Morgunblaðið - 17.03.2017, Side 6
6 FRÉTTIRInnlent
MORGUNBLAÐIÐ FÖSTUDAGUR 17. MARS 2017
Hlíðarsmára 6, 201 Kópavogi – S. 564 6464 – fasthof.is
að f m
viðskiptum
Elsa Alexandersdóttir
Aðstoðarmaður fasteignasala
Kristján Sigurðsson
Aðstoðarmaður fasteignasala
Evert Guðmundsson
Nemi til lögg. fasteignasala
Guðmundur Hoffmann
Steinþórsson
lögg. fasteignasali
Alls verða sex byggingar á Höfða-
torgi fullbyggðu. Hæsti turninn, 19
hæðir og Fosshótelturninn, sem er
16 hæðir, er í notkun auk sjö hæða
byggingar sem Reykjavíkurborg
leigir að mestu. Ásamt nýja skrif-
stofuturninum er að rísa 12 hæða
íbúðaturn. Miðað við að fermetrinn
kosti 400 þúsund í byggingu kostar
ekki undir 10 milljörðum að byggja
þessar tvær byggingar. Á næstu ár-
um er svo áformað að ljúka upp-
byggingu Höfðatorgs með níu hæða
byggingu á horninu þar sem höfuð-
stöðvar WOW Air eru nú. Með loka-
áfanga bílakjallarans munu bætast
við tæplega 200 stæði.
og bætast við 400 í haust, þegar
fyrstu leigutakarnir flytja í húsið. Þá
verður unnið að lokafrágangi torgs á
Höfðatorgi, sem mun breyta ásýnd
svæðisins.
Sex byggingar á torginu
Gunnar Valur segir stærðir hæð-
anna í Katrínartúni 4 vera hag-
kvæmar fyrir fyrirtæki af ýmsum
stærðum. „Við getum boðið fyrir-
tækjum leigustærðir frá um 300 fer-
metrum og upp úr. Við erum með
arkitekta á okkar snærum sem að-
stoða okkur við að ramma fyrirtækin
inn í húsið, svo að hver og einn fær
lausn eftir sínu höfði,“ segir hann.
„Það þarf að bregðast við landbroti
við Vatnsmýrartjörn og ágengum
gróðri sem sækir á í friðlandnu í
Vatnsmýri,“ sagði Jóhann Óli Hilm-
arsson, annar höfunda skýrslu um
fuglalífið á Tjörninni 2016. Hann og
Ólafur K. Nielsen hafa vaktað
fuglalífið þar um árabil og skrifað
árlega skýrslur um fuglalífið.
Um 1.100 m2 af votlendi hafa tap-
ast við austurbakka Vatnsmýrar-
tjarnar á fjórum árum. Styrkja þarf
bakkann og helst að fylla aftur upp
þar sem landið hvarf til að styrkja
fuglalífið, að mati Jóhanns. Hann
sagði að það munaði um þessa vot-
lendisspildu í litlu friðlandinu.
Verði ekki spornað við fram-
vindu ágengs og hávaxins gróðurs í
Vatnsmýri er ljóst að kríuvarpið
mun hverfa þaðan að mestu, að því
er segir í skýrslunni. Jóhann segir
kríuna vera mjög mikilvæga fyrir
fuglalífið því aðrar fuglategundir
laðist að kríuvarpinu.
Andavarp við Tjörnina og í
Vatnsmýri gekk vel í fyrra „miðað
við þá ördeyðu sem ríkt hefur síð-
astliðin 10 ár eða svo, sérstaklega
var góð afkoma hjá skúfönd og
duggönd,“ segir í skýrslunni. Við-
koma dugganda var sú besta í 36 ár
og skúfanda sú besta í 15 ár.
„Til lengri tíma hefur varp-
stofnum stokkandar, gargandar,
duggandar og æðar hnignað veru-
lega. Sérstaklega stendur æðar-
stofninn höllum fæti og viðbúið að
hann deyi út innan þriggja til fimm
ára.“ Enginn æðarfugl reyndi varp
við Tjörnina 2016. Þeir hafa orpið
þar árlega í nærri 60 ár.
Langvarandi viðkomubrestur
stendur andastofnunum almennt
fyrir þrifum. Helstu skýringarnar
eru fæðuskortur andarunga, afrán
og hnignun búsvæða.
Skýrsluhöfundar segja að ástand
fuglastofna Tjarnarinnar sé óvið-
unandi og ekki í samræmi við mikil-
vægi fuglanna fyrir borgarbúa.
Þeir hvetja til þess að áfram verði
stuðlað að fjölgun anda með andar-
ungaeldi og jafnframt að ráðinn
verði eftirlitsmaður með Tjarnar-
fuglum.
gudni@mbl.is
Töluvert landbrot
varð í friðlandinu
í Vatnsmýrinni
Bregðast þarf við landbroti og
ágengum hávöxnum gróðri
Morgunblaðið/Ómar
Vatnsmýri Um 1.100 fermetrar
lands hafa horfið vegna landbrots.
Agnes Bragadóttir
agnes@mbl.is
Kristján Þór Júlíusson, mennta- og
menningarmálaráðherra, hefur
ákveðið að kalla saman fulltrúa allra
helstu aðila skólastarfs í grunnskól-
um til að fara yfir framkvæmd sam-
ræmdu könnunarprófanna, sam-
kvæmt því sem fram kemur í
tilkynningu frá ráðuneytinu í gær.
Þar segir að verið sé að gera mikl-
ar breytingar á kerfinu með því að
innleiða rafræn próf og jafnframt sé
unnið að því að gera þau einstak-
lingsmiðuð. Þegar það komist til
framkvæmda muni samræmdu
könnunarprófin gefa betri mynd af
stöðu nemandans en áður. Arnór
Guðmundsson, forstjóri Mennta-
málastofnunar, sem ber lögum sam-
kvæmt ábyrgð á framkvæmd sam-
ræmdra prófa, sagði í samtali við
Morgunblaðið í gær, að þeir hjá
stofnuninni myndu vitanlega mæta á
samráðsfundinn og kynnast því
hvaða sjónarmið gagnvart prófunum
og framkvæmd þeirra væru uppi.
„Við áttum ágætis fund með alls-
herjar- og og menntamálanefnd, en
meginþunginn þar var ekki á fram-
kvæmd prófanna sem slíkra, en við
viljum gjarnan fara yfir þetta,“ sagði
Arnór. „Það hefur gætt ákveðins
misskilnings varðandi tengsl próf-
anna við innritun í framhaldsskóla,
sem að mínu viti hefur ruglað þessa
umræðu um samræmdu prófin eitt-
hvað.“
Samráðshópur kallaður saman
Í tilkynningu ráðuneytisins segir
m.a. orðrétt: „Formaður allsherjar-
og menntamálanefndar Alþingis átti
fund með mennta- og menningar-
málaráðherra 14. mars. ... Það var
sameiginleg niðurstaða þeirra að
ráðuneytið boðaði á næstu dögum
fulltrúa Menntamálastofnunar,
Sambands íslenskra sveitarfélaga,
Kennarasambands Íslands, Skóla-
meistarafélags Íslands, Ungmenna-
ráðs Menntamálastofnunar, Heimil-
is og skóla og Skólastjórafélags
Íslands til samráðs þar sem aðilar
fari yfir framkvæmd prófanna og
ræði mögulegar úrbætur.“
Fram kemur að óskað hafi verið
eftir tilnefningum í þriggja manna
sérfræðingahóp, sem meðal annars
skal fylgjast með framkvæmd og
þróun samræmdra könnunarprófa
og gert er ráð fyrir að hann verði
skipaður fyrir lok mánaðarins.
Ekki eru sagðar uppi neinar fyr-
irætlanir af hálfu ráðuneytisins um
að leggja niður eða breyta tilgangi
samræmdra könnunarprófa í grunn-
skólum. Niðurstöður prófanna veiti
miklar upplýsingar og greinandi
gögn um hvern nemenda og einnig
skóla.
Betri mynd af stöðu nemenda
Engin áform um að leggja niður eða breyta tilgangi samræmdra könnunarprófa í grunnskólum
Morgunblaðið/Eyþór
Menntun Nemendur sitja einbeittir
yfir samræmdum prófum.
Sérfræðingur í útleigu atvinnuhúsnæðis sem Morgunblaðið ræddi við
áætlaði að fermetrinn af nýju atvinnuhúsnæði á Höfðatorgi væri nú leigð-
ur á 2.500 til 3.000 krónur án virðisaukaskatts. Fasteignasali sem rætt
var við áætlaði að leiguverðið væri um 3.000 krónur á fermetrann. Hann
sagði eftirspurnina eftir skrifstofuhúsnæði vera í meðallagi um þessar
mundir en að mjög lítið framboð væri af öðrum tegundum húsnæðis eins
og verslunar- og iðnaðarbilum. Þó væri frekar eftirspurn eftir minni ein-
ingum en stærri. Samkvæmt þessum tölum er leiguverð fyrir Katrínartún
4 um 32,5-39 milljónir á mánuði, eða 390-468 milljónir á ári, auk virðis-
aukaskatts. Hjá Þjóðskrá Íslands fengust þær upplýsingar að þar væru
ekki til nein útgefin gögn um þróun leiguverðs fyrir atvinnuhúsnæði.
Um 3.000 krónur á fermetrann
LEIGUVERÐ
Baldur Arnarson
baldura@mbl.is
Þrjár efstu hæðirnar í nýjum skrif-
stofuturni á Höfðatorgi hafa þegar
verið leigðar út, rúmu hálfu ári áður
en húsnæðið kemur til afhendingar.
Eftirspurnin er enn einn vitn-
isburðurinn um uppganginn á fast-
eignamarkaðnum og kemur í kjölfar
þess að greiðlega gekk að leigja allar
hæðirnar 15 í Norðurturninum við
Smáratorg, sem tekinn var í notkun
í fyrravor. Byggingarfélagið Eykt
annast allar framkvæmdir við upp-
byggingu á Höfðatorgi.
Gunnar Valur Gíslason, fram-
kvæmdastjóri Höfðatorgs ehf., segir
marga hafa sýnt því áhuga að leigja
atvinnuhúsnæði í nýjum skrifstofu-
turni á Höfðatorgi, í Katrínartúni 4.
„Eftir að við byrjuðum að auglýsa
húsnæðið í Katrínartúni 4 til leigu í
lok febrúar hefur fyrirspurnum
fjölgað mikið. Byggingin er rúmlega
13.000 fermetrar og á níu hæðum,
auk þriggja hæða neðanjarðar.
400 stæði bætast við í haust
Þrjár efstu hæðirnar eru þegar
leigðar ásamt hluta kjallarans og
nokkrir aðilar eru að skoða rými í
húsinu. Það er ekki mikið um nýtt
skrifstofuhúsnæði til leigu á þessum
stað í borginni með nægan aðgang
að bílastæðum,“ segir Gunnar Valur.
Á Höfðatorgi eru nú 800 bílastæði
Mynd/PK arkitektar
Höfðatorg Tölvuteiknuð mynd af byggingum á Höfðatorgi í Reykjavík þegar þær verða fullbyggðar.
Hafa þegar leigt
út efstu hæðirnar
Mikil eftirspurn eftir rýmum í nýjum skrifstofuturni