Fregnir - 01.10.2009, Blaðsíða 27

FREGNIR. Fréttabréf Upplýsingar - Félag bókasafns- og upplýsingafræða
34. árg. - 2. tbl. 2009 2
var forseti 2007-2008. Óskar var kallaður til ábyrgðarstarfa á vegum umdæmisins árið 2000 og
hefur verið viðloðandi umdæmisstjórnun síðan, m.a. gengt störfum formanns stefnumótunar-, golf-
og Internetnefndar, verið umsjónarmaður gagnagrunns, og erlendur ritari og umdæmisritari. Þegar
áskorun um að takast á við æðstu stöðu hreyfingarinnar lá fyrir var ekki skorast undan og slagurinn
tekinn. Hann hlaut brautargengi og tók við starfi umdæmisstjóra 1. október sl.
Kiwanis er alþjóðlegur félagsskapur sjálfboðaliða
sem hefur það að markmiði að bæta heiminn með
þjónustu í þágu barna. Kjörorð hreyfingarinnar
eru “Hjálpum börnum heimsins” Með þessi orð
að leiðarljósi hefur t.d. tekist í góðri samvinnu
við Barnahjálp Sameinuðu þjóðanna að eyða
joðskorti í heiminum. Í heimabyggð hefur
hreyfingin tekið geðverndarmál uppá sína arma
og gengst þriðja hvert á fyrir landssöfnun með
sölu svonefnds K-lykils, lykils að betra lífi þess
fólks sem á við geðræna sjúkdóma að stríða.
Þjónustuverkefni Kiwanisklúbba á Íslandi
eru margvísleg og veita þeir tugmilljónum til
samfélagslegrar hjálpar á ári hverju. Kiwanis
er þó líklega þekktast hérlendis fyrir að gefa
öllum 6 ára börnum í grunnskólum landsins
Kiwanishjálma. Á undanförnum 7 árum hafa um 10% þjóðarinnar fengið glæsilega öryggishjálma að
gjöf í góðri samvinnu við Eimskip sem bakhjarl verkefnisins.
Kiwanisfélagar í heiminum eru um 600 þúsund. Um er að ræða konur, karla, fullorðna, ungmenni og
börn allt frá 6 ára aldri. En það er einmitt í ungliðastarfi Kiwanis sem mesti vaxtarbroddurinn er. Á
Íslandi og í Færeyjum starfa nú nærri þúsund félagar og að baki þeim hafa makar myndað með sér
samtök þannig að í íslensku Kiwanisfjölskyldunni eru nú hátt í 2 þúsund manns. Starfið fer fram í
hefðbundnum karla, kvenna og blönduðum klúbbum, en að auki er einn grunnskólaklúbbur og unnið
er að stofnun klúbba í framhaldsskólum.
Afhending viskueplis Ársafns eftir vistaskipti
samstarfsmanns