Morgunblaðið - Sunnudagur - 29.01.2017, Blaðsíða 34

Gíneu er enginn en ferðalagið er samt
sem áður langt. Hópurinn gisti í París
eina nótt og síðan var millilent í Má-
ritaníu á leiðinni til Conakry en þó
ekki farið úr vélinni.
Fyrsta upplifunin af stórborg í
Vestur-Afríku var af ákveðinni
óreiðu, eins og einkennir margar
borgir í þróunarríkjum, margt fólk og
engar umferðarreglur, segir Hanna
Björk en rúmlega tvær milljónir
manna búa í borginni.
Allir í dansferðalaginu gistu saman
Hanna Björk Valsdóttir er ný-komin heim úr rúmlegatveggja vikna ferð til Gíneu
í Vestur-Afríku. Ferðin var farin með
samheldnum hópi sem æfir afródansa
í Kramhúsinu undir stjórn hjónanna
Söndru og Mamady Sano. Þau fóru
með hóp út í fyrra og stefna á að fara
eftirleiðis á hverju ári. Mamady er frá
Gíneu og starfaði sem dansari í
heimalandinu og einnig í New York
áður en hann kom hingað til lands.
Með skipuleggjendunum voru ell-
efu í ferðinni. „Svo komu nemendur
frá Suður-Ameríku sem Mamady
hefur verið að kenna þar,“ segir
Hanna Björk, þannig að við hópinn
bættust stelpur frá Mexíkó, Argent-
ínu og Síle.
Dönsuðu með gíneskum
dansflokki
Dagskráin var stíf og vel skipulögð og
var dansað allan daginn, fimm daga
vikunnar og svo frí um helgar.
„Það voru æfingar tvisvar á dag,
milli 9 og 11 og 16.30 til 19. Milli 13 og
16 fengum við síðan að fara á æfingar
hjá Merveilles-dansflokkinum,“ segir
Hanna Björk en þetta er þekktur
dansflokkur í Gíneu, sem er að fara
að sýna í New York í vor.
„Við fengum að vera með í upp-
hitun og línum á milli 13 og 15 og svo
fór dansflokkurinn að æfa sína
dansa,“ segir hún en í línum er verið
að æfa ákveðin spor yfir dansgólf.
Hanna Björk segir að þetta hafi verið
heilmikil áskorun og gaman hafi verið
að fylgjast með svona færum döns-
urum.
„Á dansæfingunum okkar voru síð-
an sex Merveilles-dansarar og sex
trommarar,“ segir Hanna Björk en á
æfingum var líka sungið því „hver
dans á sína sögu og lög, dansarnir eru
alltaf um eitthvað.“
Tímamismunurinn milli Íslands og
Ljósmyndir/Hanna Björk Valsdóttir
Glaðar og sveittar eftir síðasta danstímann í Conakry. F.v. Sóley Stefánsdóttir,
Hanna Björk Valsdóttir og Ásdís Halldórsdóttir.
Afróferð til Gíneu
Samheldinn hópur sem æfir afródans í Kramhúsinu fór til Gíneu
í rúmlega tvær vikur í byrjun þessa árs. Dansað var frá morgni til kvölds
alla virka daga og farið í vettvangsferðir um helgar.
Inga Rún Sigurðardóttir ingarun@mbl.is
Dansarar úr Merveilles-dansflokknum á æfingu.
Danskennararnir Alpha og
Aboubacar taka sporið á ströndinni
á paradísareyjunni Room.
FERÐALÖG Tripit er app sem hægt er að mæla með við ferðalanga. Tripit tekur ferðaupplýsingar úr tölvupóstinum þínum úr staðfestingarpóstum frá flugfélögum, hótelum og
bílaleigum. Gott til að deila upplýsingum með öðrum.
Flott ferðaapp
34 MORGUNBLAÐIÐ SUNNUDAGUR 29.1. 2017
Hanna Björk er með heimildarmynd í bígerð um afríska dansa
og tónlist og tengingu Íslands og Gíneu.
„Það eru tuttugu ár síðan fyrstu trommararnir komu frá
Gíneu til Íslands og það eru margir sem hafa dansað þessa afr-
ísku dansa á Íslandi. Í myndinni ætla ég líka að fara meira út í
dansana, tónlistina og þessa menningu. Það er lítið talað um afr-
íska menningu í fjölmiðlum eða myndum. Það er yfirleitt verið
að tala um eitthvað neikvætt, stríð og fátækt,“ segir Hanna
Björk sem notaði ferðina til að taka upp efni fyrir myndina. Hún
er búin að fá handrits- og þróunarstyrk frá Kvikmyndamiðstöð
Íslands og ætlar næst að sækja um framleiðslustyrk. „Þess vegna
er ég að skipuleggja að fara aftur á næsta ári með tökumanni,“
segir Hanna Björk sem ætlar að reyna að finna tökumann sem
talar frönsku enda geti tungumálið verið ákveðin hindrum.
„Maður var reyndar orðinn nokkuð sleipur í menntaskólafrönsk-
unni eftir tvær vikur.“
AFRÍSKIR DANSAR OG MENNING
Heimildarmynd í bígerð