Morgunblaðið - 17.03.2017, Blaðsíða 38
38
MORGUNBLAÐIÐ FÖSTUDAGUR 17. MARS 2017
Einar Falur Ingólfsson
efi@mbl.is
Þegar Marshall-húsið á Grandagarði
verður opnað almenningi á sunnu-
dag mun sýningarrými með verkum
eftir Ólaf Elíasson myndlistarmann
vekja verðskuldaða eftirtekt. Stærri
hluti þessarar reisulegu byggingar á
athafnasvæði HB Granda er fjórar
hæðir, veitingastaðurinn Marshall
Restaurant + Bar á jarðhæð, nýr
sýningarsalur Nýlistasafnsins á ann-
arri hæð og Kling & Bang á þeirri
þriðju. Á efstu hæðinni í þeim hluta
hússins verður síðan vinnustofa
Ólafs en í vesturenda byggingar-
innar geta gestir skoðað úrval nýrra
og eldri verka eftir hann í sýningar-
rými sem er sá hluti vinustofunnar
sem verður opinn almenningi og
starfræktur af i8, galleríi hans.
Ný vinnustofa Ólafs verður því
rekin samhliða aðalstúdíói hans í
Berlín. Í tilkynningu frá i8 segir að
Studio Olafur Eliasson í Berlín hafi
un langt skeið verið vettvangur list-
rænnar sköpunar. „Teymið í stúdíó-
inu vinnur með Ólafi við framleiðslu
og uppsetningu verka, sértæk verk-
efni og sýningar. Þau eru jafnframt
samstarfsmenn hans í tilraunum,
rannsóknum, útgáfu, fræðslu og
miðlun upplýsinga. Auk þess að
vinna að gerð verka í vinnustofunni
starfar stúdíóið líka með byggingar-
verkfræðingum og öðrum sérfræð-
ingum í samstarfi við menningar-
stofnanir og vísindamenn um allan
heim. Í því samhengi verður vinnu-
stofan í Reykjavík lítil og óformlegri
eining, þar sem ætlunin er að skapa
rými fyrir hugsun og tilraunir sem
unnar verða í íslensku samhengi.“
Hefur dreymt um aðstöðu hér
Þegar rætt er við Ólaf þar sem
hann er við vinnu ásamt starfs-
mönnum sínum í Berlín, segir hann
að sig hafi lengi dreymt um að geta
unnið enn meira hér á landi.
„Ég hef látið mig dreyma um að
hafa góða vinnuaðstöðu á Íslandi,
stað þar sem ég get unnið að og þró-
„Þetta er ekki hefðbundin sýning“
Morgunblaðið/Kristinn
Listamaðurinn Ólafur Elíasson í Hörpu, með glerhjúp sinn í baksýn. Nú
beinist kastljósið á fleiri, ný og eldri, verk hans við Reykjavíkurhöfn.
að verk,“ segir hann. Nú sé það að
verða að veruleika og jafnframt
verði hægt að sýna á hverjum tíma
nokkuð misstór verk. Þakkar hann
Berki Arnarsyni gallerista sínum í i8
fyrir þá góðu vinnu sem hann hefur
sett í að skipuleggja framkvæmdina
alla saman.
„Mér finnst sýningarýmið frábært
og gaman að geta haft verkin þar
strax nú þegar byggingin verður
opnuð um helgina. Ég byrja aug-
ljóslega ekki strax að vinna þar en í
sumar mun ég hægt og rólega koma
mér fyrir og byrja að vinna, vonandi
inn í haustið og líka eitthvað næsta
vetur. Til að byrja með verður því
aðeins sýningin frá mér í húsinu.“
Einskonar forsýning
Ólafur segir að hann hafi tamið
sér að setja ný verk alltaf upp í
vinnustofu sinni og hafa þau fyrir
augunum um tíma, meðan hann met-
ur þau og þar til hann ákveður að
þau séu tilbúin til að vera send á
sýningar út í heim.
„Ég lít eins á þennan hluta stúdíó-
sins í Marshall-húsinu, að ég sé þar
að meta nýju verkin og það má segja
að þetta sé einskonar forsýning á
þeim. Þá sýni ég einnig eldri verk
mín sem ég á sjálfur.“
Þegar Ólafur er spurður að því
hvort hann muni eitthvað koma með
fólk með sér frá Berlín að vinna í
nýju vinnustofunni, þá segir hann að
margt komi til greina, til að mynda
að vera með tímabundin „workshop“
frá vinnustofunni í Berlín. „Það fer
þó allt eftir því hversu heppinn ég
verð með verk og verkefni á Íslandi
– ég hef engin slík plön fastsett enn
sem komið er. En ef svo verður þá
myndi ég líklega ráða fólk til starfa á
Íslandi og vera með vinnustofuna í
fullri starfsemi.“
Grandasvæðið blómstrar
Talið berst aftur að sýningarrým-
inu þar sem sjá má ný og hrífandi
verk, þar sem Ólafur nýtir sér meðal
annars mikla lofthæð í hluta rým-
isins á athyglisverðan hátt. Þetta er
ekki hefðbundinn sýningarsalur en
er þetta einhverskonar yfirlitssýn-
ing?
„Mér finnst ágætt að skilgreina
þetta sem einhverskonar „millilend-
ingarrými“; þetta er ekki hefð-
bundin sýning og þarna er ekki gall-
erí, heldur hluti af vinnustofunni
minni. Þetta er í raun svipað og
stúdíóið mitt hér í Berlín en hér set
ég upp verk með samskonar hætti.
Ég horfi á þau um tíma áður en þau
eru send á sýningar. Mér finnst frá-
bært að geta sett þau upp nú með
þessum hætti á Íslandi og líka að
fólk geti komið og litið á þau ef það
hefur áhuga á, þegar það kemur að
skoða áhugaverðar sýningar í Nýló
og Kling & Bang.
Af og til mun ég taka verk niður
og setja önnur inn. En þetta er engin
yfirlitssýning. Eitt verkið er stein-
gólf gert úr íslenskum steinteg-
undum sem ég hef lengi stefnt að því
að gera og nú er það til sýnis og mér
finnst það koma afskaplega vel út.
Svo er ég að gera tilraunir með að
taka steinsteypumót af bráðnandi
jöklum en á Íslandi eru mjög góð
fyrirtæki sem vinna með steinsteypu
og geta tekist á við slíkar tilraunir
sem tengjast vitaskuld hlýnun jarð-
ar. Þessar tilraunir gætu orðið að
skúlptúrum en það er alls ekki víst,
ég mun horfa á verkin næsta árið og
ef ég er ekki sáttur held ég ekki
áfram að gera þau.“
Hvað varðar breytt hlutverk Mar-
shall-hússins, sem kjarna fyrir
myndlistarsköpun, finnst Ólafi frá-
bært að borgaryfirvöld skilji að
bjóða þarf upp á fjölbreytilega
menningarupplifun, bæði fyrir
heimamenn og ferðamenn. „Granda-
svæðið er að blómstra, það fer ekki á
milli mála, og mér finnst Marshall-
húsið vera frábær viðbót í flóruna.
Nýlistasafnið og Kling & Bang hafa
sterka og góða hefð hvað varðar
samstarf við unga listamenn og það
er mikilvægt. Mér finnst þetta allt
mjög spennandi – og svo er bygg-
ingin frábær og loksins hefur al-
menningur aðgang að henni.“
Ólafur Elíasson verður með vinnustofu í Marshall-húsinu sem verður opnað um helgina
Hluti vinnustofunnar verður opinn almenningi og ný og eldri verk hans sýnd í mislangan tíma
Morgunblaðið/Einar Falur
Frágangur Verkamenn koma fyrir ljósaskilti með heiti Marshall-hússins.
Vinnustofa Ólafs er efst til hægri en verkin sýnd í endanum til vinstri.
Til að skrifa gagnrýni þarf visst
hugrekki er yfirskrift málþings um
myndlistargagnrýni sem haldið
verður í dag kl. 12-14 í Listasafni
Íslands. Safnið og Listfræðafélag
Íslands standa fyrir málþinginu
sem verður stýrt af Dagnýju Heið-
dal í tilefni af yfirlitssýningu í
Listasafni Íslands á verkum Valtýs
Péturssonar (1919-1988), listmál-
ara og myndlistargagnrýnanda en
Dagný er sýningarstjóri hennar.
Valtýr var gagnrýnandi Morgun-
blaðsins frá árinu 1952 til dauða-
dags árið 1988 og skrifaði á þeim
tíma gagnrýni um 840 sýningar
auk 60 greina um ýmis efni sem
tengjast myndlist. Fjölmörg viðtöl
voru tekin við Valtý og er yfir-
skrift málþingsins sótt í eitt
þeirra.
Ýmsum spurningum verður
varpað fram á málþinginu, m.a.
hver hafi hugrekki til að skrifa
listgagnrýni í dag og um hvað
myndlistargagnrýni snúist hér á
landi og hver sé markhópur henn-
ar.
Þátttakendur í málþinginu eru
Jón B.K. Ransu, Aðalsteinn Ing-
ólfsson, Magnús Gestsson, Helga
Óskarsdóttir, Einar Falur Ingólfs-
son, Magnús Guðmundsson og
Þröstur Helgason.
Málþing haldið um
myndlistargagnrýni
Ljósmynd/Guðmundur Ingólfsson
Mikilvirkur Valtýr Pétursson var virtur myndlistarmaður og gagnrýnandi.
Myndlist í Marshall-húsinu
*
E
in
ka
le
y
fi
íu
m
só
kn
ar
fe
rl
ií
F
ra
kk
la
n
d
i.
**
N
ey
te
n
d
ap
ró
f
á
3
1*
*
/
5
2
**
*
ko
n
u
m
se
m
n
o
tu
ð
u
D
iv
in
e
H
ar
m
o
n
y
C
re
am
.
DIVINE HARMONY CREAM
E I N S TÖK SAMV I RKN I S EM
V IÐHELDUR UNGLEGR I HÚÐ
Þar sem land og haf mætast, skapar náttúran eilífa
fegurð. Immortelle Millésimée er blómið sem aldrei
fölnar, Jania Rubens er rauðþörungur sem getur
endurnýjað sig óendanlega oft. Þessi tvö einstöku
innihaldsefni frá Korsíku sameinast í nýja Divine
Harmony Cream frá L’OCCITANE, sem hannað er
til að vinna á áberandi hrukkum, stinnleika, húðtón,
andlitsfyllingu og útlínum.
Eftir 3 mánaða notkun virðast gæði húðarinnar hafa
umbreyst (87%**) og húð virðist hafa fyllingu á við
unga húð (83%***).
Kringlan 4-12 | s. 577-7040
L’Occitane en Provence - Ísland
6 EINKALEYFIÍ UMSÓKN*