Morgunblaðið - 13.03.2017, Blaðsíða 12

12 DAGLEGT LÍF
MORGUNBLAÐIÐ MÁNUDAGUR 13. MARS 2017
Vistvænna prentumhverfi
og hagkvæmni í rekstri
Með Prent+ fæst yfirsýn, aðhald í rekstri
og fyrsta flokks þjónusta.
www.kjaran.is | sími 510 5520
Kristín Heiða Kristinsdóttir
khk@mbl.is
Ungt fólk lætur ekkertstoppa sig, þess vegna ersvo gaman að vinna meðþví. Þeirra viðhorf er:
„The sky’s the limit.“ Þau eru ótrú-
lega huguð og hæfileikarík, krakk-
arnir sem ég hef verið að vinna með í
uppsetningu þessa söngleiks, þau
hafa verið í tónlist, söng og allskonar
námskeiðum frá unga aldri. Mín
upplifun er sú að krakkar í dag í
framhaldsskóla eru hæfileikaríkari
en mín kynslóð var á sínum skóla-
árum,“ segir Björk Jakobsdóttir
sem leikstýrir nemendum Flens-
borgarskóla í Hafnarfirði en þau
frumsýndu í síðustu viku söngleik-
inn Mormónabókina.
„Orkan og æskugleðin gefur
svo margt í svona uppsetningu. Ég
hef unnið mikið með ungu fólki í
gegnum tíðina og það er val hjá mér,
af því ég veit fátt skemmtilegra. Ef
ég gef krökkunum frelsi til dæmis í
tengslum með framsögn textans, og
ef ég passa að gera þetta í samvinnu
við þau og aðlaga þetta að þeirra
veruleika og að þeirra málfari, þá
næ ég oft fram ofsalega eðlilegum og
orkumiklum leik. Og ekki spillir fyr-
ir þegar brandararnir verða til á
sviðinu upp úr þeirra eigin kjarna.
Ef ég set markið hátt og hendi þeim
út í djúpu laugina, set svo svipuna á
þau og bæti við smá fagmennsku og
kunnáttu frá sjálfri mér, þá láta þau
vaða.“
Við vorum keðjureykjandi
Björk mælir með því að fólk
komi á sýninguna og kíki á framtíð-
ina sem býr í þessum krökkum.
„Þá hættir fólk kannski að vera
svartsýnt á blessuð börnin, fólk þarf
að sjá annað en unglingamyndir þar
sem þau eru með sprautunálar í æð-
unum eða horfin ofan í síma og tölv-
ur. Hið neikvæða hjá unglingum
virðist fá meiri athygli en allt það
góða sem þessir krakkar eru að
gera. Langflestir unglingar er til
fyrirmyndar,“ segir Björk sem sjálf
á tvo unglinga en henni finnst of oft
verið að vara unglingaforeldra við
hinu og þessu. „Varað við tölvunotk-
un unglinga, aukinni vímuefna-
notkun unglinga og svo framvegis.
Ekki einn einasti reykir af þeim
krökkum sem taka þátt í söng-
leiknum, það finnst mér rosalega
Skemmtilegast að
vinna með ungu fólki
Björk Jakobsdóttur finnst hið neikvæða hjá unglingum fá meiri athygli en allt það
góða sem þeir eru að gera. Henni finnst að fólk þurfi að sjá annað en unglinga-
myndir þar sem þau eru með sprautunálar í æðunum eða horfin ofan í síma og
tölvur. Hún mælir með að fólk komi á söngleikinn Mormónabókina og kíki á
framtíðina sem býr í hæfileikaríku krökkunum sem hún hefur verið að leikstýra.
Mormónar Sindri Blær og Kolbeinn í hlutverkum sínum sem trúboðsfélagar
Eitursvalir Þessir piltar eru heldur betur svalir í fráhnepptum skyrtum.
Mormónamartröð Ýmislegt gengur á í söngleiknum, t.d. martraðir.
Sem betur fer er fólk sífellt meðvit-
aðra um hvað það lætur ofan í sig og
um umhverfi sitt, það sést meðal ann-
ars á því hversu rækilega Eldhúsdagar
hafa slegið í gegn, en það er heiti á
nýrri dagskrárröð Bókasafns Seltjarn-
arness. Fjölmenni var þar þegar Dagný
Hermannsdóttir súrkálsmeistari og
Rakel Garðarsdóttir matarsóunar-
sérfræðingur fluttu hvor sinn fyrirlest-
urinn um hagnýt ráð fyrir heimilið. En í
dag mánudag, ætlar Rannveig Guð-
leifsdóttir frá vottunarstofunni Túni
að kynna hugmyndafræðina á bak við
lífræna framleiðslu og helstu þætti
sem einkenna framleiðsluferlið við líf-
ræna framleiðslu. Erindi sitt kallar
hún: Er þetta lífrænt? og í tilkynningu
kemur fram að Rannveig hefur sagt að
án vottunar sé engin vissa fyrir því að
vara sem sögð er lífræn uppfylli í raun
þær ströngu kröfur sem gerðar eru til
lífrænnar framleiðslu. Með umfjöll-
uninni ættu gestir bókasafnsins að
geta áttað sig á því hvort varan sem
fer í körfuna sé í raun og sann lífræn.
Erindi Rannveigar hefst kl. 17.30, að-
gangur er ókeypis og allir eru vel-
komnir. Bókasafn Seltjarnarness er á
Eiðistorgi 11.
Eldhúsdagar í bókasafni Seltjarnarness
Morgunblaðið/Eggert
Rannveig Hún ætlar að kynna hugmyndafræðina á bak við lífræna framleiðslu.
Hvernig vitum við hvort vörur
sem við kaupum séu lífrænar?
Rúmlega mán-
uður er til páska
og því varla
seinna vænna
fyrir þá sem vilja
læra að búa til
sín eigin páska-
egg að skella sér
á námskeið. Íris
bakari býður upp
á tveggja stunda
námskeið í
páskaeggjagerð
kl. 18-20 dagana
15., 16., 21. og 22.
mars á 4. hæð í
Fellsmúla 26.
Þátttakendur búa
til tvö páskaegg, annað úr ljósum
hjúp og hitt úr dökku súkkulaði. Þeir
læra að tempra súkkulaðið og geta
sett eigin orðsendingu eða glaðning
inn í eggin.
Allt hráefni er innifalið í nám-
skeiðsgjaldi, en þátttakendur greiða
sjálfir fyrir aukanammi til að setja
inn í eggin. Nemendur þurfa ekki að
hafa annað með sér en svuntu, ílát
fyrir páskaeggin og nammi eða hvers
kyns glaðning – jafnvel skartgrip –
orðsendingu eða málshætti sem þeir
kjósa að setja inn í eggin.
Gott er að hafa í huga að það sem
fer í eggin sé frekar í léttari kant-
inum. Íris er menntaður bakari og yf-
irbakari hjá 17 sortum.
Hún hefur unnið til ýmissa verð-
launa í bakstri, meðal annars varð
kaka hennar kaka ársins 2014.
Námskeiðið er fyrir 15 ára og eldri.
Nánari upplýsingar og skráning á
www.midi.is.
Endilega …
… lærið að búa til páskaegg
Girnilegt Þátttakendur búa til tvö páskaegg á námskeiðinu.
Morgunblaðið/Golli