Morgunblaðið - 02.05.2017, Side 29

DÆGRADVÖL 29
MORGUNBLAÐIÐ ÞRIÐJUDAGUR 2. MAÍ 2017
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Alhliða þjónusta fyrir vökvadælur
og vökvamótora
Sala - varahlutir - viðgerðir
Stjörnuspá
21. mars - 19. apríl 
Hrútur Þú hefur þitt á hreinu og þarft því ekki
að hafa áhyggjur af því þótt vinnufélagarnir
sæki að þér. Allt er í startholum fyrir samband
að hefjast.
20. apríl - 20. maí 
Naut Ef þið kannið eitthvað gaumgæfilega og
spyrjið réttu spurninganna getið þig leyst ráð-
gátu í dag. Samskiptin fara fram með fjar-
skynjun og augnaráðið er svo hlaðið að orð
reynast alger óþarfi.
21. maí - 20. júní 
Tvíburar Hugmyndir þínar njóta meiri stuðn-
ings en þú áleist í upphafi. Ef þú vilt eiga sam-
skipti við einhvern aftur skaltu stíga fyrsta
skrefið í kvöld.
21. júní - 22. júlí 
Krabbi Hver er sinnar gæfu smiður segir mál-
tækið og það á við þig sem aðra. Reyndu að
finna sameiginleg mál sem allir geta orðið
sammála um.
23. júlí - 22. ágúst 
Ljón Mennt er frelsun. Rómantík og daður
geta lífgað upp á daginn en einnig er hugs-
anlegt að þið hittið nýtt og skemmtilegt fólk.
23. ágúst - 22. sept. 
Meyja Tjáðu skoðanir þínar umbúðalaust og
láttu engan velkjast í vafa um, hvað þér finnst
um menn og málefni. Vertu einsömul í kvöld,
það hjálpar þér við að svara spurningunni.
23. sept. - 22. okt. 
Vog Valdabarátta við vini og vandamenn gerir
þér lífið leitt. Leggðu einn ósið á hilluna eða
taktu upp heilsubætandi sið. Kepptu svo að því
sem þig langar að ná.
23. okt. - 21. nóv.
Sporðdreki Það er ekki ástæða til annars en
að vera léttur í lund og láta lífið leika við sig. En
mundu að sígandi lukka er best. Orð þín eru
hnitmiðuð og markviss og hitta beint í mark.
22. nóv. - 21. des.

Bogmaður Athyglin beinist að þér í dag, sama
hvað þú tekur þér fyrir hendur. Skemmtileg
neyð gæti komið upp í líki óvæntra og svangra
gesta.
22. des. - 19. janúar 
Steingeit Hlustaðu vel á það sem þér eldri
menn hafa fram að færa. Nýttu þér það til
þess að átta þig á því hvað þú vilt til tilbreyt-
ingar.
20. jan. - 18. febr. 
Vatnsberi Komdu fram við þig eins og góður
yfirmaður myndi gera, þótt hinn raunverulegi
yfirmaður þinn sé ekki upp á marga fiska.
Hvorugt er hægt að sniðganga, hungur, eða
þorsta.
19. feb. - 20. mars

Fiskar Þú ert að vinna að stóru og tímafreku
verkefni. Ekki láta þetta þróast út í einhvers
konar valdabaráttu.
Mér hefur farið eins og Ak-ureyringum mörgum að
þykja Vaðlaheiðin hlýleg og falleg.
En ekkert er einhlítt. Hallgrímur
Óskarsson orti á Boðnarmiði:
Þarna situr þessi bunga,
þetta kallast varla fjall.
Eins og landsins lengsta tunga
sem lafir eftir mikið svall.
Ljóðabók Guðmundar á Sandi,
„Utan af víðavangi“ kom út 1942.
Þar er þessi staka:
Vélin hjólum leggur lið
lesa veginn hraðla.
Óðum gengur upp á við
yfir heiði Vaðla.
Þetta gefur tilefni til að rifja upp
vísur um fjöll. Steindór Stein-
dórsson frá Hlöðum, sá mikli kenn-
ari og fróðleiksbrunnur, kryddaði
mál sitt gjarna með smásögum og
vísum. Þessi er um Smjörvatns-
heiði:
Enn sá heiðarandskoti,
ekkert strá né kvikindi;
hundrað milljón helvíti
af hnullungum og stórgrýti.
Þessa stöku kenndi mér Kristján
Karlsson:
Háa-Þóra heitir fjall
hæst í Þorgeirsfirði.
Oddur kleif það einsamall
upp á þann háa klettastall.
Hér er „Staka um Fljótshlíð“
eftir Bjarna Thorarensen:
Á vori vænust meyja!
vafin öll í skart,
á sumri fríð húsfreyja!
flest hjá þér er þarft,
á hausti blíð sem móðir mæt,
á vetri fegurst línklætt lík,
lífs og dauð ágæt.
Þetta erindi kallar fram í hugann
gamla stöku:
Þegnar riðu á Þríhyrningsháls,
þaktir brynju og skjöldum.
Allir komu óvinir Njáls
nema Ingjaldur á Kjöldum.
Baldvin Jónsson skáldi orti:
Dal í þröngum drífa stíf
dynur á svöngum hjörðum.
Það er öngum of gott líf
uppi í Gönguskörðum.
Þannig var mið ákveðið frá
Snæfellsnesi:
Langt er út af Lúðuklett,
legið getur þar bátur.
Bjarnarfoss undir Búðaklett,
breiðan Gölt í Látur.
Halldór Blöndal
halldorblondal@simnet.is
Vísnahorn
Af Vaðlaheiði, Háu-Þóru
og öðrum fjöllum
Í klípu
ALLIR FÓRU RAUÐEYGÐIR HEIM AF
KVÖLDVAKTINNI.
PIPARÚÐIGÆÐAVOTTUNTILRAUNASTÖÐ
STARFSFÓLK
eftir Mike Baldwin eftir Jim Unger
„EF ÞETTA Á AÐ GERA MIG STÓRAN OG
STERKAN, ÞÁ ÆTTIR ÞÚ KANNSKI FREKAR
AÐ BORÐA ÞETTA.“
Hermann
Ferdinand
Hrólfur hræðilegi
Grettir
... að vinna saman!
KONUR ELSKA ÁSTARLJÓÐ
HVAÐ RÍMAR VIÐ
„ÚLFYNJA“?
„LÚSER“
AUÐVITAÐ ER ÉG AÐ
HLUSTA! ÉG VEIT AÐ
ÞAÐ AÐ HLUSTA ER
HEILBRIGT FYRIR
HJÓNABANDIÐ
SVARAÐU ÞÁ!
ÞAÐ VÆRI
ÓHEILBRIGT!
FINNST ÞÉR
ÉG VERA
FALLEG?
HRÓLFUR! ÞÚ
HLUSTAR EKKI
Á MIG!
Víkverji var staddur í Lundúnumfyrir skemmstu og rölti kvöld
eitt inn á dæmigerða enska knæpu
til að fylgjast með knattspyrnuleik í
beinni útsendingu.
Leikurinn var hvorki merkilegur
né eftirminnilegur en samræður
karlanna sem horfðu á leikinn með
Víkverja voru á hinn bóginn athygl-
isverðar. Af öllu að dæma voru þeir
allir fastagestir á kránni og þekkt-
ust augljóslega vel.
x x x
Þetta var um það leyti sem JohnTerry, fyrirliði meistaraefnanna
í Chelsea, tilkynnti að hann myndi
yfirgefa félagið í sumar og róa á
önnur mið. Terry hefur sem kunn-
ugt er verið gríðarlega sigursæll
með Lundúnaliðinu, unnið fjóra
meistaratitla, Meistaradeild Evrópu
og sitthvað fleira, og er almennt álit-
inn besti varnarmaður í sögu félags-
ins og einn sá besti í sögu úrvals-
deildarinnar líka.
x x x
En það var okkar mönnum ekkiefst í huga af þessu tlefni; held-
ur málið fræga þegar hann var stað-
inn að því að halda við eiginkonu
liðsfélaga síns, Wayne Bridge, fyrir
allmörgum árum. Þeir fóru í smæstu
atriðum yfir það mál, skelltu upp úr
og slógu sér á lær.
x x x
Dapurlegt, ekki satt? en svona erlífið. Í augum margra verður
önnur goðsögn úr ensku knatt-
spyrnunni, Ryan Giggs, alltaf mað-
urinn sem hélt árum saman við mág-
konu sína; eiginkonu bróður síns.
x x x
Félagarnir fóru vítt og breitt umsviðið og á góma bar meira að
segja nafn sem Víkverji hafði ekki
heyrt lengi; Tony Grealish. Írski
miðvellingurinn sem sálaðist langt
fyrir aldur fram árið 2013.
Víkverji missti raunar af því
hvers vegna þeir fóru skyndilega að
tala um hann en líklega var það
vegna þess að einhver vildi vita
hvort Jack Grealish, leikmaður
Aston Villa, væri sonur hans. Svo er
ekki.
vikverji@mbl.is
Víkverji
Allir vegir Drottins eru elska og trú-
festi fyrir þá sem halda sáttmála hans
og boð.
(Sálmarnir 25:10)