Dagblaðið Vísir - DV - 25.08.2017, Blaðsíða 35

Ljósanótt 3Helgarblað 25. ágúst 2017 KYNNINGARBLAÐ
Beint úr sjó er nútíma fiskverslun og sjávar­réttaveitingastaður
sem jafnframt hefur hefð­
bundið fiskmeti í hávegum.
Nýlega var staðurinn fluttur
frá Fitjum að Hafnargötu 29
í miðbæ Keflavíkur og við það
eykst mjög vægi veitinga­
staðarins sem tekur nú 30
manns í sæti.
„Þetta er orðinn miklu
stærri staður og meiri
veitingastaður. Við erum
með mikið úrval af sushi og
við eldum mikið fisk sem fólk
velur beint upp úr borðinu.
Einnig erum við með Fish and
Chips, humarsúpu og sjávar­
réttasúpu. Fljótlega verðum
við síðan með sjávarrétta­
hlaðborð,“ segir Bjarni Geir
Lúðvíksson, annar eigenda
Beint úr sjó, en hinn eig­
andinn er Magnús Heimisson.
Þeir félagar hafa rekið fisk­
sölu undir nafninu Beint úr sjó
í þrjú ár en þeir reka einnig
fiskvinnslu í Sandgerði. Hjá
Beint úr sjó starfar reynslu­
mikið fólk, sem sumt hvert
býr að allt að 30 ára reynslu
í faginu.
Bjarni segir aukna fjöl­
breytni einkenna fiskneyslu
landsmanna en hjá Beint úr
sjó er kappkostað að bjóða
bæði upp á hefðbundið fisk­
meti og nútímalega rétti:
„Margir vilja fá sína ýsu og
sínar gellur, plokkfisk, fiski­
bollur og annan hefðbundinn
hversdagsmat og við eigum
alltaf nóg af slíku. Sushi er á
hinn bóginn orðinn einn vin­
sælasti skyndibiti sem fyrir­
finnst og unga fólkið kaupir
mikið af því hér. Yngra fólk
kaupir líka alls konar tilbúna
fiskrétti hér.
Fiskurinn hér kemur beint
af fiskmarkaðnum og síðan
erum við með vinnsluna í
Sandgerði þar sem við verk­
um fiskinn okkar. Við erum
ekkert að verka fisk hér á
staðnum og því er engin slor­
lykt eða óhreinindi í búðinni
eða á veitingastaðnum,“
segir Bjarni. Að hans sögn
er þegar orðin mikil aðsókn
á nýja staðinn eftir opnun
í Hafnargötunni og meðal
annars koma fjölmargir
erlendir ferðamenn. Þeir
félagar búa sig undir mikinn
mannfjölda á Ljósanótt:
„Við erum mjög spenntir
fyrir Ljósanótt og verðum
með humarsúpu, Fish and
Chips og allt hitt fyrir mann­
skapinn. Við verðum líka með
vínveitingaleyfi og því verður
hægt að fá sér hvítvín með
sushi­inu eða einfaldlega
gæða sér á köldum bjór,“
segir Bjarni.
Hann segir að auka­
mannskapur verði við störf
hjá Beint úr sjó til að anna
eftirspurninni:
„Það verður líka hægt
að taka matinn með sér og
líklega verðum við með sölu
hérna fyrir utan. Við erum
með annan stað hérna á
svæðinu, Thai Keflavík, og
þekkjum því vel brjálæðið
hér á Ljósanótt. Þetta verður
bara gaman og við hlökkum
til að næra og gleðja mann­
skapinn,“ segir Bjarni að
lokum.
Nútímaleg fiskverslun og
hágæða sjávarréttastaður
BEiNT úr Sjó, HAFNArGöTu 29, KEFLAVíK
Eigendurnir
Bjarni Geir
Lúðvíksson (t.v.)
og Magnús
Heimisson.