-
urnar eru afar vinsælar og sérstak-
lega vinsæll munnbiti hjá þyrstum
maraþonhlaupurunum. Umfram
allt er boðið upp á ískalt Prosecco,
vatn, ávaxtasafa eða léttan bjór.
„Erlendu gestirnir eru sér-
staklega hrifnir og eru agndofa af
hrifningu þegar þeir sjá hlaðborðið
og taka fjöldann allan af myndum,“
segir Sjöfn.
Í ár skelltu systurnar Sjöfn og
Þorbjörg sér í PIPPU, fengu sér þar
blöðrur, veifur og annað skemmti-
legt til að skreyta pallinn og götu-
myndina fyrir hlaupið.
„Það er líka frábært að vera
í hvatningar- og klappliðinu og
hvetja þessar hetjur áfram til dáða
og gleðja þær fyrir þeirra flotta
framtak.“
Hlaupið framHjá Hlaðborði Sumir létu sér nægja að horfa girndaraug-
um á hlaðborðið.
boss-gengið
Pétur Ívarsson og Boss-gengi
hans hlaupa framhjá, klædd
jakkafötum, skyrtu og bindi. Þeir
hlupu heilt maraþon til styrktar
Einstökum börnum.
Til sTyrkTar sunnu Sunna Valdís Sigurðardóttir, ættingjar og
vinir, kláruðu 10 kílómetra til styrktar AHC samtökunum. Sunna er eini
Íslendingurinn sem greinst hefur með AHC, Alternating Hem ip leg ia of
Child hood, sem er sjald gæf ur tauga sjúk dóm ur.
Vinir gunnars karls Heimir
Hallgrímsson landsliðsþjálfari og Gunnar
Karl voru á hraðferð og rosalega ánægðir
með hvatningarliðið. Söfnuðu þeir áheitum
fyrir Reykjadal, en þar eru starfræktar sum-
arbúðir fyrir börn sem glíma við alls kyns
fötlun. Þeir voru hluti af fjögurra manna hóp
sem nefnist „Vinir Gunnars Karls.“
fjórar Hressar konur á nesinu
Dóra Guðmundsdóttir, Guðrún Edda Haraldsdóttir, Eva Ingimarsdóttir og
Sjöfn Þórðardóttir voru í sólskinsskapi.
HæsTánægð með Hlaðborð
Hjónin Þröstur Þór og Kristín Björk voru alsæl með
klappliðið.
nælir sér í VeiTingar Söngvarinn
Valdimar safnaði fyrir Blár apríl - styrktarfé-
lag barna með einhverfu.
raðað á Hlaðborðið Lárus B.
Lárusson, Magnea Guðjónsdóttir, Sjöfn
Þórðardóttir og Þorbjörg Pétursdóttir
raða á borðið.