Morgunblaðið - 31.05.2017, Síða 6

6 FRÉTTIRInnlent
MORGUNBLAÐIÐ MIÐVIKUDAGUR 31. MAÍ 2017
SumargleðiáSikiley
sp
ör
eh
f.
Sumar 11
Sólríka eyjan Sikiley er undurfögur. Fornar minjar bera vitni
um 3.000 ára sögu hennar og hvísla um menningu þeirra
þjóða sem hér ríktu í gegnum tíðina. Ásamt því að skoða
Palermo verður farið til Monreale, Ragusa sem er barokkprýði
eyjarinnar, forngrísku borgarinnar Sýrakúsa, Modica sem
frægust er fyrir súkkulaðigerð sína og Catania sem stendur við
rætur eldfjallsins Etnu, sem við skoðum auðvitað nánar.
7. - 21. ágúst
Fararstjóri: Hólmfríður Bjarnadóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 338.300 kr. á mann í tvíbýli. ÖRFÁ SÆTI LAUS
Mjög mikið innifalið!
Guðni Einarsson
gudni@mbl.is
Keisaraskurðir eru hlutfallslega með
fæsta móti á Íslandi miðað við mörg
önnur lönd. Þeir hafa að jafnaði verið
16-18% allra fæðinga á Landspít-
alanum sl. 20 ár.
„Við viljum
gjarnan halda töl-
unum um keisara-
skurði svipuðum
og þær hafa verið.
Við teljum ekki að
það sé ástæða til
að fjölga keis-
araskurðum þar
sem útkoma fæð-
inga er nær
hvergi betri fyrir
börnin en hér á landi. Við teljum að
þetta sé í góðu jafnvægi hjá okkur,“
sagði Hulda Hjartardóttir, yfirlæknir
fæðingaþjónustu á Landspítalanum.
„Það er í sjálfu sér afar sjaldgæft
að konur fari í keisaraskurð hér án
nokkurrar ábendingar, það er lækn-
isfræðilegrar ástæðu. T.d. að eitthvað
hafi gerst í fyrri fæðingu sem olli
henni eða barninu skaða,“ sagði
Hulda. Í hverri viku koma verðandi
mæður á Landspítalann sem glíma
við einhvers konar fæðingarkvíða.
Hann getur stafað af slæmri reynslu
af fyrri fæðingu eða konurnar hafa
heyrt slæmar sögur. Þær ræða þetta
við fæðingarlækna og ljósmæður.
„Yfirleitt reynum við með fræðslu
og ráðgjöf að telja konunum hug-
hvarf ef þær óska eftir keisaraskurði
án læknisfræðilegrar ástæðu og
reynum að hjálpa þeim á annan hátt
með sinn kvíða,“ sagði Hulda. Í sum-
um tilvikum hafa konurnar leitað til
sálfræðings og sagði Hulda að hlut-
verk hans væri þá að vinna með þenn-
an kvíða.
„Læknisfræðilega er hvorki betra
fyrir konuna né barnið að fara í keis-
araskurð, sé allt með eðlilegum hætti.
Það fylgir meiri áhætta því að fæða
með keisaraskurði en að fara í gegn-
um fæðingu. Þess vegna höfum við þá
reglu að konan hitti að minnsta kosti
tvo lækna áður en ákveðið er að gera
keisararaskurð, ef ekki er nein lækn-
isfræðileg ábending fyrir því.“
Hulda segir að keisaraskurðir séu
miklu algengari í sumum löndum en
hér. Sums staðar í Grikklandi og á
Kýpur er um helmingur fæðinga með
keisaraskurði. Á einkasjúkrahúsum í
Brasilíu eru allt að 90% fæðinga með
keisaraskurði. Í Bretlandi og í
Bandaríkjunum er tíðni keis-
araskurða víða komin yfir 30% fæð-
inga. Norðurlöndin hafa flest haldið
hlutfalli keisararaskurða undir 20%
fæðinga. Hlutfallið hefur þó hækkað í
Danmörku og er komið yfir 20%.
Hulda segir að Norðurlönd séu í far-
arbroddi hvað varðar vel heppnaðar
fæðingar og dánartíðni nýbura sé
lægst þar á heimsvísu.
Skera ekki að óþörfu
 Sjaldgæft að konur fari í keisaraskurð hér án læknisfræði-
legrar ástæðu  Sumar verðandi mæður kvíða fæðingunni
Morgunblaðið/Golli
Nýburi Keisaraskurði er beitt í 18% fæðinga á Landspítala. Mynd úr safni.
Hulda
Hjartardóttir
BAKSVIÐ
Baldur Arnarson
baldura@mbl.is
Íbúðir sem kosta undir 20 milljónum
eru vandfundnar í Reykjavík og eru
dæmi um að herbergi kosti orðið á
annan tug milljóna króna.
Hér til hliðar má sjá samantekt á
verði og stærð 20 ódýrustu íbúðanna
í Reykjavík sem voru til sölu á fast-
eignavef Morgunblaðsins í gær.
Átta af þessum 20 íbúðum voru
ósamþykktar. Meðalverðið var 22,4
milljónir og meðalfermetraverðið
var rúmlega 562 þúsund krónur.
Hæst var fermetraverðið fyrir ósam-
þykkta stúdíóíbúð á Öldugötu, eða
tæplega 837 þúsund krónur. Lægst
var fermetraverðið fyrir íbúð á jarð-
hæð í Skipasundi, eða 383 þúsund.
Það hús var sagt þurfa mikið við-
hald.
Meðalverð íbúðanna 20 var sem
fyrr segir 22,4 milljónir. Þær upplýs-
ingar fengust frá Landsbankanum
að hagstæðasta lánið fyrir 85%
þeirrar upphæðar væri verðtryggt
15,7 milljóna jafngreiðslulán til 40
ára og 3,3 milljóna verðtryggt lán til
15 ára. Þessar upphæðir samsvara
70% og 15% kaupverðsins.
Tæplega 76 þúsund á mánuði
Mánaðarleg greiðslubyrði þessara
lána væri nú alls um 75.500 kr. Við
greiðslumat væri stuðst við tölur vel-
ferðarráðuneytis um neysluviðmið.
Samkvæmt þeim tölum þyrfti ein-
staklingur á höfuðborgarsvæðinu að
hafa 298.500 kr. í ráðstöfunartekjur
til að standast greiðslumat og fá um-
rætt lán. Samkvæmt útreikningum
Morgunblaðsins þarf launamaður að
hafa 445.000 í heildarlaun til að ná
þessum ráðstöfunartekjum. Er þá
reiknað með 4% viðbótarlífeyri.
Hér til hliðar er líka tafla með
dæmum um verðhækkanir á ein-
stökum íbúðum. Til skýringar var
leitað að íbúðum þar sem til voru
kaupsamningar frá nokkrum tíma-
bilum. Í tveimur tilvikum voru ekki
til kaupsamningar frá þessu ári. Því
var reynt að endurspegla sem best
stöðuna í dag með því að velja til
samanburðar sambærilegar íbúðir
sem eru til sölu í næstu stigagöngum
í sömu götu í mjög svipuðu fjölbýli.
Sigurður Helgi Guðjónsson,
hæstaréttarlögmaður og formaður
Húseigendafélagsins, segir lána-
stofnanir jafnan hafa sett það sem
skilyrði fyrir fasteignalánum að
íbúðir séu samþykktar. Þá þurfi
íbúðir að vera samþykktar til að
leigutaki geti fengið húsaleigubæt-
ur. Um réttindi og skyldur eiganda
innbyrðis í fjöleignarhúsum gildir
hins vegar einu hvort íbúð er sam-
þykkt eða ósamþykkt.
Lakara húsnæði sett í sölu
Sigurður Helgi bendir á að gengið
hafi dómar fyrir allmörgum árum
þar sem ósamþykktar íbúðir voru
metnar 15% minna virði en sam-
bærilegar samþykktar íbúðir. Hann
telur að það bil hafi síðan breikkað.
„Eftir því sem húsnæðiskostnaður
hækkar og framboðið er minna þeim
mun meira er dregið fram af lélegu
húsnæði og ósamþykktum íbúðum.
Má segja að þar sé margur sótraftur
á sjó dreginn,“ segir Sigurður Helgi.
Hann telur að fram séu komin
merki um bólu á fasteignamarkaði.
Sigurður Bessason, formaður Efl-
ingar stéttarfélags, segir kannanir
benda til að hlutfall félagsmanna í
eigin húsnæði hafi lækkað úr 65-66%
í 47-48% á síðustu tíu árum.
„Þeim fækkar stöðugt sem geta
keypt sér húsnæði. Þetta hlutfall er
meira afgerandi fyrir Eflingu en hjá
öðrum félögum í Flóabandalaginu.
Húsnæði er enda miklu dýrara á
höfuðborgarsvæðinu. Mín upplifun
er sú að þeim fari fækkandi sem geta
keypt íbúðir. Það verður stöðugt
þrengra um þennan hóp miðað við
það sem áður var. Það er miklu erf-
iðara að kaupa fyrstu íbúð í dag en
fyrir tíu árum. Þetta er mjög alvar-
legt ástand,“ segir Sigurður. Hann
segir aðspurður að meðallaun fé-
lagsmanna í Eflingu séu 470-480
þús. Fólk með þær tekjur geti ekki
lagt mikið til hliðar, hvað þá fyrir 2-3
milljóna króna útborgun fyrir íbúð.
Fermetraverð allt að 837 þúsund
 Dæmi eru um ósamþykktar íbúðir í
Reykjavík sem kosta 25 milljónir króna
 Herbergi án baðs kostar 11 milljónir
Dæmi um verð á litlum íbúðum í Reykjavík
Póst-
númer Íbúðargata Verð
Fer-
metrar
Verð á
fermetra Stutt lýsing
1 108 Álftamýri 11.000.000 15 733.333 Ósamþykkt herbergi í kjallara með eldhúskróki.Aðgangur að sameiginlegri snyrtingu.
2 101 Öldugata 15.900.000 19 836.842 Ósamþykkt stúdíóíbúð á jarðhæð.
3 105 Rauðarárstígur 16.800.000 25 672.000 Ósamþykkt íbúð í kjallara.
4 110 Hraunbær 16.900.000 23 734.783 Lítil stúdíóíbúð á jarðhæð.
5 105 Mánagata 19.900.000 36 552.778 Einstaklingsíbúð í kjallara.
6 101 Njálsgata 19.900.000 40 497.500 Ósamþykkt íbúð. Tekið fram að lofthæð sé ekki mikil.
7 101 Bergþórugata 21.900.000 37 591.892 Ósamþykkt íbúð í kjallara.
8 101 Bergþórugata 21.900.000 41 534.146 Ósamþykkt íbúð í kjallara.
9 111 Suðurhólar 22.900.000 43 532.558 Stúdíóíbúð á jarðhæð.
10 110 Hraunbær 23.900.000 42 569.048 Stúdíóíbúð á 3. hæð.
11 101 Öldugata 24.800.000 49 506.122 Kjallaraíbúð með sérinngangi.
12 109 Engjasel 24.900.000 61 408.197 Ósamþykkt kjallaraíbúð.
13 101 Njálsgata 24.900.000 52 478.846 Ósamþykkt kjallaraíbúð.
14 105 Skipasund 24.900.000 65 383.077 Þriggja herbergja íbúð á jarðhæð. Tekið er fram aðeignin þarfnist verulegs viðhalds að innan sem utan.
15 111 Spóahólar 24.900.000 55 452.727 Tveggja herbergja íbúð á þriðju hæð.
16 101 Grettisgata 26.000.000 37 702.703 Stúdíóíbúð með sérinngangi. Hefur verið í Airbnb-leigu.
17 107 Reynimelur 26.500.000 47 563.830 Tveggja herbergja íbúð á jarðhæð.
18 111 Austurberg 26.900.000 55 489.091 Tveggja herbergja íbúð á þriðju hæð.
19 104 Skipasund 26.900.000 50 538.000 Tveggja herbergja íbúð á jarðhæð í tvíbýlishúsi.Húsið hefur verið mikið endurnýjað.
20 111 Torfufell 26.900.000 57 471.930 Tveggja herbergja íbúð á jarðhæðmeð sólpalli.
Meðaltal 22.430.000 42 562.470
Heimild: Fasteignavefur Morgunblaðsins
Dæmi um verðhækkanir á íbúðum
Heimildir: Kaupsamningar í Fasteignaskrá Íslands/Fasteignavefur Morgunblaðsins
Söluár
Uppgefið verð
í kaupsamningi Núvirði*
Verðhækkun
á núvirði
Íbúð A
í Hlíðunum
1997 6.650.000 16.216.023
2014 30.000.000 31.503.563 15.287.540
2017 43.000.000 43.000.000 11.496.437
Íbúð B
á Seltjarnarnesi
1993 5.400.000 14.355.622
1996 5.950.000 14.736.667 381.044
2015 23.900.000 25.032.433 10.295.766
2017** 32.500.000 32.500.000 7.467.567
Íbúð C
í Árbæ
2001 6.450.000 13.617.693
2012 13.900.000 15.286.542 1.668.849
2015 20.000.000 20.519.842 5.233.300
2017** 28.900.000 28.900.000 8.380.158
* Miðað við breytingu á vísitölu neysluverðs.
** Miðað við auglýst verð á svipaðri íbúð sem er til sölu í næstu blokk í sömu götu.
Morgunblaðið/Ómar
Reykjavík Verð á íbúðum í borginni
hefur hækkað mikið hin síðari ár.