Morgunblaðið - 31.05.2017, Síða 16

16 FRÉTTIRInnlent
MORGUNBLAÐIÐ MIÐVIKUDAGUR 31. MAÍ 2017
veldari
lar
uhraða
Gerir sláttinn auð
sem slá á þínum göng
Það er leikur einn að slá með nýju
garðsláttuvélunum frá CubCadet.
Þær eru með MySpeed hraðastilli
sem aðlagar keyrsluhraða vélanna
að þínum gönguhraða.
ÞÓR FH
Akureyri:
Lónsbakka
601 Akureyri
Sími 568-1555
Opnunartími:
Opið alla virka daga
frá kl 8:00 - 18:00
Lokað um helgar
Reykjavík:
Krókháls 16
110 Reykjavík
Sími 568-1500
Vefsíða og
netverslun:
www.thor.is
SVIÐSLJÓS
Ingveldur Geirsdóttir
ingveldur@mbl.is
Það ætti að vera leikandi létt að
nota leikfang eins og „fidget spin-
ner“ til kennslu í grunnskólum.
Nægur sveigjanleiki er í náminu
til þess og tækifærin sem hann
býður upp á í kennslu snerta mörg
atriði sem rúmast innan aðal-
námskrár og þeirra vinnubragða
sem þar er vísað í, að sögn Magn-
úsar Þórs Jónssonar, skólastjóra
Seljaskóla í Reykjavík.
„Fidget spinners“, eða
svokallaðar þyrilsnældur á ís-
lensku, hafa verið mjög vinsælar
hjá börnum og unglingum síðustu
vikur og eru nýjasta „æðið“ á eftir
öðrum álíka eins og fótboltaspjöld-
um, Pokémon og Loom-böndum.
Sitt sýnist hverjum um ágæti þyr-
ilsnældanna og hafa þær verið
einkar óvinsælar hjá kennurum og
hafa margir skólar tekið upp á að
banna notkun þeirra, bæði í
kennslustund og í frímínútum.
Athygli vakti því Face-
book-færsla Ingva Hrannars Óm-
arssonar í fyrradag þar sem hann
kom með tíu hugmyndir um
hvernig kennarar gætu nýtt
snælduna við kennslu. Ingvi
Hrannar starfar við skólaþróun og
upplýsingatækni hjá sveitarfé-
laginu Skagafirði og sagði hann í
samtali við mbl.is að kennarar
þurfi að hafa svigrúm frá námskrá
til að geta gripið umræðuefni og
áhugamál krakka og sett það í
samhengi við kennsluefnið, ekki sé
hægt að vera alveg fastur í bók-
inni öllum stundum.
Leikur í námi
Þyrilsnældurnar eru ekki bann-
aðar í Seljaskóla en ef þær taka of
mikla athygli krakkanna eru gerð-
ar við það athugasemdir í kennslu-
stundum, að sögn Magnúsar Þórs.
„Það hefur verið umræða í skóla-
málum lengi hvort leikföng eigi að
vera í skólanum og hvort það eigi
að nota þau í kennslu, hvort börn-
in geti mögulega lært meira í
gegnum leik. Ég held að þetta til-
tekna leikfang sé óheppið að koma
inn í lok vorannar. Skólinn er að
verða búinn og síðustu vikurnar
eru tileinkaðar ákveðnum þáttum
og því erfiðara að brjóta upp
skólastarfið. Við höfum tekið þá
línu í mínum skóla að láta vorið
líða og sjá hvort þyrilsnældurnar
verði áfram vinsælar í haust,“ seg-
ir Magnús Þór.
Í Seljaskóla er ætlunin að
endurskilgreina hvernig megi nota
leik meira í námi og verður farið í
ákveðið þróunarverkefni varðandi
það næsta haust. „Við ætlum að
byrja á yngsta stiginu hjá okkur í
haust, að brjóta upp námið og læra
meira í gegnum leik og upplifanir
og samskipti í námi. Við horfum
m.a til Finnlands í þeim efnum en
þar hefur verið lögð meiri áhersla
á svokallað upplifunarnám síðustu
ár með góðum árangri. Mín per-
sónulega skoðun er sú að því fleiri
form sem þú notar til að kenna því
líklegra er að þú náir til fleiri
barna,“ segir Magnús Þór.
Hann segir umræðuna um leik-
föng í kennslu hafa verið í gangi í
um 20 ár og vera miklu stærri en
„fidget spinnerana“. „Mér finnst
umræðan sem er í gangi núna mun
mildari en oft áður og er sann-
færður um að fleiri skólar taki það
skref á næstunni að fara að kenna
í gegnum upplifanir.“
Útrás fyrir innri óróleika
„Fidget spinnerinn“ var hannað-
ur með það í huga að draga úr
streitu og auka einbeitingu og þyk-
ir oft koma sér vel fyrir börn með
athyglisbrest eða ofvirkni. Elín H.
Hinriksdóttir, formaður ADHD-
samtakanna, segir að sú hugmynd
að nýta þyrilsnældurnar til
kennslu falli vel í kramið hjá þeim.
„Þegar eitthvað kemur upp eins og
þetta æði hjá krökkum þá verðum
við að samþætta það inn í kennsl-
una. Það er alltaf verið að tala um
fjölbreyttar kennsluaðferðir í skóla
og því finnst mér við þurfa að
grípa boltann á lofti. Börn með
ADHD þurfa eitthvað sem grípur
athygli þeirra og þetta er akkúrat
svoleiðis tæki, en ég er þeirrar
skoðunar að þetta sé eitthvað sem
getur nýst í kennslu fyrir alla,“
segir Elín.
Hún hefur heyrt að þyrilsnæld-
urnar séu að nýtast einstaklingum
með ADHD vel en auðvitað séu
skiptar skoðanir um það. „Fólk
með ADHD hefur mikla fiktiþörf
og með því að hafa þyrilsnælduna í
höndunum fær það útrás fyrir
þennan innri óróleika, það hefur
eitthvað annað til að einbeita sér
að.“
Morgunblaðið/Golli
Þyrilsnælda Leikfangið er mjög vinsælt hjá börnum og unglingum um þessar mundir og hefur verið rætt um að nýta það til kennslu.
Þyrlað upp í kennslunni
 Þyrilsnældan óheppin að verða vinsæl í lok vorannar, segir skólastjóri  Býður upp á marga
möguleika í kennslu  Veitir útrás fyrir innri óróleika, segir formaður ADHD-samtakanna
Birta Margrét
Gestsdóttir
Arnar Daði
Þórisson
Kristey Una
Kristinsdóttir
Það eru allir með þyr-
ilsnældur að sögn
fimm manna hóps 9
og 10 ára krakka sem
blaðamaður ræddi
við. Þau eiga öll fleiri
en eina þyrilsnældu,
flest þrjár til fjórar en
mest á einn átta. Flest
þeirra sáu þetta leik-
fang fyrst á Youtube.
„Tanner Fox var
fyrstur til að vera með „fidget spinner“ af youtuber-
unum, ég sá þetta fyrst hjá honum fyrir mörgum mán-
uðum, svo voru allir youtuberarnir farnir að vera með
svona,“ segir Arnar Daði Þórisson. „Ég sá þetta fyrst í
skólanum, allt í einu voru bara allir með svona í skól-
anum,“ segir Birta Margrét Gestsdóttir.
Spurð hvað þeim þyki skemmtilegast að gera með
spinnernum svara þau öll: „að snúa þeim“, hvort sem er
á puttanum, nefinu eða á enninu, þá sé skemmtilegt að
reyna að snúa þeim mörgum saman í einu.
„Kennararnir eru svolítið pirraðir á þessu, það er bú-
ið að banna þá í skólanum,“ segir Birta Margrét. Þau
hafa samt farið með þyrilsnældurnar í skólann en segj-
ast gera það til að nota þær eftir skóla. Katla Sigrún
Elvarsdóttir segist taka snælduna upp eftir skóla og
dundi sér við að snúa henni á meðan hún gengur heim.
Spurð hvort þau myndu vilja að kennararnir notuðu
þyrilsnælduna við kennslu játa þau í kór og fara að
sýna blaðamanni hvernig megi telja snúningshringina
og aðrar kúnstir.
Þau búast ekki við að verða komin með leiða á leik-
fanginu eftir skamman tíma. „Þetta er eitt það
skemmtilegasta sem ég hef gert. Þetta hefur tilgang,
þetta snýst,“ segir Ásgeir Skarphéðinn Andrason.
Flottast er að eiga þyrilsnældu með ljósi að sögn
krakkahópsins.
Katla Sigrún
Elvarsdóttir
Skemmtilegt leikfang sem þau fá ekki strax leiða á
Ásgeir Skarphéðinn
Andrason