Morgunblaðið - Sunnudagur - 29.01.2017, Blaðsíða 45
Verða að bjóða upp
á nýtt íslenskt efni
Pálmi segir nýtt íslenskt efni skipta
gríðarlegu máli í þessu sambandi.
„Til að eiga möguleika á því að ná
hylli áhorfenda verðum við að bjóða
upp á nýtt íslenskt efni og um þessar
mundir er engin íslensk sjónvarps-
stöð með meira leikið íslenskt efni í
pípunum en við,“ segir Pálmi.
Samkeppnin í gerð leikins ís-
lensks efnis er raunar mikil um
þessar mundir sem hljóta að vera
góð tíðindi fyrir áhorfendur.
Menn hrista
slíkt efni ekki
fram úr erminni
og fjögur ár eru
síðan farið var að
leggja drög að
Stellu-þáttunum.
Meðgöngutími
Yrsu-þáttanna og
Ferðalagsins er
svipaður. Að sögn
Pálma er ekki
verra að efni af
þessu tagi hafi sannað sig áður, eins
og Stella og Yrsa á bók, en frum-
sköpun geti auðvitað líka skilað góð-
um árangri. „Það er ótrúlega gaman
að vinna með grasrótinni við að búa
til sjónvarp.“
Sjónvarp Símans Premium leggur
sig fram um að bjóða upp á nýja er-
lenda þætti daginn eftir að þeir eru
frumsýndir erlendis. „Það er okkar
svar við ólöglegu niðurhali og fyrir
vikið finnum við minna fyrir því,“
segir Pálmi.
Efnisveitur eru að vonum nýr
auglýsingamiðill og segir Pálmi
markaðinn meðvitaðan um það. „Ís-
lenskir auglýsendur hafa tekið vel
við sér og gera sér í auknum mæli
grein fyrir því hvar framtíðin ligg-
ur.“
Hugmyndin raungerist
Til að draga þetta saman segir Pálmi
vatnaskil hafa orðið á árinu 2016.
„Það er framtíðin að horfa hvar sem
er og hvenær sem er á sjónvarp;
þessi hugmynd raungerðist á síðasta
ári. Þetta hefur tekið sinn tíma; ég
man eftir að hafa rætt um stafrænu
byltinguna, sem þá stóð fyrir dyrum,
í samtali við Vikuna árið 1995; að
maður yrði sinn eigin sjónvarps-
stjóri og allt það. Ég sá mikil tæki-
færi í þessu á þeim tíma og það er
magnað að við séum loksins komin á
þann stað. Á þessum tíma var Ama-
zon að selja raftæki og bækur; sjáðu
þá núna!“
– Mun línuleg
dagskrá þá senn
heyra sögunni til?
„Ég sé alla vega
mikinn eðlismun
frá því sem áður
var. Auðvitað taka
þessi umskipti ein-
hvern tíma og fólk
þarf að vita á hvað
það vill horfa til
þess að geta nýtt
sér þjónustu efn-
isveitunnar.“
Hér á Pálmi við að framvegis þarf
fólk í auknum mæli á stóla á sjálft
sig þegar kemur að því að velja sjón-
varpsefni til að horfa á en ekki ein-
hverja dagskrárstjóra úti í bæ.
Mun alltaf finna sér farveg
Pálmi er sammála því að íslenska
þjóðin sé líklega meðfærilegri en
flestar aðrar þjóðir í þessu sam-
bandi enda sé hún jafnan fljót að til-
einka sér nýjungar, ekki síst á
tæknisviðinu. „Þegar fólk kemst
upp á lagið með efnisveitur verður
ekki aftur snúið. Sú tíð er liðin að
sjónvarpstækið sé miðpunktur
heimilisins. Núna hafa myndlykl-
arnir og snjallsímarnir tekið við
hlutverki þess og þegar þessi tæki
ganga sér til húðar tekur eitthvað
nýtt og spennandi við. Það er gang-
ur lífsins. Sjónvarpsefni mun alltaf
finna sér farveg.“
Heiða Rún Sigurðardóttir mun leika Stellu Blomkvist í fyrstu íslensku þátt-
unum sem fara munu í heilu lagi inn á efnisveitu í haust.
’ Til að eiga mögu-leika á því að aukamarkaðshlutdeild okkarverðum við að bjóða
upp á nýtt íslenskt efni
og um þessar mundir er
engin íslensk sjónvarps-
stöð með meira íslenskt
efni í pípunum en við.
29.1. 2017 MORGUNBLAÐIÐ SUNNUDAGUR 45
SJÓNVARP Sjónvarpsmaðurinn Piers Morgan vandar ekki
leikaranum Ewan McGregor kveðjurnar eftir að sá síðar-
nefndi hætti á síðustu stundu við að koma fram í morgunþætti
hans í Bretlandi á dögunum. Ástæða þess að McGregor sner-
ist hugur var sú að honum þykir Morgan hafa farið niðrandi
orðum um Kvennagönguna sem fram fer í Bretlandi í
dag, laugardag. Morgan brást vondur við og hefur
meðal annars kallað McGregor hræsnara og
„barnanauðgarasleikju“ og vísar þar til lofsam-
legra ummæla leikarans um hinn umdeilda kvik-
myndaleikstjóra Roman Polanski. Morgan segir
að McGregor hefði frekar átt að mæta í þáttinn
og koma sjónarmiðum sínum um kvenfrelsi þar
á framfæri. Það hefði verið „fullorðinslegra“.
McGregor skammaður
Ewan
McGregor
AFP
MÁLMUR Feður málmsins, Black Sabbath,
fá glimrandi dóma fyrir framgöngu sína á
tónleikaferðinni „The End“ sem gæti orðið
sú síðasta hjá sveitinni. Breska blaðið The
Guardian fjallaði um tónleikana í vikunni og
gaf þeim fimm stjörnur af fimm mögulegum.
Að sögn blaðsins er Geezer Butler síkvikur á
bassanum, Tony Iommi særir enn undra-
hljóm fram úr gítarnum, þrátt fyrir að glíma
við krabbamein, og Ozzy Osbourne syngur
enn úr sér lifur og lungu enda þótt hann
muni ekki textana lengur og þylji þá upp af
skjá. Við lá að The Guardian kallaði eftir
særingameistara að gjörningnum loknum.
Neglir texta sem hann man ekki lengur
Ozzy gamli Osbourne; hress en gleyminn.
Reuters
SJÓNVARP Leikkonan Mary Tyler Moore lést í
vikunni, áttræð að aldri. Hún var þekktust fyrir leik
sinn í sjónvarpsþáttunum The Dick Van Dyke Show
(1961-66) og The Mary Tyler Moore Show (1970-
77).
Síðarnefndu þættirnir, þar sem
Moore lék konu á framabraut,
nutu mikillar hylli og þótti Moore
eiga þátt í því að breyta viðhorfi
fólks til útivinnandi kvenna á
þeim tíma. Í breska dagblaðinu
The Guardian er persóna hennar
sögð hafa verið „hið vinalega
andlit femínismans“, síkát, bros-
mild, sjarmerandi, hæfileikarík
og harðdugleg.
„Mary Richards [persóna
Moore í þáttunum] sýndi að úti-
vinnandi kona á fertugsaldri gat
auðveldlega búið ein og verið
hamingjusöm; slegið sér upp
með mönnum án þess að vera
stöðugt að leita að þeim eina
rétta og verið örugg með sig í
karllægu umhverfi,“ segir í frétt
blaðsins.
Moore var ekki bara fyrimynd
sjálfstæðra kvenna, heldur ruddi
hún einnig brautina fyrir aðrar
konur í sjónvarpi; sýndi og sann-
aði að konur gátu auðveldlega
borið uppi heilu þættina og gert
þá vinsæla meðal almennings.
Moore hóf feril sinn í auglýs-
ingum en var sagt upp störfum
fyrir að verða ófrísk. Hún sló svo
í gegn í þætti Dicks Van Dykes en
hún var sextugasta og seinasta
konan sem þreytti áheyrnarprufu
vegna hlutverksins.
Mary Tyler Moore var þrígift.
Hún glímdi við vanheilsu sein-
ustu árin.
AFP
MARY TYLER MOORE FALLIN FRÁ
Hið vinalega
andlit
femínismans
Mary Tyler
Moore
AFP
Aðdáendur minnast stjörnunnar í Hollywood í vikunni.
Smiðjuvegi 68-72, Rvk Hjallahrauni 4, Hfj Fitjabraut 12, Njarðvík Eyrarvegi 33, Selfossi Barðinn, Skútuvogi 2
Við tökum að okkur: Peruskipti, rafgeymaþjónustu,
bremsuviðgerðir, stýrisenda, spindilkúlur, kerti,
kertaþræði, hjólalegur, fjöðrunarbúnað, viftureimar,
hjólastillingar og margt fleira.
LAGFÆRUM
BÍLINN
VIÐ
www.solning.is