Morgunblaðið - Sunnudagur - 29.01.2017, Blaðsíða 10
10 MORGUNBLAÐIÐ SUNNUDAGUR 29.1. 2017
Easy2Clean
Mött veggmálning
sem létt er að þrífa
Síðumúla 22 | Sími 517 0404 | serefni.is
Opið: 8-18 virka daga 10-14 á laugardögum
Svansvottuð
betra fyrir umhverfið, betra fyrir þig
VETTVANGUR
Ég þekki það frá störfum mín-um sem lögmaður að þegartveir deila þá getur oft verið
heppilegast að leysa málið með sam-
komulagi, með því að báðir gefi eitt-
hvað eftir af kröfum sínum. Þetta á
einkum við þegar fjárhagslegir
hagsmunir eru ekki slíkir að þeir
réttlæti tímafrek og dýr málaferli.
Jafnvel getur þetta átt við í málum
sem varða grundvallarrétt einhvers
konar en ekki fjárhagslega hags-
muni. Mál eru nefnilega stundum
þannig vaxin að deila um þau verður
fljótt sjálfstætt vandamál og jafnvel
meira en upphaflegi vandinn. Þá
getur verið gott að semja sem fyrst.
Við hrun bankanna 2008 kom upp
það lögfræðilega álitaefni hvort Ís-
land hefði „innleitt“ með nægilega
vönduðum hætti þá tilskipun ESB
sem kvað á um að til staðar þyrfti að
vera tryggingasjóður, fjármagnaður
með tilteknum hætti, sem tryggði
allar innstæður í bönkunum. Ísland
hafði vissulega sett á fót slíkan sjóð
en við hrunið kom i ljós að hann gat
ekki staðið undir
kröfum allra inn-
stæðueigenda. Í
raun laut hið lög-
fræðilega álita-
efni að því hvort
að íslenskir
skattgreiðendur ættu að fylla á sjóð-
inn en það var krafa erlendra inn-
stæðueigenda. Kjörnir fulltrúar
ákváðu að best væri að semja við út-
lendingana. Var þá líklega lögð sú
mælistika á málið sem ég reifaði hér
í byrjun. Á Icesave málinu og hefð-
bundnum lögfræðideilum er hins
vegar sá reginmunur að í Icesave
málinu var tekist á um hagsmuni
skattgreiðenda sem kjörnum fulltrú-
um ber ávallt að gæta til hins ýtr-
asta. Hagsmunirnir í Icesave málinu
voru ekki, og hefðu aldrei verið, ein-
angraðir við það mál eitt og sér.
Hvernig sem færi í því máli yrði nið-
urstaðan fordæmisgefandi.
Þetta var meðal þess sem rak okk-
ur til að stofna Advice hópinn sem
lagðist gegn samningi um málið.
Þegar hópurinn kom saman í febr-
úar 2011 var útlitið heldur dökkt fyr-
ir málstað hans. Kannanir bentu til
að um 2/3 myndu samþykkja Icesave
III í þjóðaratkvæðagreiðslu. Enginn
fjölmiðlamaður mætti á fyrsta kynn-
ingarfund hópsins en þeir mættu
hins vegar á sambærilegan fund
Áfram-hópsins sem vildi samþykkja
samninginn. Og margt virtist mál-
staðnum mótdrægt. Fréttablaðið,
Ríkisútvarpið, helstu hagsmuna-
samtök launþega
og atvinnulífs,
álitsgjafarnir,
bankarnir, mats-
fyrirtækin,
seðlabankinn,
mikill meirihluti
Alþingis, ríkisstjórnin, samninga-
nefndin og svo framvegis. En að lok-
um komst mikill meirihluti kjósenda
að þeirri niðurstöðu að best væri að
hafna samningnum í þjóðaratkvæða-
greiðslunni 9. apríl. Tveimur árum
síðar, 28. janúar 2013, hafnaði
EFTA dómstóllinn svo kröfu um
ábyrgð íslenskra skattgreiðenda.
Menn halda upp á marga daga af
minna tilefni. Til hamingju með dag-
inn í dag.
Fleira en fé í húfi í Icesave
’ Viðurkenning áábyrgð skattgreiðendahefði verið vont fordæmi.
Úr ólíkum
áttum
Sigríður Andersen
sigga@sigridur.is
Morgunblaðið/Golli
Ýmislegt var rætt á samfélags-
miðlum í vikunni. Áberandi var sam-
hugur þjóðar en fjölmargir tjáðu
samúð sína vegna láts Birnu Brjáns-
dóttur. Af öðrum málum var rætt
um bleikmerkta pelsa, pólitík,
Trump og hrátt hakk Sigmundar
Davíðs, og ýmis-
legt annað líka.
Alþingismað-
urinn Kolbeinn
Óttarsson
Proppé bendir á
sturlaða staðreynd
á Facebook-síðunni sinni.
„Sturluð staðreynd. 13 af 21 þing-
manni Sjálfstæðisflokksins gegna
embætti ráðherra, forseta Alþingis
eða formennsku í nefnd. 13/21, ætli
nokkurn tímann í sögunni hafi valda-
hlutfallið verið svona einum flokki í
hag? Kannski var þetta kerfisbreyt-
ingin sem var boðuð fyrir kosn-
ingar.“
Fjölmiðlamað-
urinn Þorsteinn
J. Vilhjálmsson
skrifar athugasemd
við þessa færslu.
„Þetta er vel
athugað, eins og fótboltaleikur þar
sem allir 22 eru í sama liðinu, þeir á
móti rest!“
Alþingismaðurinn Sigmundur
Davíð Gunnlaugsson kom fés-
bókarvinum á óvart og birti fremur
ólystuga mynd af kexi og hráu
nautahakki og ritaði þessa færslu:
„Einn af mörgum kostum við ís-
lenskt kjöt er að maður þarf ekki að
elda það frekar en maður vill.“
Færslunni var deilt yfir hundrað
sinnum og skapaði mikla umræðu á
netinu. Sitt sýndist hverjum um
ágæti þessa „réttar“.
Illugi Jökulsson
fylgist eins og fleiri
með daglegum
heimskulegum
tvítum Donalds
Trump og spyr á
fésbókinni:
„Jæja, nú er klukkan að verða
ellefu hér. Hvað er hún í Ameríku?
Um hvaða leyti byrjar Trump að
tvíta?“
Leikkonan Brynhildur Guð-
jónsdóttir setti inn færslu um síð-
ustu helgi þar sem
hún tjáir hug katt-
arins: „Mjáll á af-
mæli í dag, hann er
13 ára! Hann var
mjög vonsvikinn að
fá ekki neinar
kveðjur á Facebook þangað til ég
benti honum á að hann væri ekki á
Facebook. Þá lagði hann sig bara aft-
ur.“ Skemmst er frá því að segja að
ýmsir kattavinir eru á meðal vina
hennar því yfir sex hundruð manns
lækuðu færsluna Mjáli til stuðnings
og fékk hann langt yfir hundrað af-
mæliskveðjur. Tveimur dögum síðar
póstaði Brynhildur annarri færslu og
birti mynd af Mjáli sitjandi á klósett-
setunni. „Mjáll er bæði hrærður og
upp með sér yfir öllum kveðjunum.
Nú vill hann fá að vita hvar hann
kynntist öllum og hvort þeir séu
köttur, hundur eða maður. Þetta á
eftir að taka tíma, við nýtum því
hverja stund.“
Lára Björg Björnsdóttir,
framkvæmdastjóri
hjá Suðvestur,
tvítar um örvhenta
og jarðskjálfta:
„Mig langar að
stofna samtök:
Örvhentir og bar-
áttumál þeirra, fólk sem fílar ekki að
eiga afmæli og fólk sem vill frekar
salt en sykur.“ Hún bætir svo við
stuttu síðar: „Langar að bæta við
þetta: Fólk sem finnur alla jarð-
skjálfta en enginn trúir fyrr en þeir
koma í fréttunum.“
AF NETINU
ÞÚ FINNUR ALLT Á FINNA.IS
VANTAR ÞIG
PÍPARA?