Morgunblaðið - 13.03.2017, Blaðsíða 25

DÆGRADVÖL 25
MORGUNBLAÐIÐ MÁNUDAGUR 13. MARS 2017
Stjörnuspá
21. mars - 19. apríl 
Hrútur Leggðu þig fram um að sýna þínar
bestu hliðar svo að þér takist að vinna aðra til
fylgis við málstað þinn. Losaðu þig við óþarfa
og hnýttu lausa enda varðandi sameiginlegar
eigur.
20. apríl - 20. maí 
Naut Gróði, heilbrigði og hamingja spretta frá
verkinu sem þú fæst við – svo lengi sem það
er unnið af öllu hjarta. Höndin leitar ósjálfrátt
í veskið því það er eðlilegt að vilja verðlauna
sig þegar vel gengur.
21. maí - 20. júní 
Tvíburar Nú verður þú að setjast niður og
skrifa lista yfir þau verkefni sem þú hefur látið
hrúgast upp að undanförnu. Sýndu fólki fram
á að það muni uppskera eins og það sáir.
21. júní - 22. júlí 
Krabbi Flestum þætti erfitt að halda utan um
1,6 milljón hluti í hausnum í einu. Hlustaðu á
það sem fólk hefur að segja en bíddu með
framkvæmdir til morguns.
23. júlí - 22. ágúst 
Ljón Fólk finnur sig knúið til þess að ganga í
augun á þér. Til þess að draumar þínir geti
orðið að veruleika þarftu að vinna mikið og
leggja allt félagslíf á hilluna.
23. ágúst - 22. sept. 
Meyja Eitthvað er að angra þig og þú losnar
ekki við þá tilfinningu fyrr en þú gerir eitt-
hvað. Notaðu tímann í samninga, kaup og
sölu og viðræður af því tagi.
23. sept. - 22. okt. 
Vog Það getur reynst þér skeinuhætt að
hlaupa í blindni eftir athugasemdum annarra.
Leggðu fyrst niður allar varnir. En þú sættir
fólk með einstakri ráðsnilld.
23. okt. - 21. nóv.
Sporðdreki Það er líklegt að þú fáir góða
hugmynd varðandi fjárhaginn. Varfærnin mun
reynast þér best í bráð og lengd.
22. nóv. - 21. des.

Bogmaður Dugnaður þinn verður til um-
ræðu, en kannski ekki endilega meðal þeirra
sem þú vilt að hæli þér. Skoðaðu málin með
opnum huga. Líttu ávallt á björtu hliðarnar.
22. des. - 19. janúar 
Steingeit Óákveðni kæfir sköpunarmáttinn –
gerðu upp hug þinn og það fljótt. Reyndu að
skemmta þér með fjölskyldunni. Kannski
tekst ykkur að skapa minningar sem endast
ævilangt.
20. jan. - 18. febr. 
Vatnsberi Þú ert að ganga í gegnum undar-
legt tímabil. Ekkert gengur eins illa fram af
fólki og þegar það er svikið í griðum.
19. feb. - 20. mars

Fiskar Þú leitar ráða hjá félaga sem reynist
skemmtileg blanda af speki og hnyttni. Hann
er jafnframt rausnarskapurinn uppmálaður.
Bogi Sigurðsson sendi mérlínu, þar sem hann segir að
„nú á síðustu vikum hafa þeir
kvatt okkur knattspyrnumenn-
irnir þeir síðustu úr gullaldarlið-
inu sem vann fyrst Íslandsmótið
1951 – núna síðast Ríkharður,
Guðjón Finnbogason og Sveinn
Teitsson. Mér datt í hug við útför
Sveins.
Himnaranninn var ekki í vafa
er velja þurfti besta liðið.
Nú Venni, Gaui og Haddi hafa
haslað sér völl við gullna hliðið.
Ég átti því láni að fagna að
spila með þeim nokkra leiki.“
Gunnar J. Straumland segir á
Boðnarmiði að lægðarómynd
nálgist okkur hratt með fylgjandi
vindgangi og því sé ekki úr vegi
að rifja upp nokkur vindorð:
Bísingsvindur, barviðri,
bylur, túða, steglingur.
Höggpípa og hrakviðri,
hnattroka og derringur.
Stafurgola, steytingur,
stólpi, hregg og beljandi.
Þytur, gustur, þræsingur,
þeyr og hrök og sveljandi.
Blástur, gráð og belgingur,
blæsa, gjóstur, snerra.
Rimba, kul og rembingur,
rokbylur og sperra.
Ekkert ræði iðravind
né ólyktina sem ég fann
þó varla sé það váleg synd
að viðra í dag sinn innri mann.
Sigurlín Hermannsdóttir skrif-
ar föstudagslimru í Leirinn:
Hann Tumi var smávaxinn smali
og smámæltur nokkuð í tali.
Er sauðina elti
þá sjálfur hann gelti
því Vaskur stökk vestur í Dali.
Bjarni Gunnlaugur Bjarnason
bætti við á Boðnarmiði:
Við hanann komst Tumi í tæri
þó trylltur af svefnleysi væri
svo þetta galandi grey
griðin fékk ei
og var skotið á skreflengdar færi
Þessi klassíska limra Ólafs
Stefánssonar er matarleg:
Það var eitt sinn nýmunkur natinn,
sem af nákvæmni blessaði matinn.
Hann signdi oft grauta
og sirlion-steik nauta,
en sérlega glóðbökuð gratin.
Halldór Blöndal
halldorblondal@simnet.is
Vísnahorn
Við gullna hliðið, þræsing-
ur og matarlimra
Í klípu
„VIÐ ERUM MJÖG ÁNÆGÐIR MEÐ
ÁKAFA ÞINN OG GÆÐI VINNUNNAR.
EN ÞVENGURINN VERÐUR AÐ FARA.“
RASSSKOR
PÍPULAGNIR
EHF.
eftir Mike Baldwin eftir Jim Unger
„ÉG SPURÐI EKKI HVORT ÞÚ REYKTIR.
ÉG SAGÐI: „MÁ BJÓÐA ÞÉR ELDSPÝTUR?““
Hermann
Ferdinand
Hrólfur hræðilegi
Grettir
... að verja augu
hennar fyrir sólinni.
HVAÐ
VILT ÞÚ
Í DAG?
ÞANNIG AÐ ÞÚ
GETUR EKKI
SOFNAÐ?
ÉG Á Í ERFIÐLEIKUM
MEÐ SVEFNINN
AFTUR, DR. TÓKI!
ÉG GLEYMDI
VIÐ HVERN ÉG
VAR AÐ TALA!
JÓN DÁIR MIG
MIKIÐ
SJÁIÐI?ÞÚ ERT
FEITUR
HANN SAGÐI AÐ ÞAÐ VÆRI MIKIÐ
AF MÉR TIL ÞESS AÐ DÁST AÐ Eru svipir á sveimi á forsetasetrinuá Bessastöðum? Trú margra er
að þar dansi hin norska hefðarkona
Apollonia Schwartzkopf sem vofa um
gangana. Hún kom til Íslands 1722
eftir að hafa kært Niels Fuhrmann
amtmann fyrir svik í tryggðum. Og
undan því komst Fuhrmann ekki, því
hann var bókstaflega dæmdur til að
eiga Appollinu. Hún var kölluð
Hrafnhetta en sá er titill skáldsögu
Guðmundar Daníelssonar frá 1958.
Það er vel skrifuð bók og skemmtileg
aflestrar, þótt frásagnarmátinn væri
sjálfsagt annar í dag. En efniviðurinn
er alltjend góður, örlagasaga af amt-
mannssetrinu á Álftanesi.
x x x
Skaðinn við Straumfjörð á Mýrum íseptember 1936 þar sem rann-
sóknarskipið Pourquoi Pas? fórst
með allri áhöfn, utan einum manni,
verður alltaf frásagnarefni. Atburð-
um þessum gerir Illugi Jökulsson
ágætlega skil í bók sem kom út fyrir
síðustu jól og er í ritröðinni Háski í
hafi. Ítarlega er sagt frá hinum
heimskunna Charcot, leiðang-
ursstjóra og landkönnuði, sem fórst í
slysinu, sem hafa verið skrifaðar um
bækur, gerðar bíómyndir og listaverk
– meðal annars lágmynd eftir Einar
Jónsson myndhöggvara sem er í
heimaborg Charcots St. Malo við
Ermarsundsströnd Frakklands. Það
listaverk skoðaði Víkverji fyrir
nokkru og þótti áhrifaríkt.
x x x
Af mörgum bókum sem rekið hefurá fjörur Víkverja að undanförnu
er World Heritage Sites sem er leið-
sögn um þann 1.031 stað sem kominn
er á heimsminjaskrá Unesco. Þetta
er 7. útgáfan af þessu riti sem verður
æ stærra og ítarlegra. Víða er komið
við sögu og fyrst segir frá Galapagos-
eyjum í Kyrrahafi sem voru fyrsti
staðurinn sem komst á þessa skrá
sem stofnuð var 1977. Svo kemur allt
hitt; Frelsisstyttan í New York, kalk-
eyjarnar á Halong-flóa í Víetnam,
egypsku pýramídarnir og í Dan-
mörku Krónborgarkastali og dóm-
kirkjan í Hróarskeldu. Já, það er
gaman að sitja kyrr á sama stað en
samt að verða að ferðast.
vikverji@mbl.is
Víkverji
Varðveit mig, Guð, því að hjá þér leita
ég hælis. Ég segi við Drottin: „Þú ert
Drottinn minn, ég á engin gæði nema
þig.“ (Sálm. 16:1-2)
EXPLORE WITHOUT LIMITS
®
ARCTIC TRUCKS ÍSLAND EHF.
KLETTHÁLSI 3
110 REYKJAVÍK
SÍMI: 540 4900
NETFANG: info@arctictrucks.is
www.arctictrucks.com
VÖNDUÐ JEPPADEKK
FYRIR ÍSLENSKAR AÐSTÆÐUR
VÖNDUÐ OG HLJÓÐLÁT
DEKK UNDIR FLESTAR
GERÐIR JEPPA OG
JEPPLINGA.
STÆRÐIR FRÁ 29-44 TOMMU.
ÖLL ALMENN
DEKKJAÞJÓNUSTA
TÍMABÓKANIR
Í SÍMA 540 4900